完整藏文原文 · 德格版页 当前仅加载第 87 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་འདིར་སྙིང་པོ་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་པོ་ནྣེ་ཏེ་དཏྟ་བྷཱུ་ཏ་ཨ་དྷི་པ་ཏི་སྭཱ་ཧཱ། བཅོམ་ལྡན་འདས་བདག་གི་སྙིང་པོ་འདི་ནི་ཕུན་སུམ་ཚོགས་པ་ཐམས་ཅད་སྩོལ་བར་བགྱིད་པ་སྟེ། རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཞིག་སྙིང་པོ་འདི་རྟག་
D496.087.0063a01.01ཏུ་དྲན་པར་བགྱིད་ན་བདག་རྟག་ཏུ་དེའི་སླད་བཞིན་དུ་འབྲང་བར་བགྱིའོ། །བསྲུང་བར་བགྱི། དཔལ་བསྐྱེད་པར་བགྱིའོ། །ཅི་སྟེ་བསྒྲུབ་པར་འཚལ་ན་དེས་སྐྱེད་མོས་ཚལ་དབེན་པའི་གནས་སུ་ཟས་ནུབ་མོ་འཚལ་ཞིང་སྙིང་པོ་འདི་ལན་འབུམ་བཟླས་བརྗོད་བགྱིའོ། །ཐ་མར་ཅི་འབྱོར་པས་མཆོད་པ་
D496.087.0063a02.01བགྱིས་ཏེ་ཙནྡན་གྱི་བདུག་པ་བསྲེག་ཅིང་གཏོར་མ་རྒྱ་ཆེན་པོ་ཡང་ཕུལ། མར་གྱི་མར་མེ་བརྒྱད་ཀྱང་ཕུལ་ལ་ཉི་མ་ནུབ་པ་ནས་བརྩམས་ཏེ་ནམ་ཕྱེད་ཀྱི་བར་དུ་བརྗོད་པར་བགྱིའོ། །དེ་ནས་འགྲུབ་པར་འགྱུར་རོ། །དགོས་པ་ཐམས་ཅད་ཀྱང་བསྒྲུབ་པར་འགྱུར་རོ། །སྨན་བཅུད་ཀྱིས་ལེན་ཀྱང་སྩོལ་
D496.087.0063a03.01ཏོ། །དེ་ནས་ལྷ་མོ་དཀའ་ཐུབ་ཟློག་གིས་བྱང་ཆུབ་སེམས་དཔའ་ལག་ན་རྡོ་རྗེ་ལ་ཕྱག་འཚལ་ནས་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཨུ་མ་ཡེ་སྭཱ་ཧཱ། བཅོམ་
D496.087.0063a04.01ལྡན་འདས་བདག་གི་སྙིང་པོ་འདི་ནི་སྐལ་བ་བཟང་པོ་ཐམས་ཅད་བགྱིད་པ་སྟེ། མེ་ཏོག་གམ། སྤོས་སམ། ལིག་བུ་མིག་གམ། གི་ཝང་ལ་སྔགས་ལན་ཅིག་བཏབ་སྟེ་བཟླས་བརྗོད་བགྱིའོ། །རྟག་ཏུ་བཟླས་བརྗོད་བགྱིས་ན་སྐལ་བ་བཟང་པོར་འགྱུར་རོ། །ཅི་སྟེ་བསྒྲུབ་པར་འཚལ་ན་
D496.087.0063a05.01དེས་བཟང་ལྡན་གྱི་སྙིང་པོ་ལ་ས་ཆོ་ག་རྒྱས་པར་ཉིས་འགྱུར་དུ་སྦྱར་ཏེ་བསྒྲུབ་པར་བགྱིའོ། །དེ་ནས་གཟའ་ཆེན་པོ་སྨིན་དྲུག་གི་བུས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཀྱང་དཀྱིལ་འཁོར་ཆེན་པོ་འདིར་ཡིད་རབ་ཏུ་དགའ་ཞིང་རང་གི་སྙིང་པོ་
D496.087.0063a06.01འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཧེ་ཀུ་མཱ་ར་ཛྭ་ལི་ཏ་མཱུ་རྟི་ཙ་རུ་ཙི་ཏྲ་མ་བ་ར་སྭཱ་ཧཱ། བདག་གི་སྙིང་པོ་འདི་ནི་ཐམས་ཅད་ཀུན་དུ་སྐྲག་པར་བགྱིད་པ་སྟེ་གང་ལ་ལ་ཞིག་རྟག་ཏུ་དྲན་པར་བགྱིད་ན་དེ་ལ་འཇིགས་པ་ཐམས་ཅད་མི་འབྱུང་ངོ་། །གླགས་ཚོལ་བའི་གདོན་ཐམས་
D496.087.0063a07.01