完整藏文原文 · 德格版页 当前仅加载第 87 函德格 154a 版页；藏文 NFD、目录标记与异常页序保留在来源切片中，重复版页行以稳定序号区分。
སྣ་མའི་མེ་ཏོག་ཁམ་བྱེ་བ་སྟོང་རྩ་བརྒྱད་སྦྱིན་སྲེག་བྱས་ན། ཉིན་གཅིག་བཞིན་ཏི་ན་ར་རེ་རེ་རྙེད་པར་བྱེད་དོ། །ཅི་སྟེ་དགྲ་སྲོག་དང་བྲལ་བར་འདོད་ན། ལན་ཚྭའི་སྲེག་བླུགས་ལན་འབུམ་སྦྱིན་སྲེག་བྱས་ན་སྲོག་དང་བྲལ་བར་འགྱུར་རོ། །ཅི་སྟེ་ནམ་མཁའ་ལྡིང་
D496.087.0154a01.01བསྒྲུབ་པར་འདོད་ན། གྲོག་མཁར་གྱིས་ལས་ནམ་མཁའ་ལྡིང་གི་གཟུགས་བྱས་ཏེ། བ་ལས་བྱུང་བའི་སྣ་ལྔས་བསྐུས་ལ། དེ་ནས་ནམ་མཁའ་ལྡིང་གི་གཟུགས་དེ་རི་མོའི་གཟུགས་ཀྱི་མདུན་དུ་བཞག་ལ་འབུམ་ཕྲག་གཅིག་བཟླས་བརྗོད་བྱས་ན། དེ་ནས་གྲུབ་པར་འགྱུར་ཏེ་
D496.087.0154a02.01དེ་ལ་ཞོན་ནས་གང་དུ་འདོད་པ་དེར་འགྲོའོ། །དེ་ལ་ཡོ་བྱད་ཐམས་ཅད་ཀྱང་སྒྲུབ་པར་བྱེད་དོ། །འཇིགས་པ་ཐམས་ཅད་དང་བྲལ་བར་འགྱུར་རོ། །ཀླུ་ཐམས་ཅད་དེའི་དབང་དུ་འགྱུར་རོ། །ཇི་སྟེ་འཁོར་ལོས་སྒྱུར་བ་བསྒྲུབ་པར་འདོད་ན། ལྕགས་ཨུར་མོའི་འཁོར་ལོ་བྱས་ལ་སྤོས་
D496.087.0154a03.01ཆུས་བཀྲུས་ཏེ་གུར་གུམ་གྱིས་བྱུགས་ལ། དེ་ནས་ཨ་ཤྭཏྠའི་ལོ་མའི་སྟེང་དུ་བཞག་སྟེ། རི་མོའི་སྐུ་གཟུགས་ཀྱི་མདུན་དུ་མངོན་པར་བཞག་ལ་སུམ་འབུམ་བཟླས་བརྗོད་བྱས་ན་དེས་གྲུབ་པར་འགྱུར་ཏེ། དེ་བཟུང་བ་ཙམ་གྱིས་རིག་སྔགས་འཆང་འཁོར་ལོས་སྒྱུར་བར་འགྱུར་ཏེ།
D496.087.0154a04.01རིག་སྔགས་འཆང་ཐམས་ཅད་ཀྱི་རྒྱལ་པོར་འགྱུར་རོ། །རིག་སྔགས་འཆང་བྱེ་བ་ཕྲག་དུ་མས་ཡོངས་སུ་བསྐོར་ཅིང་། ལྷའི་བུ་མོ་བྱེ་བ་ཕྲག་དུ་མས་ཡོངས་སུ་བསྐོར་ནས། ལྷའི་གཞལ་མེད་ཁང་གི་ནང་ནས་ནམ་མཁའ་ལ་འགྲོ་ཞིང་རྟག་ཏུ་མཆོད་པ་བྱེད་པར་འགྱུར་རོ། །ཅི་སྟེ་
D496.087.0154a05.01བཅོམ་ལྡན་འདས་མ་བསྒྲུབ་པར་འདོད་ན། རི་མོའི་སྐུ་གཟུགས་ཀྱི་མདུན་དུ་བཟླས་བརྗོད་དྲུག་འབུམ་བྱས་ན། བཅོམ་ལྡན་འདས་མ་མངོན་སུམ་དུ་མཐོང་བར་འགྱུར་ཏེ། མཐོང་བ་ཙམ་གྱིས་དེ་བཞིན་གཤེགས་པའི་རྗེས་སུ་སྤྱོད་པར་འགྱུར་རོ། །ཏིང་ངེ་འཛིན་ཀྱང་ཐོབ་པར་
D496.087.0154a06.01འགྱུར་རོ། །བྱང་ཆུབ་སེམས་དཔའ་རྣམས་དང་འགྲོགས་པ་ཡང་འཐོབ་བོ། །ཅི་སྟེ་ཞི་བར་བྱེད་པར་འདོད་ན། པདྨ་ཁ་མ་བྱེ་བ་སྟོང་རྩ་བརྒྱད་ཕུལ་ན་སུའི་ཆེད་དུ་ཕུལ་བ་དེ་ཞི་བར་འགྱུར་རོ། །སྣ་མའི་མེ་ཏོག་སྟོང་རྩ་བརྒྱད་སྦྱིན་སྲེག་བྱས་ན། དེའི་ནད་ཐམས་ཅད་མེད་པར་
D496.087.0154a07.01