完整藏文原文 · 德格版页 当前仅加载第 87 函德格 11a 版页；藏文 NFD、目录标记与异常页序保留在来源切片中，重复版页行以稳定序号区分。
པར་སངས་རྒྱས་ཏེ། དགའ་ལྡན་གྱི་གནས་ན་གནས་པ་ནས་བཟུང་སྟེ། མཐར་གྱིས་སྤྱད་པ་སྤྱོད་ཅིང་ཡོངས་སུ་མྱ་ངན་ལས་འདས་པ་ཆེན་པོའི་མཐའི་བར་དུ་བྱིན་གྱིས་བརླབས་ནས་ཆོས་བསྟན་ཏོ། །བཅོམ་ལྡན་འདས་ཤཱཀྱ་ཐུབ་པ་དེ་ཡང་བསྟན་པ་རྒྱུན་མི་འཆད་པའི་
D496.087.0011a01.01ཕྱིར། བྱང་ཆུབ་སེམས་དཔའ་ཀུན་ཏུ་བཟང་པོ་དང་། བྱམས་པ་དང་། འཇམ་དཔལ་དང་། སྤྱན་རས་གཟིགས་ཀྱི་དབང་ཕྱུག་དང་། སྒྲིབ་པ་ཐམས་ཅད་རྣམ་པར་སེལ་བ་དང་། ནམ་མཁའི་སྙིང་པོ་དང་། སའི་སྙིང་པོ་དང་། བྱང་ཆུབ་སེམས་དཔའ་ངན་སོང་ཐམས་
D496.087.0011a02.01ཅད་སྤོང་བ་ལ་སོགས་པ་བྱང་ཆུབ་སེམས་དཔའ་རྣམས་བསྡུས་ནས། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་ལ་སོགས་པ་ཐམས་ཅད་ཀྱི་མདུན་དུ། རྡོ་རྗེའི་དཀྱིལ་འཁོར་ཆེན་པོ་
D496.087.0011a03.01བྲིས་ནས། ལག་ན་རྡོ་རྗེ་དབང་ཆེན་པོ་བསྐུར་བས་བྱང་ཆུབ་སེམས་དཔའ་ཀུན་ཏུ་བཟང་པོ་དབང་བསྐུར་ནས་དེ་ཉིད་ལ་བསྟན་པ་གཏད་དོ། །ལག་ན་རྡོ་རྗེ་དབང་བསྐུར་བའི་དཀྱིལ་འཁོར་ཆེན་པོ་ལས། སྔོན་གྱི་སྤྱོད་པ་ཡང་དག་པར་བསྒྲུབ་པའི་གཏམ་གྱི་ཚུལ་འབྱུང་བ་
D496.087.0011a04.01ཞེས་བྱ་བའི་ལེའུ་སྟེ་གཉིས་པའོ།། །།འཕགས་པ་ལག་ན་རྡོ་རྗེ་དབང་བསྐུར་བའི་རྒྱུད་ཆེན་པོ། བམ་པོ་གཉིས་པ། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་གྲོང་ཁྱེར་ཆེན་པོ་དཔལ་ཡོན་ཏན་གྱི་འབྱུང་གནས་ན། ཤིང་སཱ་
D496.087.0011a05.01ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་དེ་བཞིན་གཤེགས་པ་ཐམས་ཅད་ཀྱི་སྔོན་གྱི་སྤྱོད་པས་རྣམ་པར་རོལ་པའི་རྒྱུ་མཐུན་པས་བྱིན་གྱིས་བརླབས་པའི་ནགས་ཚལ་ཆེན་པོ་མཆོག་ན། དགེ་སློང་ཁྲི་ཉིས་སྟོང་ལྔ་བརྒྱའི་དགེ་སློང་གི་དགེ་འདུན་ཆེན་
D496.087.0011a06.01པོ་དང་ཐབས་ཅིག་ཏུ་བཞུགས་ཏེ། ཐམས་ཅད་ཀྱང་ཟག་པ་ཟད་པ། ཉོན་མོངས་པ་མེད་པ་སེམས་ཀྱི་དབང་ཐམས་ཅད་ཀྱི་དམ་པའི་ཕ་རོལ་ཏུ་སོན་པ་ཤ་སྟག་ལ་འདི་ལྟ་སྟེ། ཚེ་དང་ལྡན་པ་རབ་འབྱོར་དང་། ཚེ་དང་ལྡན་པ་བ་ལང་བདག་དང་། ཚེ་དང་ལྡན་པ་
D496.087.0011a07.01