完整藏文原文 · 德格版页 当前仅加载第 87 函德格 102b 版页；藏文 NFD、目录标记与异常页序保留在来源切片中，重复版页行以稳定序号区分。
བཟླས་བརྗོད་བྱས་པ་ཙམ་གྱིས་ལས་ཐམས་ཅད་བྱེད་དོ། །འབྱུང་པོ་ཐམས་ཅད་སྐྲག་པར་བྱེད་དོ། །དགུག་གོ། །དབང་དུ་བྱེད་དོ། །སྐམ་པར་བྱེད་དོ། །གནོད་པར་བྱེད་དོ། །རིག་སྔགས་འཆང་ཐམས་ཅད་ཅི་འདོད་པ་དེ་ཐམས་ཅད་སྒྲུབ་བོ། །ཅི་སྟེ་བཞོན་པ་བསྒྲུབ་པར་འདོད་ན་དེ་
D496.087.0102b01.01ནས་ངང་པའམ་གླང་ཁྱུ་པའམ། རྨ་བྱའམ། ནམ་མཁའ་ལྡིང་ངམ། གླང་པོ་ཆེ་འམ། རྟའམ་གང་ཡང་རུང་བ་ཞིག་བྱས་ལ། རི་མོ་མཁན་གསོ་སྦྱོང་བཟུང་བ་རི་མོ་འདྲིར་གཞུག་སྟེ། རི་མོའི་གཟུགས་ནུབ་ཕྱོགས་སུ་བསྟན་ལ་གཞག་སྟེ། མཆོད་ཡོན་རྒྱ་ཆེར་བྱས་ལ་མར་མེ་ཡང་
D496.087.0102b02.01འབུལ་ཞིང་བསྲུང་བའི་ཆོ་ག་ཡང་བྱས་ལ་ཨུ་དུམ་བཱ་རའི་ཡམ་ཤིང་བསྲེག་ཅིང་སྟོང་ཡང་སྦྱིན་སྲེག་བྱའོ། །སྤོས་ཆུས་ལྷ་སྤྱན་དྲངས་ལ་སླར་གཤེགས་སུ་གསོལ་ནས་མཆོད་ཡོན་དབུལ་ལོ། །མཆོད་ཡོན་ཕུལ་ནས་བཞོན་པ་གང་ཡང་རུང་བ་ཞིག་ལག་པས་མནན་ལ་འབར་གྱི་བར་དུ་བཟླས་
D496.087.0102b03.01བརྗོད་བྱའོ། །དེ་ནས་སྔགས་པས་ལ་གོར་ལ་གོར་དུ་བཟླས་བརྗོད་བྱའོ། །གལ་ཏེ་ངང་པར་གྱུར་ན་དེའི་དངོས་གྲུབ་ཀྱི་མཚན་མ་ནི་ངང་པ་སྒྲ་འབྱིན་ཏོ། །ཁྱུ་པ་ནི་ངར་རོ། རྨ་བྱ་ནི་ལྷུང་ལྷུང་ཟེར་རོ། །ནམ་མཁའ་ལྡིང་ནི་འཕུར་རོ། །གླང་པོ་ཆེ་ནི་སྒྲ་ངུར་ངུར་ཞེས་ཟེར་རོ། །རྟ་ནི་སྐད་ཙེ་རེ་རེ་
D496.087.0102b04.01ཟེར་རོ། །འདི་དག་གི་མཚན་མ་ནི་འདི་དག་ཡིན་ནོ། །ངང་པ་ལ་ཞོན་ན་མི་མཇེད་ཀྱི་བདག་པོ་ཚངས་པ་གཉིས་པར་འགྱུར་ཏེ། ཚེ་བསྐལ་པ་མཆོག་པས་ཀྱང་མཆོག་ཐུབ་པར་འགྱུར་རོ། །ཁྱུ་པ་ལ་ཞོན་ན་ལྷ་ཆེན་པོ་གཉིས་པར་འགྱུར་རོ། །རྨ་བྱ་ལ་ཞོན་ན་སྨིན་དྲུག་གི་བུ་གཉིས་
D496.087.0102b05.01པར་འགྱུར་ཏེ། དཔའ་ཞིང་ཕ་རོལ་གནོན་པ་ཆེན་པོ་དང་ལྡན་པ་ཚེ་བསྐལ་པ་ཆེན་པོ་ཐུབ་པར་འགྱུར་རོ། །གང་གི་ཚེ་ཤི་འཕོས་ན་དེའི་ཚེ་བྲམ་ཟེའི་རིགས་སུ་སྐྱེ་བར་འགྱུར་ཏེ། ཚེ་རབས་དྲན་པར་འགྱུར་རོ། །ཅི་སྟེ་ནམ་མཁའ་ལྡིང་བསྒྲུབས་ལ་དེ་ལ་ཞོན་ན་ཁྱབ་འཇུག་གཉིས་
D496.087.0102b06.01པར་འགྱུར་ཏེ། ཚེ་བསྐལ་པ་ཐུབ་པར་འགྱུར་རོ། །གང་གི་ཚེ་ཤི་འཕོས་པ་དེའི་ཚེ་ཤིང་སཱ་ལ་ཆེན་པོ་ལྟ་བུའི་རིགས་སུ་སྐྱེས་པར་འགྱུར་ཏེ། ཚེ་རབས་དྲན་པར་འགྱུར་རོ། །ཅི་སྟེ་གླང་པོ་ཆེ་གྲུབ་ཅིང་དེ་ལ་ཞོན་ན་བརྒྱ་བྱིན་གྱི་བརྩོན་འགྲུས་དང་ལྡན་པར་འགྱུར་ཞིང་། ལྷའི་རྒྱལ་
D496.087.0102b07.01