完整藏文原文 · 德格版页 当前仅加载第 87 函德格 148a 版页；藏文 NFD、目录标记与异常页序保留在来源切片中，重复版页行以稳定序号区分。
གཞུག་པ་ལྟ་ཅི་སྨོས། འཇམ་དཔལ་འདི་ལྟ་བུ་དག་ལྟར་གཞུག་པ་དང་ཚིག་ཏུ་འབྱུང་བ་ནི་བྱང་ཆུབ་སེམས་དཔའ་དེའི་འཁྲུལ་པ་ཡིན་ཏེ། འཇམ་དཔལ་བྱང་ཆུབ་སེམས་དཔའི་བག་མེད་པ་ཆེན་པོར་རིག་པར་བྱའོ། །དེ་ནི་འཁྲུལ་པ་ཆེན་པོ་དང་ཤིན་ཏུ་ཁ་ན་མ་ཐོ་བ་ཆེན་པོ་ཡིན་ནོ། །
D496.087.0148a01.01འཇམ་དཔལ་སངས་རྒྱས་དང་བྱང་ཆུབ་སེམས་དཔའ་ཆེན་པོ་ལ་བསླུ་བ་ནི་སླའི། གཟུངས་སྔགས་ཀྱི་ཚིག་འདི་དག་སྤོང་བ་ནི་དེ་ལྟ་མ་ཡིན་ནོ། །འཇམ་དཔལ་སངས་རྒྱས་རྣམས་འབྱུང་བ་ནི་དཀོན་ཏེ། དཔེར་ན་ཨུ་དུམ་བཱ་རའི་མེ་ཏོག་བཞིན་ནོ། །དེ་བས་ཀྱང་གཟུངས་སྔགས་འདི་འདྲ་བ་དག་
D496.087.0148a02.01སྟོན་པ་ནི་དཀོན་ནོ། །དེ་བས་ཀྱང་ནན་ཏན་གྱིས་སྒྲུབ་པ་ནི་དཀོན་ནོ། །དེ་བས་ཀྱང་འདི་གང་དག་གི་ལག་ན་འཆང་བ་དང་གང་དག་འདི་ཉན་པ་དང་། ཀློག་པ་དང་། འཛིན་པ་དང་། ཡང་ན་དཀྱིལ་འཁོར་འདྲི་བའི་སེམས་ཅན་དེ་དག་ནི་ཤིན་ཏུ་དཀོན། སེམས་ཅན་འདི་དག་གི་བསོད་ནམས་
D496.087.0148a03.01ཀྱི་ཕུང་པོའི་མཐའ་ཡང་རྟོགས་པར་མི་ནུས་ན། གང་དག་ནང་བར་ལངས་ནས་ལན་ཅིག་ཀློག་པ་ལྟ་སྨོས་ཀྱང་ཅི་དགོས་ཏེ། དེའི་མཚམས་མེད་པ་ལྔ་ལ་སོགས་པ་རྣམས་ཡོངས་སུ་བྱང་བར་འགྱུར་རོ། །དེ་ལ་འཇིགས་པ་ཐམས་ཅད་འབྱུང་བར་མི་འགྱུར་རོ། །དུས་མ་ཡིན་པར་འཆི་བ་ཐམས་
D496.087.0148a04.01ཅད་དང་ཕྱིར་རྒོལ་བའི་འཇིགས་པ་ཐམས་ཅད་ཀྱང་འབྱུང་བར་མི་འགྱུར་རོ། །དེའི་ལུས་ལ་ནད་ཐམས་ཅད་འབྱུང་བར་མི་འགྱུར་རོ། །གང་ལ་ལས་དབེན་པའི་ཕྱོགས་སུ་བ་ལང་གི་ལྕི་བས་དཀྱིལ་འཁོར་བྱུགས་ལ་མེ་ཏོག་ཕུལ་ནས་ཚེས་གྲངས་དང་ཞག་ཕྱེད་པ་དང་ཡུད་ཙམ་དང་དུས་བཟང་པོ་ལ་
D496.087.0148a05.01གྲོག་ལ་བྲིས་སམ། ཡང་ན་ཡར་ངོའི་ཚེས་བརྒྱད་དམ་ཚེས་{བཅྭ་,བཅོ་}ལྔ་ལ་སྤོས་དང་མེ་ཏོག་དང་བདུག་པ་དང་ལྷ་བཤོས་ཕུལ་ལ། མར་གྱི་མར་མེ་བརྒྱད་དང་གསེར་གྱི་བུམ་པ་ལྔ་བཞག་ནས་(གྲོག་,གྲོགས་)ལ་བྲིས་ཏེ་མགུལ་པའམ་དཔུང་བའམ་ལག་ངར་རམ་རྐེད་པ་ལ་བཏགས་ལ། ཐབ་མོ་འགྱེད་
D496.087.0148a06.01པའི་ནང་དུ་འགྲོའམ་ལམ་དུ་འགྲོ་འམ་རྒྱལ་པོའི་ཕོ་བྲང་དུ་འགྲོ་ན་ཡང་དེ་ལ་འཇིགས་པ་དེ་དག་ཐམས་ཅད་འབྱུང་བར་མི་འགྱུར་རོ། །འཇམ་དཔལ་འདི་ནི་སེམས་ཅན་ལ་བསྲུང་བའི་མཆོག་ཡིན་ཏེ། ཁྱིམ་མམ་གཙུག་ལག་ཁང་ངམ་གནས་ཁང་གང་ན་གཟུངས་སྔགས་འདི་དག་འདུག་པའི་
D496.087.0148a07.01