完整藏文原文 · 德格版页 当前仅加载第 87 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་བཟླས་བརྗོད་བྱའོ། །དེ་ནས་ཅི་འབྱོར་པས་མཆོད་དེ་བ་ལང་གི་ལྕི་བས་ལ་མ་ལྷུང་བས་དཀྱིལ་འཁོར་བསྐུས་ལ་བསྲུང་བར་བྱ་སྟེ། གུ་གུལ་གྱི་ཡམ་སྲེག་ཤིང་ཞོ་དང་སྦྲང་རྩི་དང་མར་ལ་སྨྱུགས་པས་མཚན་ཐོག་ཐག་སྦྱིན་སྲེག་བྱས་ན། ནམ་ཕྱེད་དམ་ཉི་མ་ཤར་ཀར་ངེས་
D496.087.0084a01.01པར་འགྲུབ་པར་འགྱུར་ཏེ་རྫས་དེ་འབར་བར་འགྱུར་རོ། །དེ་བླངས་ན་རྡོ་རྗེ་རིགས་སུ་རྡོ་རྗེ་གཞོན་ནུའི་ལུས་ཐོབ་བོ། །གཟུངས་ཆེན་པོ་འཐོབ་བོ། །འདོད་ན་མཆིའོ། །ཅི་སྟེ་མ་གྲུབ་ན་ཡང་ལས་ཐམས་ཅད་ནུས་པར་འགྱུར་རོ། །ཤི་འཕོས་ན་ཡང་ལྕང་ལོ་ཅན་ནམ་ལོངས་སྤྱོད་ཆེན་
D496.087.0084a02.01པོའི་ཁྱིམ་དུ་སྐྱེ་བར་འགྱུར་རོ། །རྟག་ཏུ་བཟླས་བརྗོད་བྱས་ན་སྐྱེ་བོ་ཐམས་ཅད་དགའ་བར་འགྱུར་རོ། །ལག་ན་རྡོ་རྗེ་ལ་བལྟ་ཞིང་བཟླས་བརྗོད་བྱས་ན་སྡིག་པ་ཐམས་ཅད་བྱང་བར་འགྱུར་རོ། །ལུས་ཐམས་ཅད་ལ་བྱབ་པ་བྱས་ཏེ་ཉལ་ན། རྨི་ལམ་ན་སངས་རྒྱས་བཅོམ་ལྡན་འདས་
D496.087.0084a03.01རྣམས་མཐོང་ཞིང་དེ་ཉིད་དུ་གཟུངས་ཀྱང་འཐོབ་བོ། །ཟླ་བ་སྤྱང་ཀིས་ཟིན་པའི་ཚེ་བ་སེར་མོ་མ་སྨད་སྤུ་མཐུན་གྱི་མར་བླངས་ལ་ཟངས་ཀྱི་སྣོད་དུ་བཅུག་སྟེ། ཙནྡན་གྱི་དཀྱིལ་འཁོར་བྱས་ལ་དེར་གཞག་སྟེ། ཟླ་བ་ལ་མི་བལྟ་བར་དངོས་གྲུབ་རྣམ་གསུམ་བྱུང་གི་བར་དུ་བཟླས་བརྗོད་
D496.087.0084a04.01བྱས་ལ་དེ་འཐུངས་ན་ཐོས་པ་འཛིན་པར་འགྱུར་རོ། །འབར་ན་ནམ་མཁའ་ལ་འགྲོ་བར་འགྱུར་རོ། །དུ་བ་འཐུལ་ན་མི་སྣང་བར་འགྱུར་རོ། །དྲོ་བར་གྱུར་ན་འགྲོ་བ་ཐམས་ཅད་དབང་དུ་འགྱུར་རོ། །ཅི་སྟེ་རི་མོའི་གཟུགས་བསྒྲུབ་པར་འདོད་ན་ཆོ་ག་སྔ་མ་བཞིན་དུ་རི་མོ་མཁན་བྱང་
D496.087.0084a05.01ཆུབ་ཏུ་སེམས་བསྐྱེད་པས་སྦྱིན་དང་མ་འདྲེས་པའི་ཚོན་རྣམས་ཀྱིས་སྐྲ་མེད་པའི་རས་ལ་གཞོན་ནུ་གང་ཡང་རུང་བ་ཞིག་འདྲིར་གཞུག་སྟེ། རྒྱན་ཐམས་ཅད་ཀྱིས་བརྒྱན་པ། ཕུད་པུ་གསུམ་གྱིས་མགོ་བརྒྱན་པ། པདྨ་དཀར་པོ་ལ་འདུག་པ། རལ་གྲི་འོད་འབར་བའི་
D496.087.0084a06.01དབུས་ན་འདུག་པ། ལག་པ་གཡོན་པ་ན་རྡོ་རྗེ་ཐོགས་པ། བཞིན་འཛུམ་པ། ལག་པ་གཡས་པས་སྒྲུབ་པ་པོ་ལ་དབུགས་འབྱིན་པ། གསེར་གྱི་ཁ་དོག་ལྟ་བུའམ། པྲི་ཡང་ཀུའི་ཁ་དོག་ལྟ་བུའི་སྔོ་བསངས་པ་བྲིའོ། །དེའི་མདུན་དུ་མཆོད་པ་ཆེན་པོ་བྱས་ཏེ་བསྒྲུབ་
D496.087.0084a07.01