完整藏文原文 · 德格版页 当前仅加载第 87 函德格 89b 版页；藏文 NFD、目录标记与异常页序保留在来源切片中，重复版页行以稳定序号区分。
གྲོས་གཞན་ཡང་ཨ་ག་རུ་ནག་པོ་བླངས་ལ་སྦྲུལ་ནག་པོའི་མིག་དང་། སྔ་མ་བཞིན་དུ་ལྷ་ཆེན་པོའི་གློ་གཡས་རོལ་གྱི་ལུས་ལ་བཟླས་བརྗོད་བྱས་ཏེ་དེ་དུ་བ་འཐུལ་གྱི་བར་དུའོ། །དེས་ཐིག་ལེར་བྱས་ན་མི་སྣང་བར་འགྱུར་རོ། །ཞི་བའི་བློ་གྲོས་གཞན་ཡང་ཀླུའི་རྒྱལ་པོ་ཁ་གཉིས་པས་བཟུང་བ་ལ་ཏིལ་ནག་པོ་དང་
D496.087.0089b01.01ལྷན་ཅིག་བཏགས་ཏེ། ཟླ་བ་མར་གྱི་ངོ་ཞག་བརྒྱད་དམ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བྱས་ཏེ་འབྲུ་མར་དེས་དུ་བ་ཆགས་པར་བྱས་ལ་དེ་ལ་སྔགས་ཀྱིས་བཏབ་སྟེ་མིག་བསྐུས་ན་མི་སྣང་བར་འགྱུར་རོ། །ཞི་བའི་བློ་གྲོས་གཞན་ཡང་ཨ་རུ་རའི་རུས་པའི་རྐང་ཕྱུང་སྟེ། སྦྲང་རྩི་དང་ནི་ལྷན་ཅིག་
D496.087.0089b02.01བཏགས། །ཨ་ཤྭད་ལོ་མ་འབར་བཅུག་ལ། །མཁས་པས་ཆུ་འདུས་ག་ལ་བར། །ཁོང་པ་ན་ང་གི་རྣམ་དག་པར། །མཚན་གཅིག་ཐོག་ཐག་བརྗོད་བྱས་ན། །ནམ་ཕྱེད་དུས་ན་འགྲུབ་འགྱུར་ཏེ། །དེ་ལ་ཐེ་ཚོམ་ཡོད་མེད་དོ། །ཡིད་གཞུངས་པས་ནི་ཐིག་ལེ་བྱས། །དེ་ཚེ་ལུས་ནི་མི་སྣང་འགྱུར། །
D496.087.0089b03.01ལིག་པུ་དང་ནི་སྤང་མ་དག །རིན་ལ་མི་བརྩེགས་ཉོས་ནས་སུ། །ཟངས་སྣོད་ཁ་སྦྱོར་ནང་བཅུག་ལ། །ཆོ་ག་བཞིན་དུ་སྔགས་བརྗོད་ན། །ནམ་ཕྱེད་དུས་སུ་འགྲུབ་འགྱུར་ཏེ། །འདི་ལ་ཐེ་ཚོམ་ཡོད་མེད་དོ། །ལུས་ལ་བསྐུས་པ་བྱས་ན་ཡང་། །ནམ་མཁའ་ལ་ནི་འགྲོ་བར་འགྱུར། །འཇིག་རྟེན་དྲུག་ཆ་
D496.087.0089b04.01ཕྲོགས་ནས་སུ། །དེ་ཚེ་བསོད་ནམས་ལས་སུ་འགྱུར། །རིལ་བུ་བསྒྲུབ་པ་བཤད་པར་བྱ། །ཞི་བའི་བློ་གྲོས་དེ་ཉོན་ཅིག །མཚལ་དང་དེ་བཞིན་སྤང་མ་དང་། །ཨདྨ་གུཔྟའི་རྩ་བ་དང་། །ཀུརྱ་ཚང་མའི་མཇུག་མ་དག །མཁས་པས་གཅིག་ཏུ་བསྲེས་ནས་སུ། །རྒྱ་ཤུག་ཚིག་གུ་ཙམ་བྱས་པའི། །
D496.087.0089b05.01རིལ་བུ་བླངས་ལ་བསྒྲིམས་ནས་སུ། །སྔགས་པ་སྔགས་ཀྱི་ཚུལ་གནས་ཏེ། །སྣ་གསུམ་ལྕགས་ཀྱིས་དཀྲི་བར་བྱ། །དུར་ཁྲོད་དུ་རིང་བསྲེལ་དང་བཅས་པའི་མཆོད་རྟེན་ནམ་སྐུ་གཟུགས་ཀྱི་མདུན་དུ་ཅི་འབྱོར་པས་མཆོད་པ་བྱས་ལ་མཚན་ཐོག་ཐག་བཟླས་བརྗོད་བྱས་ན། ནམ་ཕྱེད་དུས་སམ་ཡང་ན་ནི། །ཉི་མ་ཤར་ཀའི་
D496.087.0089b06.01དུས་ཀྱི་ཚེ། །རྫས་དེ་གཞན་དུ་ཡོངས་གྱུར་ཏེ། །མེ་ལྕེ་འབར་ཕྲེང་ལང་ལོང་འགྱུར། །སྔགས་པས་དེ་ཡི་ཁར་བཅུག་ན། །ནམ་མཁའ་ལ་ནི་འགྲོ་བར་འགྱུར། །ཉི་མ་འཆར་འདྲའི་མདོག་ཅན་དང་། །འདོད་པའི་གཟུགས་ཅན་འཇིགས་མེད་པ། །འབྱུང་པོ་ཀུན་གྱིས་མི་ཚུགས་ཤིང་། །བསྐལ་པར་གནས་ལ་གཟི་ཆེན་
D496.087.0089b07.01