完整藏文原文 · 德格版页 当前仅加载第 87 函德格 105a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་མགོན་པོ་དང་། །ཁྲོ་བོ་ཟླ་བའི་ཐིག་ལེའོ། །ཁྲོ་ཟླ་ཐིག་ལེའི་ཐོབ་སྟེ། །འཇིག་རྟེན་གསུམ་རྒྱལ་རྡོ་རྗེའོ། །དེ་ནས་སྔགས་པས་མཉམ་གཞག་སྟེ། །ཕྱི་རིམ་ངོས་སུ་བྲི་བ་ནི། །དེ་ལ་ཤར་ཕྱོགས་སུ་ནི་འབྱུང་པོའི་བདག་པོ་དབང་ལྡན་འཁོར་དང་བཅས་པ་བྲིའོ། །
D496.087.0105a01.01བྱང་ཕྱོགས་སུ་ནི་ལྷའི་དབང་པོ་བརྒྱ་བྱིན་འཁོར་དང་བཅས་པ་བྲིའོ། །ལྷོ་ཕྱོགས་སུ་ནི་གཤིན་རྗེ་འཁོར་དང་བཅས་པ་བྲིའོ། །ནུབ་ཕྱོགས་སུ་ནི་རྒྱལ་པོ་ཆེན་པོ་བཞི་འཁོར་དང་བཅས་པ་བྲིའོ། །སྒོའི་གཡས་གཡོན་དུ་ནི་ཐུབ་དཀའ་དང་། མངོན་དུ་གྱུར་པ་གཉིས་བྲིའོ། །ཕྱོགས་བཞིར་
D496.087.0105a02.01ནི་བསྲུང་བ་ཆེན་མོ་བཞི་གཞག་པར་བྱ་སྟེ། འདི་ལྟ་སྟེ། ཤར་ཕྱོགས་སུ་ནི་མི་འཇིགས་པ་སྦྱིན་མའོ། །བྱང་ཕྱོགས་སུ་ནི་གཞན་གྱིས་མི་ཐུབ་མའོ། །ལྷོ་ཕྱོགས་སུ་ནི་འོད་ཟེར་ཅན་ཞགས་པའི་ཕྱག་རྒྱ་དང་བཅས་པར་བྲིའོ། །ནུབ་ཕྱོགས་སུ་ནི་འཇིགས་པ་འཇིགས་བྱེད་དབྱུག་ཏོའི་
D496.087.0105a03.01ཕྱག་རྒྱ་དང་བཅས་པ་བྲིའོ། །དེ་ནས་ཕྱོགས་བཞིར་བུམ་པ་མགུལ་ཆིངས་དང་བཅས་པ་བཞི་གཞག་གོ། །དབུས་སུ་བུམ་པ་གཅིག་གཞག་གོ། །དེ་ནས་སློབ་དཔོན་གྱིས། ཆོ་ག་སྔ་མའི་ཚུལ་བཞིན་དུ། །རབ་ཏུ་བསྒྲིམས་ཏེ་སློབ་མ་བཟུང་། །དཀྱིལ་འཁོར་སྔ་མའི་སྐབས་
D496.087.0105a04.01བཞིན་དུ། །སྤོས་དང་མེ་ཏོག་སྦྱིན་པར་བྱ། །དེ་ནས་བྱང་ཆུབ་སེམས་དཔའ་ཞི་བའི་བློ་གྲོས་ངོ་མཚར་གྱིས་འདུན་པར་གྱུར་པའི་སྙིང་གིས་བྱང་ཆུབ་སེམས་དཔའ་ལག་ན་རྡོ་རྗེ་ལ་རྣམ་པར་བལྟ་ཞིང་འདུག་ནས་ཚིག་སྨྲས་པ། །ཀྱེ་མའོ་སེམས་དཔའ་ཆེན་པོ་གང་། །སངས་རྒྱས་ཞིང་
D496.087.0105a05.01དུ་ཐམས་ཅད་དུ། །བསྒྲགས་པ་ཆེན་པོ་བསྟན་པ་ནི། །ཁྱོད་ཀྱིས་སྤྱོད་པ་ཅི་འདྲ་ཞིག །དཀྱིལ་འཁོར་འདི་འདྲ་མཐོང་ནས་སུ། །གང་གིས་དངོས་གྲུབ་འགྲུབ་འགྱུར་ལ། །རྡོ་རྗེ་དབང་བསྐུར་དམ་པ་མཆོག །ཤིན་ཏུ་རྨད་དུ་བྱུང་འདི་བསྟན། །དེ་སྐད་ཅེས་སྨྲས་པ་དང་།
D496.087.0105a06.01བྱང་ཆུབ་སེམས་དཔའ་ལག་ན་རྡོ་རྗེས་བྱང་ཆུབ་སེམས་དཔའ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཞི་བའི་བློ་གྲོས་ལེགས་སོ་ལེགས་སོ། །ཚིག་བརྗོད་པ་འདི་བཟང་ངོ་། །ཞི་བའི་བློ་གྲོས་དེ་བཞིན་གཤེགས་པས་ཀྱང་འདི་སྐད་དུ་ལག་ན་རྡོ་རྗེ། རྡོ་རྗེས་དབང་བསྐུར་བའི་
D496.087.0105a07.01