完整藏文原文 · 德格版页 当前仅加载第 87 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱག་རྒྱའོ། །འཁོར་ལོ་རྡོ་རྗེའི་ཕྱག་རྒྱ་ལས་གུང་མོའི་རྒྱབ་ཏུ་མཛུབ་མོ་གཉིས་བཀུག་སྟེ་སྦྱར་བ་ནི་རྡོ་རྗེ་ལྕགས་མདའི་ཕྱག་རྒྱའོ། །རྡོ་རྗེ་ལྕགས་མདའི་ཕྱག་རྒྱ་ལས་སྲིན་ལག་ཡང་དེ་ཉིད་ལ་སྦྱར་བ་ནི་རྡོ་རྗེ་རྩེ་གཅིག་པའི་ཕྱག་རྒྱའོ། །རྡོ་རྗེ་རྩེ་གཅིག་པའི་ཕྱག་རྒྱ་ལས་གུང་
D496.087.0115a01.01མོ་བསྒྲེང་སྟེ་བརྐྱང་ལ་དེ་དག་ལས་གཅིག་ཞགས་པའི་ཚུལ་དུ་བཀུག་པ་ནི་རྡོ་རྗེ་ཞགས་པའི་ཕྱག་རྒྱའོ། །དེ་བཞིན་དུ་ལག་པ་གཡོན་པའི་སོར་མོ་གསུམ་གཅིག་ཏུ་བསྡུས་པ་ནི་རྡོ་རྗེ་རུས་སྦལ་གྱི་ཕྱག་རྒྱའོ། །རྡོ་རྗེ་རུས་སྦལ་གྱི་ཕྱག་རྒྱ་ལས་མཛུབ་མོ་བསྒྲེང་བ་ནི་ལྷ་མ་ཡིན་གྱི་འཁྲུལ་
D496.087.0115a02.01འཁོར་ཐམས་ཅད་འཇོམས་པར་བྱེད་པའི་རྡོ་རྗེའི་ཕྱག་རྒྱའོ། །ཕྱག་རྒྱ་འདི་ཉིད་ལས་སོར་མོ་གཉིས་བརྐྱང་སྟེ་མཛུབ་མོ་བསྐུམ་པ་ནི་སྟང་སྟབས་འགུགས་པ་རྡོ་རྗེའི་ཕྱག་རྒྱའོ། །དེ་བཞིན་དུ་ལག་པ་གཉིས་སྙིམ་པར་སྦྱར་ཏེ་གུང་མོ་གཉིས་སྲིན་ལག་གཉིས་ལ་འཁྱུད་དེ་མཐེ་བོ་གཉིས་དང་
D496.087.0115a03.01མཛུབ་མོ་གཉིས་ངོས་ལ་སྦྱར་བ་ནི་རྡོ་རྗེ་གནས་ཀྱི་ཕྱག་རྒྱའོ། །ཕྱག་རྒྱ་དེ་ཉིད་ལས། མཐེའུ་ཆུང་གཉིས་ཀ་བརྐྱང་ནས་སུ། །མཐེ་བོ་གཉིས་ནི་བསྒྲེང་བྱས་ལ། །འདི་ནི་གཏུན་ཤིང་རྐེད་ཉག་སྟེ། །ཀུན་དུ་ཐོགས་པ་མེད་པར་འདོད། །ཕྱག་རྒྱ་འདི་ཉིད་ལས་མཛུབ་མོ་གཉིས་དེའི་དྲུང་
D496.087.0115a04.01དུ་བཀུག་པ་ནི་རྡོ་རྗེ་ཡན་ལག་བརྒྱན་པའི་ཕྱག་རྒྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་ཡང་རྡོ་རྗེ་དོན་ཡོད་པའི་དཀྱིལ་འཁོར་ཡང་དག་པར་བསྒྲུབ་པར་བྱ་བའི་ཕྱིར། བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱོད་པ་གསང་སྔགས་ཀྱི་སྒོ་སྤྱོད་པ་རྡོ་རྗེས་བྱིན་གྱིས་
D496.087.0115a05.01བརླབས་པ་རྣམས་ཀྱི་དངོས་གྲུབ་བསྒྲུབ་པའི་ཐབས་ས་སླ་བ། སངས་རྒྱས་ཐམས་ཅད་ཀྱི་སྤྱོད་པ་ཤེས་པ། མངོན་པར་རྫོགས་པར་བྱང་ཆུབ་པ་རྣམ་པར་རྟོག་པ་མེད་པའི་ཕྱག་རྒྱ་གསང་ཆེན་ཡན་ལག་དང་ཡན་ལག་ལས་བྱུང་བ། རྡོ་རྗེ་སེམས་དཔས་བྱིན་གྱིས་བརླབས་པ་རྣམས་དང་།
D496.087.0115a06.01སྔོན་གྱི་རྒྱལ་བ་ལ་བྱ་བ་བྱས་པ་རྣམས་དང་། ཐེག་པ་ཆེན་པོ་རྟོགས་པར་ཁོང་དུ་ཆུད་པ་རྣམས་དང་། རྡོ་རྗེ་འཆང་གིས་བྱིན་གྱིས་བརླབས་པ་རྣམས་ཀྱིས་མཉན་པའམ། གཟུང་བ་རྣམས་ཀྱིས་མ་གཏོགས་པར་ཉན་ཐོས་དང་རང་སངས་རྒྱས་ཐམས་ཅད་ཀྱིས་ཀྱང་ཤེས་པར་མི་ནུས་ན།
D496.087.0115a07.01