完整藏文原文 · 德格版页 当前仅加载第 87 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱོང་བཟུང་བ་འདྲིར་གཞུག་གོ། །རྡོ་རྗེའི་དཀྱིལ་འཁོར་ཆེན་པོར་དབང་བསྐུར་བ་དམ་ཚིག་ཐོབ་པ། སྤྲོ་བ་དང་བཅས་པ་འདྲིར་གཞུག་གི །གཞན་ནི་གང་གིས་ཀྱང་མ་ཡིན་ནོ། །ཞི་བའི་བློ་གྲོས་དམ་ཚིག་མི་ཤེས་པ་དཀྱིལ་འཁོར་མ་མཐོང་བ་གང་ལ་ལ་ཞིག་གིས་རི་མོའི་
D496.087.0081b01.01གཟུགས་མཐོང་ན། དེའི་མོད་ལ་དེ་ནད་རྣམ་པ་གཉིས་ཀྱིས་བཏབ་པར་འགྱུར་རོ། །གཉིས་གང་ཞེ་ན་འདི་ལྟ་སྟེ། རིམས་དྲག་པོ་དང་གཅོང་ཆེན་པོར་འགྱུར་རོ། །ཞི་བའི་བློ་གྲོས་ཀྱིས་སྨྲས་པ། འཇམ་དཔལ་ཀྱེ་མ་གང་གིས་ཡོན་ཏན་གྱི་ཁྱད་པར་འདི་ལྟ་བུ་བསྟན་པའི་
D496.087.0081b02.01སྙིང་པོ་མཆོག་དོན་ཆེན་པོ་དང་ལྡན་པ། མཐུ་ཆེན་པོ་དང་ལྡན་པ་འདི་ངོ་མཚར་ཏོ། །འཇམ་དཔལ་གྱི་སྙིང་པོ་མཆོག་འདི་ནི། གང་ཞིག་འདིའི་མིང་ཅི་ཞེས་བྱ། འཇམ་དཔལ་གྱིས་སྨྲས་པ། ཞི་བའི་བློ་གྲོས་དེ་བཞིན་གཤེགས་པ་ཐམས་ཅད་ཀྱི་སྙིང་པོ་སྲ་བའི་ཡོན་
D496.087.0081b03.01ཏན་རྣམས་དང་མཐུ་ལ་ནི་མཐའ་མེད་དོ། །ཞི་བའི་བློ་གྲོས་ལག་ན་རྡོ་རྗེ་འདི་ནི་དེ་བཞིན་གཤེགས་པ་ཐམས་ཅད་ཀྱི་འཇིགས་པའི་མེ་ལས་བྱུང་བའི་རྡོ་རྗེ་ཞེས་བྱ་སྟེ། མ་དུལ་བ་ཐམས་ཅད་འདུལ་བ། དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་དཔའ་
D496.087.0081b04.01ཐམས་ཅད་ཀྱི་སྨོན་ལམ་ཡོངས་སུ་རྫོགས་པར་བྱེད་པ། བསྟན་པ་མཆོག་ཏུ་ཀུན་དུ་བསྲུང་བར་སྨོན་ལམ་བཏབ་པ། སེམས་ཅན་ཐམས་ཅད་ཀྱི་བསམ་པ་ཇི་ལྟ་བ་བཞིན་དུ་ཡོངས་སུ་རྫོགས་པར་བྱེད་པ། འཇིག་རྟེན་གྱི་ཁམས་མཐའ་ཡས་རྒྱ་མཚོ་རབ་འབྱམ་
D496.087.0081b05.01རྣམས་སུ་དེ་བཞིན་གཤེགས་པ་ཐམས་ཅད་ཀྱི་སྨོན་ལམ་སྒྲོགས་པའི་སྒོ་ལ་འཇུག་པ། ཐམས་ཅད་དུ་སྔོན་དུ་རྒྱུག་པའོ། །དེའི་མདུན་དུ་ཅི་འབྱོར་པས་མཆོད་དེ་གུ་གུལ་གྱི་རིལ་བུ་རྒྱ་ཤུག་གི་ཚིག་གུ་ཙམ་འབུམ་སྦྱིན་སྲེག་བྱས་ན་འགྲུབ་པར་འགྱུར་ཏེ། གང་འདོད་པ་
D496.087.0081b06.01དེ་བྱེད་དོ། །རིའི་རྩེ་མོའམ་རྒྱ་མཚོའི་ངོགས་སུ་སོང་སྟེ། རི་མོའི་གཟུགས་བྲིས་ལ་སློང་མོའི་ཟས་སམ། བསླངས་པ་མ་ཡིན་པའི་ཟས་བཟའ་ཞིང་། མིད་པ་ནུབ་པ་ཙམ་དུ་ཆུར་ཞུགས་ལ་ལན་སུམ་འབུམ་བཟླས་བརྗོད་བྱའོ། །ཐ་མར་ཅི་འབྱོར་པས་མཆོད་ལ་
D496.087.0081b07.01