完整藏文原文 · 德格版页 当前仅加载第 87 函德格 105b 版页；藏文 NFD、目录标记与异常页序保留在来源切片中，重复版页行以稳定序号区分。
དཀྱིལ་འཁོར་འདི་ནི་མཆོག་ཏུ་ཆེས་གསང་བའོ་ཞེས་གསུངས་སོ། །དེ་སྐད་ཅེས་སྨྲས་པ་དང་། ཞི་བའི་བློ་གྲོས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ཀྱེ་མ་སེམས་དཔའ་ཆེན་པོ་རྡོ་རྗེས་དབང་བསྐུར་བ་ཞེས་བྱ་བ་ཇི་སྐད་དུ་བསྟན་པ་ཡིན། །དེ་སྐད་ཅེས་
D496.087.0105b01.01སྨས་པ་དང་། ལག་ན་རྡོ་རྗེས་བྱང་ཆུབ་སེམས་དཔའ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཞི་བའི་བློ་གྲོས་གང་ཁྱོད་ཀྱིས་དྲིས་པ་དེ་ལེགས་སོ་ལེགས་སོ། །ཞི་བའི་བློ་གྲོས་རྡོ་རྗེས་དབང་བསྐུར་བའི་མཐུ་བསྒྱིངས་པ་ཉོན་ཅིག །ཞི་བའི་བློ་གྲོས་དཀྱིལ་འཁོར་འདི་ལྟ་ཞོག་གི། དེ་
D496.087.0105b02.01བཞིན་གཤེགས་པ་ཐམས་ཅད་ཀྱིས་ཏིང་ངེ་འཛིན་དུ་མ་ལས་ངེས་པར་བྱུང་བ་གཟུངས་དུ་མའི་འཁོར་དང་ལྡན་པའི་རྡོ་རྗེ་ཡང་ཁོ་བོ་ལ་བྱིན་ཏེ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་འདི་ནི་སངས་རྒྱས་རྣམས་པས་ཆེས་སྔ་བའོ། །ཞི་བའི་བློ་གྲོས་ཡེ་ཤེས་ཀྱི་རྡོ་རྗེ་འདི་ནི། སྔགས་པས་
D496.087.0105b03.01རིགས་ཀྱི་བུའམ་རིགས་ཀྱི་བུ་མོ་གང་ལ་ལ་མགུ་བའི་མགོ་བོར་བསམས་ལ་སྦྱིན་པར་བྱ་སྟེ་འདི་ཉིད་དེའི་དམ་ཚིག་ཡིན་ནོ། །དེས་ན་རྡོ་རྗེས་དབང་བསྐུར་བ་ཞེས་བྱའོ། །དེ་ཅིའི་ཕྱིར་ཞེ་ན། བདག་པོའི་རྡོ་རྗེ་འདི་ནི་མཆོག་ཏུ་སྲུང་བར་བྱེད་པ་དང་། བསྟན་པ་ཀུན་དུ་བསྲུང་བ་དང་། དེ་ཉིད་
D496.087.0105b04.01དེ་བཞིན་གཤེགས་པ་ཡིན་པ་དང་། བགེགས་ཐམས་ཅད་ཕུང་བར་བྱེད་པའི་ཕྱིར་རོ། །དེ་བས་ན་སངས་རྒྱས་ཐམས་ཅད་ཀྱིས་བསྔགས་པའི་རྡོ་རྗེ་སྔགས་པས་ནམ་ཡང་རྣམ་པ་ཐམས་ཅད་དུ་ཡོངས་སུ་གཏང་བར་མི་བྱའོ། །དེ་སྐད་ཅེས་སྨྲས་པ་དང་། ཞི་བའི་བློ་གྲོས་ཀྱིས་བྱང་
D496.087.0105b05.01ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ལག་ན་རྡོ་རྗེ་སེམས་ཅན་རྣམས་ལ་ཕན་པར་འདོད་པས་གང་ཁྱོད་ཀྱིས་མཆོག་ཏུ་གསང་ཆེན་གྱི་དཀྱིལ་འཁོར་བཤད་པ་ལེགས་སོ་ལེགས་སོ། །ཡེ་ཤེས་རྡོ་རྗེ་བླ་ན་མེད། །བདག་ཉིད་དེ་བཞིན་གཤེགས་པ་ཡི། །ཡེ་ཤེས་གཟུགས་
D496.087.0105b06.01སུ་གནས་པ་འདི། །བླུན་པོ་རྣམས་ཀྱིས་མི་ཤེས་སོ། །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་ལག་ན་རྡོ་རྗེས་བྱ་ཆུབ་སེམས་དཔའ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཞི་བའི་བློ་གྲོས་ཁྱོད་ལ་གསང་ཆེན་བཤད་ཀྱིས། ཞི་བའི་བློ་གྲོས་ཁྱོད་ཀྱིས་མ་དད་པ་
D496.087.0105b07.01