完整藏文原文 · 德格版页 当前仅加载第 87 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་རྫོགས་པར་བྱེད་པར་འགྱུར་རོ། །བསྒྲུབ་པ་གཞན་ཡང་ཡོད་དེ་རིའི་རྩེ་མོར་སོང་ལ་དེ་བཞིན་དུ་ལན་སུམ་འབུམ་བཟླས་བརྗོད་བྱའོ། །ཐ་མར་ཅི་འབྱོར་པས་མཆོད་དེ་འོ་མའི་སྲེག་བླུགས་ལན་སུམ་འབུམ་སྦྱིན་སྲེག་བྱས་ན་སྡིག་པ་བྱེད་པ་ཡང་ངེས་པར་འགྲུབ་པར་འགྱུར་རོ། །
D496.087.0088b01.01རི་མོའི་གཟུགས་དང་སྐུ་གཟུགས་མེད་པར་ཡང་བྱང་ཆུབ་ཏུ་སེམས་བསྐྱེད་པ་དང་། རྡོ་རྗེ་ཆེན་པོའི་དཀྱིལ་འཁོར་མཐོང་བ་བླ་མས་གནང་བ། སེར་སྣ་མེད་པ། དད་པ་དང་ལྡན་པ། དཀོན་མཆོག་གསུམ་ལ་གཞོལ་བ། སྤྲོ་བ་དང་ལྡན་པ། ཡི་དམ་ལ་བརྟན་པ། རྟག་ཏུ་
D496.087.0088b02.01མཉམ་པར་གཞག་པ། གསང་སྔགས་ཀྱི་དེ་ཁོ་ནའི་དོན་ལ་མཁས་པ། བླ་མ་ལ་གུས་བ་ལ་གྲུབ་པར་འགྱུར་རོ། །གཞན་དུ་ན་ནི་བརྒྱ་བྱིན་བདག་ཉིད་ཆེན་པོས་བསྒྲུབས་ཀྱང་། གསང་སྔགས་ཀྱི་དངོས་གྲུབ་སྦྱིན་པར་མི་བྱེད་དེ། ཡོན་ཏན་ཅི་སྐད་བརྗོད་པ་དང་ལྡན་པ་ལ་
D496.087.0088b03.01ངེས་པར་འགྲུབ་བོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཞི་བའི་བློ་གྲོས་བྲན་ཕོ་དང་། བྲན་མོ་དང་། ཕྱག་བརྙན་དང་། ཕྱག་བརྙན་མོ་དང་། ཕོ་ཉ་དང་། ཕོ་ཉ་མོ་ལ་སོགས་པ་འདི་དག་གི་མི་སྣང་བར་
D496.087.0088b04.01འགྱུར་བའི་ཡོན་ཏན་འདི་སྐད་དུ་བརྗོད་པ་གཞན་ཡོད་ཀྱིས། ལེགས་པར་རབ་ཏུ་ཟུང་ཤིག་དང་ཁོ་བོས་ཁྱོད་ལ་བཤད་དོ། །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་ཞི་བའི་བློ་གྲོས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་
D496.087.0088b05.01འདི་ནི་དུས་ཡིན། འདི་ནི་ཚོད་ཡིན་ཏེ་འཇམ་དཔལ་དེའི་དུས་ལ་བབ་པར་ཤེས་ན་ཤོད་ཅིག །ཞི་བའི་བློ་གྲོས་དེ་ལ་ཆོ་ག་སྔ་མ་བཞིན་དུ་སྔར་སྤྱད་པ་བྱས་པའི་རིག་པའི་བརྟུལ་ཞུགས་སྤྱད་པས་སྤང་མའམ། བ་བླའམ། ལྡོང་རོས་གང་ཡང་རུང་བ་ཞིག་བླངས་ལ། ཟངས་
D496.087.0088b06.01ཀྱི་གའུར་བཅུག་སྟེ་ངད་མ་ཤོར་བར་བྱས་ལ། ཟླ་བ་མར་གྱི་ངོ་ལ་ཞག་གསུམ་སྨྱུང་བ་བྱས་ལ་ལྷ་ཆེན་པོའི་གནས་སུ་ལྷ་ཆེན་པོའི་གཡས་རོལ་གྱི་ལུས་ལ་མཚན་ཐོག་ཐག་བཟླས་བརྗོད་བྱས་ཏེ་དུ་བ་འཐུལ་གྱི་བར་དུ་བྱའོ། །དེས་ལུས་ལ་བསྐུས་ན་མི་སྣང་བར་འགྱུར་རོ། །བུ་བཙས་
D496.087.0088b07.01