完整藏文原文 · 德格版页 当前仅加载第 87 函德格 143b 版页；藏文 NFD、目录标记与异常页序保留在来源切片中，重复版页行以稳定序号区分。
འཛུམས་པར་བྱང་ཆུབ་སེམས་དཔའ་ལག་ན་རྡོ་རྗེ་ལ་བལྟས་ཏེ། འདི་སྐད་ཅེས་སྨྲས་སོ། །རིགས་ཀྱི་བུ་ཁྱོད་ཀྱང་དེ་བཞིན་གཤེགས་པ་ཉིད་དུ་བལྟ་བར་བྱའོ། །དེ་ཅིའི་ཕྱིར་ཞེ་ན། ཁྱོད་ནི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཆེན་པོ་སྔོན་མ་མཐོང་བ་རྣམས་དང་།
D496.087.0143b01.01དམ་ཚིག་ལ་སོགས་པ་སངས་རྒྱས་ཀྱི་མཛད་པ་གཅིག་ནས་གཅིག་ཏུ་རྒྱུན་མི་འཆད་པར་བྱ་བའི་ཕྱིར། ཡེ་ཤེས་ཆེན་པོར་དབང་བསྐུར་བ་དང་ལྡན་པའི་གཟུངས་སྔགས་འདི་ཡིད་ལ་བྱེད་པའི་ཕྱིར་རོ། །དེ་ནས་དེའི་མོད་ལ་འཇམ་དཔལ་གཞོན་ནུར་གྱུར་པས། དབང་ཆེན་
D496.087.0143b02.01པོ་བསྐུར་བའི་གཟུངས་སྔགས་ལ་སོགས་པ་ཡེ་ཤེས་བྱེ་བ་ཕྲག་དགུ་བཅུ་རྩ་དགུ་ལས་ངེས་པར་བྱུང་བའི་ཡེ་ཤེས་ཆེན་པོའི་རྡོ་རྗེ་རྟོགས་པར་གྱུར་ཏོ། །ཡེ་ཤེས་ཆེན་པོའི་རྡོ་རྗེ་རྟོགས་མ་ཐག་ཏུ། དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་མཆོད་
D496.087.0143b03.01པའི་སྤྲིན་ཆེན་པོ་དག་བྱུང་བར་གྱུར་ཏོ། ཀྱེ་མའོ་ཡེ་ཤེས་ཆེན་པོར་དབང་བསྐུར་བས། །འཇམ་དཔལ་འདི་ལ་དབང་བསྐུར་ཏོ། །ཞེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་དུ་སྒྲ་འུར་ཅེས་གྲགས་སོ། །དེའི་མཐུས་འཇམ་དཔལ་གཞོན་ནུར་གྱུར་
D496.087.0143b04.01པས། དེ་བཞིན་གཤེགས་པའི་གཟུགས་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་ཀྱི་རྡུལ་སྙེད་དག་ཨུཏྤ་ལ་ཆེན་པོའི་ནང་དུ་ཞུགས་པར་མཐོང་ངོ་། །དེ་བཞིན་གཤེགས་པའི་གཟུགས་རྣམས་ཞུགས་མ་ཐག་ཏུ། དེ་ནས་ཆོས་ཀྱི་སྐུ་རྟོགས་པའི་མཐུས། དེའི་མོད་
D496.087.0143b05.01ལ་འཇམ་དཔལ་གཞོན་ནུར་གྱུར་པའི་སྤུའི་ཁུང་བུའི་མཚམས་རྣམས་དང་། ཅོད་པན་དང་། རྒྱན་དང་། ཡན་ལག་དང་། ཉིང་ལག་ཐམས་ཅད་ནས་དེ་བཞིན་གཤེགས་པའི་གཟུགས་རྣམས་བྱུང་ཞིང་ཞུགས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ས་བཅུ་ལ་
D496.087.0143b06.01གནས་པ། སེམས་ཀྱི་དབང་ཐམས་ཅད་ཐོབ་པ་དེ་དག་གིས་ཀྱང་སྤུའི་ཁུང་བུ་གཅིག་གི་ཚད་ཀྱང་རྟོགས་པར་མ་ནུས་ན། ཉན་ཐོས་དང་རང་སངས་རྒྱས་རྣམས་དང་། གཞན་འཇིག་རྟེན་པ་རྣམས་ཀྱིས་ལྟ་ཅི་སྨོས། དེ་ནས་འཇམ་དཔལ་གཞོན་ནུར་གྱུར་པས་ཡིད་ལ་བྱེད་པ་དེ་
D496.087.0143b07.01