完整藏文原文 · 德格版页 当前仅加载第 87 函德格 96b 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཞུགས་པ། ཁ་དོག་དུ་མའི་འོད་ཟེར་རྣམས་ཀྱིས་ཀུན་ནས་ཡོངས་སུ་བསྐོར་བ། གཙུག་ཏོར་ནས་འོད་ཟེར་ཆེན་པོ་འབྱུང་བ་ཞལ་ཡིད་ཙམ་འཛུམ་པར་བྱའོ། །དེའི་འོག་རོལ་དུ་དམ་པ་སྦྱིན་པའི་རྡོ་རྗེ་གུར་གུམ་གྱི་མདོག་ཅན་དར་རམ་རས་ཀྱི་སྨད་གཡོགས་གྱོན་པ། དར་ལའི་
D496.087.0096b01.01བླ་གོས་བགོས་པ། མགོ་ལ་ཕུད་པུ་ལྔ་དང་བཅས་པ་པུས་མོ་བཙུགས་པ་པདྨ་དཀར་པོའི་གདན་ལ་འདུག་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། ལག་པ་གཡས་པས་བཅོམ་ལྡན་འདས་ལ་ཕྱག་འཚལ་བ། གཡོན་པ་ན་རྡོ་རྗེ་དང་བཅས་པའི་ཨུཏྤ་ལ་འཛིན་པ།
D496.087.0096b02.01གཞོན་ནུའི་གཟུགས་ཅན་དེ་བཞིན་གཤེགས་པའི་འོད་ཟེར་དེའི་མགོ་ལ་འབབ་ཅིང་དེ་དག་གི་ལུས་སྣང་བར་བྱས་ལ་རང་གི་འོད་ཀྱི་དྲ་བའི་དབུས་ན་འདུག་པ། བཅོམ་ལྡན་འདས་ལ་བལྟ་བ་ནི་རིན་པོ་ཆེའི་རི་ཆེན་པོ་ལ་རིན་པོ་ཆེའི་ཕུག་ན་འདུག་པ་བྲིའོ། །རིན་པོ་ཆེའི་རི་དེ་ཡང་དུས་
D496.087.0096b03.01ཐམས་ཅད་པའི་མེ་ཏོག་གི་ཤིང་ལྗོན་པས་བརྒྱན་པ་བྲིའོ། །འོག་ཏུ་ནི་རྒྱ་མཚོ་ཆེན་པོ་བྲིའོ། །རས་གཅིག་ལ་དམ་པ་སྦྱིན་པའི་རྡོ་རྗེ་རིན་པོ་ཆེའི་རི་ཆེན་པོ་ལ་རིན་པོ་ཆེའི་ཕུག་ན་སྐྱིལ་མོ་ཀྲུང་དུ་འདུག་པ། ཏིང་ངེ་འཛིན་ལ་སྙོམས་པར་ཞུགས་པ། གཞོན་ནུའི་གཟུགས་ཅན་
D496.087.0096b04.01དར་རམ་རས་ཀྱི་ཤམ་ཐབས་གྱོན་པ། དར་ལའི་སྟོད་གཡོགས་བགོས་པ། ལག་པ་གཡོན་པ་ན་རྡོ་རྗེ་འབར་བ་དང་བཅས་པའི་ཨུཏྤ་ལ་ཐོགས་པ། རང་གི་འོད་ཀྱི་དྲ་བའི་ནང་ན་འདུག་པ། རྒྱན་ཐམས་ཅད་ཀྱིས་རྣམ་པར་བརྒྱན་པ་བྲིའོ། །དེའི་སྙིང་གར་སྙིང་པོ་ཞི་བའི་
D496.087.0096b05.01ཆ་བྱད་འཛིན་པ། མེ་ལྕེ་འབར་བ་ལང་ལོང་དུ་འདུག་པར་གྱུར་པ་འོད་སྟོན་ཟླའི་འོད་ཟེར་དང་འདྲ་བ། ལག་པ་གཡས་པ་ན་དམ་པ་སྦྱིན་པ། གཡོན་པ་ན་རྡོ་རྗེ་ཐོགས་པ། གོས་དཀར་པོ་གྱོན་པ། ལག་པ་གཡས་པའི་སོར་མོ་ལས་ཆུའི་རྒྱུན་འཛག་པར་བྲིའོ། །དེའི་འོག་རོལ་
D496.087.0096b06.01དུ་སྒྲུབ་པ་པོ་ཆ་བྱད་ཅི་ལྟར་འཛིན་པ་བཞིན་དུ་བྲིའོ། །ལག་ན་པོག་ཕོར་ཐོགས་ཤིང་པུས་མོ་བཙུགས་པར་བྲིའོ། །དབེན་པར་དེའི་མདུན་དུ་ཅི་འབྱོར་པས་མཆོད་པ་རྒྱ་ཆེན་པོར་བྱས་ཏེ། ལན་སུམ་འབུམ་བཟླས་བརྗོད་བྱས་ན་སྔར་སྤྱད་པ་བྱས་པར་འགྱུར་རོ། །རི་མོའི་གཟུགས་འདི་
D496.087.0096b07.01