完整藏文原文 · 德格版页 当前仅加载第 87 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
འབྲུག་སྒྲ་དལ་འདྲའི་ཧཱུཾ་བརྗོད་དེ། །རྐང་པ་སྤོ་བའི་ཚུལ་གྱིས་སུ། །གཡས་དང་དེ་བཞིན་གཡོན་པ་སྤོ། །ལག་པ་གཡོན་པའི་མཛུབ་མོ་དང་། །མཐེ་བོ་སྤྲད་དེ་ཞགས་པར་བྱ། །ལག་པ་གཡས་པའི་མཛུབ་མོ་ཡིས། །རྩེ་བཀུག་ལྕགས་ཀྱུས་བརྟན་པོར་བྱ། །རྡོ་རྗེ་རྒྱགས་པའི་མིག་
D496.087.0131b01.01ལྡན་པ། །སོ་ཡིས་མཆུ་མནན་ཁྲོས་པ་ཡིས། །གང་ལ་བགེགས་ནི་ཡོད་པ་དེར། །རྡོ་རྗེ་སྟབས་ཀྱིས་མྱུར་སོང་ལ། །རྐང་པ་གཡས་བརྐྱང་སྟབས་བྱས་ལ། །རྡོ་རྗེའི་ལྕགས་ཀྱུའི་ཕྱག་རྒྱ་ཡིས། །བགེགས་རྣམས་ཐམས་ཅད་དགུག་བྱ་ཞིང་། །རྡོ་རྗེ་ཞགས་པས་བཅིང་བར་བར་བྱ། །
D496.087.0131b02.01གལ་ཏེ་འཁོར་ལོ་ཅན་དང་ནི། །དབང་བཅས་དྲག་པོ་ཚངས་བཅས་པ། །གལ་ཏེ་རྡོ་རྗེ་འཆང་སྲུང་ཡང་། །སྔགས་པས་གཞི་ནས་དྲངས་ཏེ་དགུག །བཀུག་ནས་རྡོ་རྗེས་བཅིངས་པ་ཡིས། །རྡོ་རྗེའི་གཟེབ་ཏུ་གཞུག་པར་བྱ། །ཇི་སྲིད་འདོད་པ་རྫོགས་འགྱུར་བ། །དེ་སྲིད་བར་
D496.087.0131b03.01དུ་གཞག་པར་བྱ། །བསྒོ་བའི་ལུང་ནི་མི་ཉན་ཏེ། །གལ་ཏེ་འདོད་པ་མ་རྫོགས་ན། །བདག་གི་འདོད་པ་འབྱོར་འདོད་པས། །དེ་ལ་ཆད་པས་གཅད་པར་བྱ། །དེ་ཡི་གཟུགས་ནི་བྱས་ནས་སུ། །རྡོ་རྗེ་རྐང་པས་གཟིར་བྱས་ན། །ཨ་ལ་ལ་ཞེས་སྒྲ་འབྱིན་ཅིང་། །ལྷ་ཡི་དབང་
D496.087.0131b04.01པོའང་འོང་བར་འགྱུར། །དེ་ལ་བསྒོ་བའི་ལུང་ཡང་དབོག །རྡོ་རྗེ་གར་གྱིས་དེ་ནས་ཡང་། །ཐལ་མོ་ཤིན་ཏུ་སྦྱར་བྱས་ལ། །དབང་ཆེན་སྟབས་ཀྱིས་འདུག་ནས་སུ། །ཕྱོགས་རྣམས་ཀུན་དུ་རྒྱས་པར་བྱ། །རྐང་པ་སྤོ་བའི་ཚུལ་གྱིས་སུ། །གཡས་དང་དེ་བཞིན་གཡོན་པ་སྤོ། །
D496.087.0131b05.01ལག་པ་གཉིས་ནི་སྦྱར་ནས་སུ། །ཕན་ཚུན་བསྣོལ་ཏེ་ཁུ་ཚུར་བཅང་། །གུང་མོ་གཉིས་ནི་གཤིབས་ནས་སུ། །མཛུབ་མོ་དེ་ལ་གཟུགས་པར་བྱ། །ང་ཡི་རྡོ་རྗེའི་ཕྱག་རྒྱ་དེ། །བགེགས་རྣམས་ཀུན་གྱི་དམ་ཚིག་ཡིན། །སྔ་མ་བཞིན་གྱི་སྟབས་ཚུལ་གྱིས། །ཕྱག་རྒྱས་
D496.087.0131b06.01བགེགས་རྣམས་བཀུག་ནས་སུ། །ཁྲོ་བོ་ཡི་ནི་རྡོ་རྗེ་འདིས། །དེ་ལ་དམ་ཚིག་སྦྱིན་པར་བྱ། །རྡོ་རྗེ་སྟབས་ཀྱི་ཕྱག་རྒྱ་བཅིང་། །ཧཱུྃ་ཞེས་བྱ་བའི་སྒྲ་ཕྱུང་ལ། །བདག་ཉིད་རྡོ་རྗེར་བསྒྱུར་ནས་སུ། །བགེགས་རྣམས་ཐམས་ཅད་དགུག་པར་བྱ། །ལན་ནི་སྨྲ་བར་མི་བྱེད་ན། །དེ་ནི་གཏང་
D496.087.0131b07.01