完整藏文原文 · 德格版页 当前仅加载第 87 函德格 26a 版页；藏文 NFD、目录标记与异常页序保留在来源切片中，重复版页行以稳定序号区分。
གསང་བའི་རྡོ་རྗེ་ཞེས་བྱ་བའི་སྙིང་པོ་འདི་གསུངས་པ། ན་མཿསརྦ་ཏ་ཐཱ་ག་ཏེ་བྷྱཿསརྦ་མུ་ཁེ་བྷྱཿསརྦ་ཐཱ་གུ་ཧྱ་བཛྲ་དྷ་ར་སྭཱ་ཧཱ། དེ་ནས་གསང་བའི་རྡོ་རྗེའི་སྙིང་པོ་གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དང་སངས་རྒྱས་ཀྱི་འཁོར་གྱི་དཀྱིལ་འཁོར་
D496.087.0026a01.01ཐམས་ཅད་དུ་གསང་བའི་བདག་པོ་གསང་བའི་བདག་པོ་ཞེས་སྒྲ་གཅིག་ནས་གཅིག་ཏུ་འུར་ཞེས་གྲགས་ནས་འདི་ལྟ་སྟེ། སྙིང་པོ་འདིའི་མཐུ་དང་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱི་སྟོབས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་དེ་བཞིན་གཤེགས་པ་ཐམས་ཅད་ཀྱི་ཐུགས་
D496.087.0026a02.01དང་ཡེ་ཤེས་ཕུན་སུམ་ཚོགས་པ་དག་མངོན་སུམ་དུ་ཞུགས་སོ། །ཡང་དེ་བཞིན་གཤེགས་པ་དེ་དག་གིས་བསྟན་པ་ཀུན་དུ་བསྲུང་བ་དང་འགྲོ་བ་ཡོངས་སུ་སྐྱོབ་པའི་སྙིང་པོ་རྡོ་རྗེ་ཆེན་པོ་རྒྱ་ཆེ་བའི་གཟུངས་ཞེས་བྱ་བའི་སྙིང་པོ་གསུངས་པ། ན་མཿསརྦ་ཏ་ཐཱ་ག་ཏེ་བྷྱཿསརྦ་མུ་ཁེ་བྷྱཿ
D496.087.0026a03.01སརྦ་ཐཱ་བཛྲ་དྷ་ར་པི་ར་བི་ར་པི་ཀི་ར་སྭཱ་ཧཱ། རྡོ་རྗེ་ཆེན་པོ་རྒྱ་ཆེ་བའི་སྙིང་པོ་གསུངས་མ་ཐག་ཏུ་འཇིག་རྟེན་གྱི་ཁམས་རབ་འབྱམ་ཐམས་ཅད་དང་། སངས་རྒྱས་ཀྱི་འཁོར་གྱི་དཀྱིལ་འཁོར་ཐམས་ཅད་དུ་རྡོ་རྗེ་ཆེན་པོ་རྒྱ་ཆེ་བ་ལས་བྱུང་བའི་ལག་ན་རྡོ་རྗེ་སངས་རྒྱས་ཀྱི་ཞིང་ཐམས་ཅད་དང་
D496.087.0026a04.01འཇིག་རྟེན་གྱི་ཁམས་རབ་འབྱམ་ཐམས་ཅད་དང་། དེ་བཞིན་གཤེགས་པ་ཐམས་ཅད་ཀྱི་ཞབས་ཀྱི་དྲུང་རྣམས་དང་། བྱང་ཆུབ་སེམས་དཔའ་ཐམས་ཅད་དང་། ཉན་ཐོས་དང་། རང་སངས་རྒྱས་ཐམས་ཅད་དང་། སེམས་དང་པོ་བསྐྱེད་པ་རྣམས་དང་། ལས་དང་པོ་པ་རྣམས་
D496.087.0026a05.01དང་། །སེམས་ཅན་རྣམས་ཀྱི་རྒྱབ་དང་། མདུན་དང་མ་ཉལ་པའམ་གཉིད་ཀྱིས་ལོག་པའམ་ཆོས་སྟོན་པའམ་བྱང་ཆུབ་མངོན་པར་རྫོགས་པར་འཚང་རྒྱ་བའམ་སེམས་ཅན་གྱི་དོན་བྱེད་པའམ་སྤྲུལ་པ་རབ་ཏུ་བྱེད་པའི་བར་དུ་ཐམས་ཅད་ཀྱི་དྲུང་ན་གཟུགས་ཐམས་ཅད་ཡང་དག་པར་
D496.087.0026a06.01སྟོན་པའི་ཆོ་ག་ཤེས་པ་ལག་ན་རྡོ་རྗེ་ཅོད་པན་ཅན་ཀུན་དུ་སྣང་ངོ་། །ཡང་དེ་བཞིན་གཤེགས་པ་དེ་དག་གིས་ཕྱོགས་རྡོ་རྗེས་བཅིངས་པ་ཞེས་བྱ་བའི་རྡོ་རྗེའི་སྙིང་པོ་མཆོག་གསུངས་པ། ན་མཿསརྦ་ཏ་ཐཱ་ག་ཏེ་བྷྱཿསརྦ་མུ་ཁེ་བྷྱཿསརྦ་ཐཱ་དིག་བཛྲ་ཊ་ཊ་ཊ་ཊ་ཊྃ་སྭཱ་ཧཱ། ཕྱོགས་རྡོ་རྗེས་
D496.087.0026a07.01