完整藏文原文 · 德格版页 当前仅加载第 87 函德格 19b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱན་བཀོད་པའི་ཁང་པ་བརྩེགས་པ་ཐམས་ཅད་གདུགས་དང་རྒྱལ་མཚན་དང་བ་དན་བསྒྲེང་བས་མཛེས་པར་བྱས་སོ། །ཁང་པ་བརྩེགས་པ་དེ་དག་ཏུ་ཡང་པདྨའི་སྙིང་པོའི་སེང་གེའི་ཁྲི་རྣམས་སྤྲུལ་ཏོ། །ཁང་པ་བརྩེགས་པ་ཐམས་ཅད་ཀྱང་བཻཌཱུརྱ་ཆེན་པོ་གསལ་བའི་རང་བཞིན་
D496.087.0019b01.01ཅན་ཏེ། འདི་ལྟ་སྟེ་དཔེར་ན་ཤིན་ཏུ་ཕྱིས་པའི་མེ་ལོང་ཅི་ལྟ་བ་བཞིན་དུ་རྣམ་པར་སྣང་མཛད་ཀྱི་རྒྱན་བཀོད་པའི་ཁང་པ་བརྩེགས་པ་ཡང་རང་བཞིན་གྱིས་རྣམ་པར་དག་ཅིང་གསལ་བ་སྟེ་བཻཌཱུརྱ་གསལ་བའི་ཕྱིར་དེར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་གཟུགས་བརྙན་གྱི་
D496.087.0019b02.01ཚུལ་དུ་སྣང་ངོ་། །དབུས་སུ་ནི་བཅོམ་ལྡན་འདས་ཀྱི་སེང་གེའི་ཁྲི་འགྲོ་བ་ཐམས་ཅད་ཀྱི་བཀོད་པའི་སྙིང་པོ་རིན་པོ་ཆེའི་རྒྱལ་པོ་ལས་བྱས་པ་མངོན་པར་སྤྲུལ་ཏོ། །སེམས་ཅན་ཐམས་ཅད་ཉེ་བར་འཚོ་བའི་ཡོ་བྱད་ཀྱི་སྤྲིན་དག་ཁང་པ་བརྩེགས་པ་དེར་ཀུན་ནས་རྟག་ཏུ་བབ་པར་མངོན་པར་
D496.087.0019b03.01སྤྲུལ་ཏེ། འདི་ལྟར་བྱང་ཆུབ་སེམས་དཔའ་ཀུན་དུ་བཟང་པོས་བཅོམ་ལྡན་འདས་རྣམ་པར་སྣང་མཛད་ཀྱི་སྔོན་གྱི་སྤྱོད་པ་རྒྱ་མཚོ་སྤྱད་པའི་ཕྱིར་རོ། །དེ་ལྟར་བཅོམ་ལྡན་འདས་ལ་མཆོད་པའི་ཕྱིར་མངོན་པར་སྤྲུལ་ནས། བཅོམ་ལྡན་འདས་ལ་བལྟ་བ་དང་ཕྱག་བྱ་བ་དང་བསྙེན་བཀུར་བྱ་བ་དང་ཆོས་
D496.087.0019b04.01མཉན་པའི་ཕྱིར་གནོད་སྦྱིན་གྱི་ཚོགས་ཆེན་པོ་དང་ལྷན་ཅིག་ཏུ་གནོད་སྦྱིན་གཞོན་ནུ་བྱེ་བ་ཁྲག་ཁྲིག་བརྒྱ་སྟོང་མང་པོས་ཡོངས་སུ་བསྐོར་ཅིང་མདུན་དུ་བདར་ནས། བྱང་ཆུབ་སེམས་དཔའི་རྫུ་འཕྲུལ་ཆེན་པོ་དང་། བྱང་ཆུབ་སེམས་དཔའི་མཐུ་ཆེན་པོས་ཁང་པ་བརྩེགས་པ་དེ་ལག་
D496.087.0019b05.01པ་གཉིས་ཀས་བླངས་ཏེ་སྟེང་གི་བར་སྣང་ལས་བབས་ཏེ། ཤིང་སཱ་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ག་ལ་བ་དེར་སོང་ངོ་། །
D496.087.0019b06.01ཁང་པ་བརྩེགས་པ་དེའི་འོད་ཀྱིས་ཤིང་སཱ་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་འདི་ཐམས་ཅད་སྣང་བ་ཆེན་པོས་ཁྱབ་པར་སྣང་བར་གྱུར་ནས་གང་དག་འཁོར་དེར་འདུས་ཤིང་འཁོད་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། མིའམ་ཅི་དང་།
D496.087.0019b07.01