完整藏文原文 · 德格版页 当前仅加载第 87 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
འབྱོར་པས་མཆོད་དེ་འབྲས་སཱ་ལུ་བཏགས་པའི་ཕྱེ་མ་ཞོ་དང་སྦྲང་རྩིས་སྦྲུས་པ་ལས་སོར་དྲུག་ཚད་ཙམ་གྱི་གཟུགས་བགྱིས་ལ་བརྒྱད་སྟོང་སྦྱིན་སྲེག་བགྱིས་ན་གྲུབ་པར་འགྱུར་ཏེ། དེ་སླན་ཅད་ཆུ་ཀླུང་རྣམས་སུ་ཞུགས་ཀྱང་འཇིགས་པ་མི་འབྱུང་ངོ་། །དེ་དག་ཉིད་དང་ཅི་སྲིད་འདོད་ཀྱི་བར་
D496.087.0067b01.01དུ་གནས་ཤིང་བུ་བཞིན་དུ་རྗེས་སུ་སྤྱོད་ལ་གང་འཚལ་བ་དེ་སྩོལ་ཏོ། །དེ་ནས་སྣ་ཚོགས་ཕྲེང་བ་ཅན་ལ་སོགས་པ་དྲི་ཟའི་རྒྱལ་པོ་ཐམས་ཅད་ཀྱིས་ཕྱག་ན་རྡོ་རྗེ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་
D496.087.0067b02.01རང་གི་སྙིང་པོ་འདི་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་བྷ་ག་བ་ཏེ་གནྡྷ་རྦ་རཱ་ཛ་པྲི་ཡེ་སྭཱ་ཧཱ། གང་ལ་ལ་ཞིག་བདག་ཅག་གི་སྙིང་པོ་འདི་དྲན་པར་བགྱིད་ན། བདག་ཅག་རྟག་ཏུ་དེའི་སླད་བཞིན་འབྲང་བར་བགྱིད་དོ། །དགོས་པ་ཐམས་ཅད་ལ་རབ་ཏུ་
D496.087.0067b03.01དགའ་བའི་ཡིད་ཀྱིས་གནང་བ་སྩལ་བར་བགྱིད་དོ། །བསྐོར་ནས་གནས་པར་བགྱིད་དོ། །འཆི་བའི་དུས་ཀྱི་ཚེ་ན་ཡང་སིལ་སྙན་དང་ཕེག་རྡོབ་པ་བགྱིད་ཅིང་སྟེང་དུ་བླ་རེས་བཟུང་ལ། སངས་རྒྱས་དང་ཆོས་དང་དགེ་འདུན་རྗེས་སུ་དྲན་པ་སྩལ་བར་བགྱིའོ། །ཇི་སྟེ་བསྒྲུབ་པར་
D496.087.0067b04.01འཚལ་ན་དེས་ཐོག་མར་དགོན་པ་ཆེན་པོར་ཞུགས་ལ་ཟས་སུ་འབྲས་བུ་བཟའ་ཞིང་སྙིང་པོ་འདི་ལན་ཉིས་འབུམ་བཟླས་བརྗོད་བགྱིའོ། །དེ་ནས་ཅི་འབྱོར་པས་མཆོད་དེ་དུ་རུ་སྐའི་བདུག་པ་བསྲེག་ཅིང་མཚན་ཐོག་ཐག་བཟླས་བརྗོད་བགྱིས་ནས། དྲི་ཟའི་རྒྱལ་པོ་གང་ཡང་རུང་བ་
D496.087.0067b05.01ཞིག་མཆིས་ནས་མགོ་ལ་མེ་ཏོག་གི་ཕྲེང་བ་སྩོལ་གྱི་བར་དུ་བཟླས་བརྗོད་བགྱིའོ། །དེ་ནས་དྲི་ཟའི་ནང་དུ་ཀུན་གྱིས་བཀུར་བར་འགྱུར་ཏེ་དྲི་ཟའི་གནས་ཐམས་ཅད་དུ་ཞུགས་ནས་ཀྱང་ནམ་ཡང་ཡོངས་སུ་ཉམས་པར་མི་འགྱུར་རོ། །མདོར་ན་གང་འཚལ་བ་དེ་སྩོལ་ཏོ། །དེ་ནས་རིག་
D496.087.0067b06.01སྔགས་འཆང་གི་རྒྱལ་པོ་ཏོག་ལ་སོགས་པ་རིག་སྔགས་འཆང་གི་རྒྱལ་པོ་རྣམས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཅག་ཀྱང་དཀྱིལ་འཁོར་ཆེན་པོ་འདིར་རང་གི་སྙིང་པོ་
D496.087.0067b07.01