完整藏文原文 · 德格版页 当前仅加载第 87 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལ་ཡ་མཚན་དུ་འཛིན་པར་གྱུར་ཏེ། སངས་རྒྱས་ཀྱི་ཡུལ་འདི་ནི་བསམ་གྱིས་མི་ཁྱབ་བོ་སྙམ་ནས། ཅང་མི་ཟེར་བར་གྱུར་ཏོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་སེམས་དཔའ་ཆེན་
D496.087.0149b01.01པོ་གཟུངས་སྔགས་འདི་དག་མཉན་པ་དང་དཀྱིལ་འཁོར་དུ་འཇུག་པ་དང་ཀློག་པ་དང་དྲན་པར་བྱེད་པ་དང་། ཆུང་ངུ་ནི་རྣ་ལམ་དུ་གྲག་པ་ཙམ་དུ་གྱུར་པ་དེ་ཡང་ཤིན་ཏུ་དཀའ་བ་ཡིན་ནོ། །ལག་ན་རྡོ་རྗེས་སྨྲས་པ། འཇམ་དཔལ་དེ་དེ་བཞིན་ནོ། །ཇི་སྐད་སྨྲས་པ་བཞིན་ཏེ། འཇམ་དཔལ་
D496.087.0149b02.01གང་དག་གཟུངས་སྔགས་འདི་ལ་མཆོད་པ་བྱེད་པ་དང་ཡི་གེར་འདྲི་བའི་སེམས་ཅན་དེ་དག་ནི་ཤིན་ཏུ་དཀོན་པར་རིག་པར་བྱའོ། །སུ་གྲོ་གའམ་གཞན་ལ་བྲིས་ནས་ཡན་ལག་དང་ཉིང་ལག་གང་ཡང་རུང་བ་ལ་འཆང་ན་དེ་ལ་འཇིགས་པ་ཐམས་ཅད་མི་འབྱུང་ཞིང་སྡིག་པ་ཐམས་ཅད་ལས་གྲོལ་བར་
D496.087.0149b03.01འགྱུར་ཏེ། དེའི་དགེ་བའི་རྩ་བ་ཉིན་གཅིག་བཞིན་དུ་སངས་རྒྱས་སྟོང་ལས་བསགས་པར་འགྱུར་རོ། །འཇམ་དཔལ་ཕྱོགས་གང་ན་གཟུངས་སྔགས་ཆེན་པོའི་དཀྱིལ་འཁོར་བསྟན་པ་འདི་གནས་པའམ། གང་གི་ལག་ན་ཡོད་པའི་ས་ཕྱོགས་དེ་ནི་མཆོད་རྟེན་ལྟ་བུར་འགྱུར་རོ། །དེ་ནས་
D496.087.0149b04.01འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་ཆེན་པོ་གཟུངས་སྔགས་འདི་དག་འཆང་བ་དང་ཀློག་པ་དང་ཁ་ཏོན་བྱེད་པ་གང་ཡིན་པ་དེ་ལ་ནི། ཁོ་བོས་མཆོད་པ་དང་བསྙེན་བཀུར་བྱའོ། །དེའི་ཕྱི་བཞིན་དུ་ཡང་རྟག་
D496.087.0149b05.01ཏུ་འབྲང་བར་བྱའོ། །གང་གི་ཚེ་འཆི་བའི་དུས་བྱེད་པ་དེའི་ཚེ་ན་ཡང་ཁོ་བོས་དེའི་དགེ་བའི་བཤེས་གཉེན་བྱ་སྟེ་རྟག་ཏུ་བྱང་ཆུབ་ཀྱི་ལམ་ཉེ་བར་སྟོན་པར་བྱའོ། །འཇམ་དཔལ་ལེགས་སོ་ལེགས་སོ། །ཚིག་འདི་ནི་ལེགས་པར་སྨྲས་སོ། །འཇམ་དཔལ་ཁོ་བོས་ཀྱང་དེ་ལ་མཆོད་པ་བྱའོ། །
D496.087.0149b06.01རྟག་ཏུ་དེའི་ཕྱི་བཞིན་དུ་ཡང་འབྲང་བར་བྱའོ། །རྟག་ཏུ་བསྲུང་བར་ཡང་བྱའོ། །འཆི་བའི་ཚེ་ན་ཡང་དེ་ལ་ལུང་བསྟན་པར་བྱའོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་ཆེན་པོ་གང་
D496.087.0149b07.01