完整藏文原文 · 德格版页 当前仅加载第 87 函德格 109a 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེ་དབྱངས་ཅན་གྱི་ཕྱག་རྒྱ་ལས་མཛུབ་མོ་གཉིས་ནང་དུ་བཀུག་ལ་མཐེའུ་ཆུང་གཉིས་མཐེ་བོ་ལ་ཕྱོགས་པར་བྱ་བ་ནི་རྡོ་རྗེ་བཞད་པའི་ཕྱག་རྒྱའོ། །རྡོ་རྗེ་བཞད་པའི་ཕྱག་རྒྱ་ལས་མཐེའུ་ཆུང་གཉིས་བསྒྲེང་བ་ནི་རྡོ་རྗེ་སྨིན་མའི་ཕྱག་རྒྱའོ། །རྡོ་རྗེ་སྨིན་མའི་ཕྱག་རྒྱ་ལས་མཛུབ་
D496.087.0109a01.01མོ་གཉིས་མིག་གི་ཚུལ་དུ་བཀུག་སྟེ། །གུང་མོའི་ངོས་ལ་བཞར་བ་ནི་རྡོ་རྗེ་མིག་གི་ཕྱག་རྒྱའོ། །རྡོ་རྗེ་མིག་གི་ཕྱག་རྒྱ་ལས་གུང་མོ་གཉིས་བརྐྱང་བ་ནི་རྡོ་རྗེ་རྣ་བའི་ཕྱག་རྒྱའོ། །རྡོ་རྗེ་རྣ་བའི་ཕྱག་རྒྱ་ལས་གུང་མོ་གཡོན་པ་བཀུག་པ་ནི་རྡོ་རྗེ་ལྟེ་བའི་ཕྱག་རྒྱའོ། །རྡོ་རྗེ་ལྟེ་བའི་ཕྱག་རྒྱ་ལས་
D496.087.0109a02.01གུང་མོ་གཡས་པ་བཀུག་སྟེ་གཡོན་པ་བརྐྱང་བ་ནི་རྡོ་རྗེ་མཁུར་བའི་ཕྱག་རྒྱའོ། །རྡོ་རྗེ་མཁུར་བའི་ཕྱག་རྒྱ་ལས་མཛུབ་མོ་གཉིས་བརྐྱང་སྟེ་རྩེ་མོ་བཀུག་ལ་སྦྱར་བ་ནི་རྡོ་རྗེ་རྟ་བབས་ཀྱི་ཕྱག་རྒྱའོ། །རྡོ་རྗེ་རྟ་བབས་ཀྱི་ཕྱག་རྒྱ་ལས་མཐེ་བོ་གཡོན་པ་བསྒྲེང་ལ་གཡས་པ་བཀུག་པ་ནི་
D496.087.0109a03.01རྡོ་རྗེ་རྐེད་པའི་ཕྱག་རྒྱའོ། །རྡོ་རྗེ་རྐེད་པའི་ཕྱག་རྒྱ་ལས་སྲིན་ལག་གཉིས་ཕྱེ་སྟེ་ཕྱིར་བཀྱེད་པ་ནི་རྡོ་རྗེ་མཚན་གྱི་ཕྱག་རྒྱའོ། །རྡོ་རྗེ་མཚན་གྱི་ཕྱག་རྒྱ་ལས་སྲིན་ལག་གཉིས་ཡིད་ཙམ་བཀུག་ལ་ཐུར་དུ་བསྟན་པ་ནི་རྡོ་རྗེ་བརླའི་ཕྱག་རྒྱའོ། །རྡོ་རྗེ་བརླའི་ཕྱག་རྒྱ་ལས་སྲིན་ལག་གཡོན་
D496.087.0109a04.01པ་ཡིད་ཙམ་བརྐྱང་བ་ནི་རྡོ་རྗེ་བྱིན་པའི་ཕྱག་རྒྱའོ། །རྡོ་རྗེ་བྱིན་པའི་ཕྱག་རྒྱ་ལས་སྲིན་ལག་གཡས་པ་བརྐྱང་སྟེ་གཡོན་པ་ནང་དུ་བཀུག་པ་ནི་རྡོ་རྗེ་རྐང་པའི་ཕྱག་རྒྱའོ། །ལག་པ་གཉིས་བསྣོལ་ཏེ་རྡོ་རྗེ་བཅིང་བའི་ཚུལ་དུ་བཅིངས་ལ་མཛུབ་མོ་གཉིས་བསྡིགས་པའི་ཚུལ་དུ་གཞག་པ་ནི་རྡོ་རྗེ་
D496.087.0109a05.01ལག་པའི་ཕྱག་རྒྱའོ། །རྡོ་རྗེ་ལག་པའི་ཕྱག་རྒྱ་ལས་མཛུབ་མོ་གཡོན་པ་བཀུག་པ་ནི་བྲན་པོ་ཐམས་ཅད་ཀྱི་ཕྱག་རྒྱའོ། །ཕྱག་རྒྱ་འདི་ཉིད་ལས་མཛུབ་མོ་གཡས་པ་བཀུག་པ་ནི་བྲན་མོ་ཐམས་ཅད་ཀྱི་ཕྱག་རྒྱའོ། །ཕྱག་རྒྱ་དེ་ཉིད་ལས་གུང་མོ་གཡས་པ་ཕྱེ་སྟེ་བརྐྱང་བ་ནི་ཕོ་ཉ་ཐམས་
D496.087.0109a06.01ཅད་ཀྱི་ཕྱག་རྒྱའོ། །ཕྱག་རྒྱ་འདི་ཉིད་ལས་གུང་མོ་གཡོན་པ་ཕྱེ་སྟེ་བརྐྱང་བ་ནི་ཕོ་ཉ་མོ་ཐམས་ཅད་ཀྱི་ཕྱག་རྒྱའོ། །སྔ་མ་བཞིན་དུ་ལག་པ་གཉིས་རྡོ་རྗེ་བཅིངས་པའི་ཚུལ་དུ་བྱས་ལ། མཐེ་བོ་གཡོན་པ་བསྒྲེང་བ་ནི་ཕྱག་བརྙན་ཐམས་ཅད་ཀྱི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེ་བོ་གཡས་
D496.087.0109a07.01