完整藏文原文 · 德格版页 当前仅加载第 87 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ག་ག་ན་སཾ་བྷ་བེ་ག་ག་ན་གཽ་རི། ཨུ་ཏྤཏྟི་ཀེ་ཧི་རི་ཁི་རི་ཁི་རི་ས་ན་ས་ར་བ་ཧཾ་ག་མི་སྭཱ་ཧཱ། བཅོམ་ལྡན་འདས་འདི་ནི་རིག་སྔགས་འཆང་ཐམས་ཅད་ཀྱི་སྙིང་པོ་ལགས་ཏེ། འདིས་བདག་ཅག་རིག་སྔགས་
D496.087.0068a01.01འཆང་གི་རྒྱལ་པོ་ཞེས་བགྱིའོ། །དེ་བཞིན་གཤེགས་པ་ཐམས་ཅད་ལ་མཆོད་པ་དང་རིམ་གྲོ་བགྱིད་པ་ཞེས་བགྱིའོ། །མདོར་ན་འདོད་པ་ཙམ་གྱིས་དགོས་པ་ཐམས་ཅད་བགྱིད་དོ། །བཅོམ་ལྡན་འདས་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པ་གང་ལ་ལ་ཞིག་སྙིང་པོ་
D496.087.0068a02.01འདི་རྟག་ཏུ་དྲན་པར་བགྱིད་ན། །བདག་ཅག་དེ་ལ་དངོས་གྲུབ་དང་མཐུ་དང་སྟོབས་བརྟན་པ་ཉེ་བར་བསྒྲུབ་པར་བགྱིའོ། །ཅི་སྟེ་སྙིང་པོ་འདི་ཉེ་བར་སྒྲུབ་པར་བགྱིད་ན། དེས་རིའི་རྩེ་མོར་མཆིས་ལ་ཆོ་ག་སྔ་མ་བཞིན་དུ་ལན་ས་ཡ་བཟླས་བརྗོད་བགྱིའོ། །དེ་ནས་ཅི་འབྱོར་པས་མཆོད་ལ་བ་ལང་གི་
D496.087.0068a03.01ལྕི་བས་དཀྱིལ་འཁོར་བསྐུས་ཏེ་མར་གྱི་སྲེག་བླུགས་ལན་འབུམ་སྦྱིན་སྲེག་བགྱིས་ན་འགྲུབ་པར་འགྱུར་རོ། །ཐོགས་པ་མེད་པར་འདོད་དགུར་འགྲོ་བར་འགྱུར་རོ། །དེ་ནས་སོ་ཅན་ལ་སོགས་པ་སྲིན་མོ་ཆེན་མོ་ཐམས་ཅད་ཀྱིས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ག་ལ་བ་དེ་
D496.087.0068a04.01ལོགས་སུ་ཐལ་མོ་སྦྱར་བ་བཏུད་དེ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཀྲེ་ཀ་རི་ཀོ་ཏ་རེ་པི་ཏི་ཀེ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་སྙིང་པོ་
D496.087.0068a05.01འདི་རྟག་ཏུ་དྲན་པར་བགྱིད་ན། དེ་དགོན་པ་ཆེན་པོ་ན་མཆིས་ཀྱང་རུང་། དུར་ཁྲོད་ན་མཆིས་ཀྱང་རུང་། ཆུའི་ནང་ན་མཆིས་ཀྱང་རུང་། མེའི་ནང་ན་མཆིས་ཀྱང་རུང་། རྒྱ་མཚོའི་ནང་ན་མཆིས་ཀྱང་རུང་། སྲིན་མོའི་ནང་ན་མཆིས་ཀྱང་རུང་སྟེ་བསྲུང་བར་བགྱིའོ། །ཞི་བ་དང་
D496.087.0068a06.01བདེ་ལེགས་སུ་འགྱུར་བར་བགྱིའོ། །ཆད་པ་ལ་སོགས་པ་ཡང་ཡོངས་སུ་སྤང་བར་བགྱིའོ། །ཅི་སྟེ་བསྒྲུབ་པར་འཚལ་ན་དེས་ཁང་སྟོང་ངམ་དུར་ཁྲོད་ཆེན་པོར་གཅིག་པུ་བོང་བུ་ཞོན་ཞིང་། བསླངས་པ་མ་ལགས་པའི་ཁ་ཟས་འཚལ་ལ། ལག་ན་གྲི་ཐོགས་ཤིང་ཅེ་སྤྱང་གི་
D496.087.0068a07.01