完整藏文原文 · 德格版页 当前仅加载第 87 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
པར་འབྱིན་ཅིང་ཐམས་ཅད་དང་ལྡན་པའི་འཁོར་གྱི་སྙིང་རྣམས་ཡོངས་སུ་བསྡུས་ནས་ནམ་མཁའ་དང་མཚུངས་པ་ཉིད་དུ་གྱུར་ཏེ། ལག་ན་རྡོ་རྗེའི་སྙིང་གི་དཀྱིལ་འཁོར་དུ་ཞུགས་སོ། །ལག་ན་རྡོ་རྗེ་ཡང་སྙིང་རྗེ་ཆེན་པོའི་དཀྱིལ་འཁོར་ལ་གནས་ནས་དེའི་ཚེ་དེ་བཞིན་
D496.087.0056a01.01གཤེགས་པ་ཐམས་ཅད་དང་མཉམ་པ་ཉིད་ཀྱི་གནས་པས་གནས་སོ། །དེ་ནས་དེ་བཞིན་གཤེགས་པ་དེ་དག་གིས་ལག་ན་རྡོ་རྗེ་ལ་ལེགས་སོ་ཞེས་བྱ་བ་བརྗོད་དེ་བཀའ་སྩལ་པ། སྔགས་ཀྱི་སྤྱོད་པ་རྒྱ་མཚོ་ཡི། །སྙིང་པོ་སྟོབས་ཆེན་ལྡན་པ་འདི། །བསྟན་པ་འདི་ནི་སྲུང་བྱེད་ཅིང་། །
D496.087.0056a02.01ཐེག་པ་ཆེན་པོའི་གནས་འདི་ལ། །གདུལ་དཀའ་རྟག་ཏུ་འདུལ་བ་སྟེ། །དཔའ་བོ་ཆེན་པོ་ཁྱོད་ཀྱིས་བཤད། །དེ་ནས་འཇམ་དཔལ་གཞོན་ནུར་གྱུར་པས་ཐམས་ཅད་དང་ལྡན་པའི་འཁོར་དེ་འཁོར་ལོ་ཆེན་པོ་རྡོ་རྗེའི་དཀྱིལ་འཁོར་དུ་འགྱེལ་བར་རིག་ནས་ཆེར་སྙིང་རྗེ་སྐྱེས་ཏེ་མིག་གཉིས་
D496.087.0056a03.01ཀྱིས་རིང་དུ་བལྟས་ནས་རྡོ་རྗེ་མཆོག་གི་སྙིང་པོ་དམ་པ་སྦྱིན་པ་ཆེན་པོ་འདིས་བྱིན་གྱིས་བརླབས་ཏེ། སྤྱོད་པ་ཆེན་པོ་མཆོག་གི་དཀྱིལ་འཁོར་གྱི་ཕྱིར་རྡོ་རྗེའི་དཀྱིལ་འཁོར་ཆེན་པོ་ལ་བལྟ་ཞིང་། དེ་བཞིན་གཤེགས་པ་ཐམས་ཅད་ཀྱི་ཆོས་རབ་དམ་པ་ལ་རྣམ་པར་རྒྱལ་བ་ཐོབ་པ་བྱང་
D496.087.0056a04.01ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །རིགས་ཀྱི་བུ་འཁོར་འདི་ལ་དམ་ཚིག་ལ་འཇུག་པའི་སྒོ་ཅུང་ཟད་ཅིག་སྩོལ་ཅིག་དང་། དེས་བསྟན་པ་འདི་ལ་སྲོག་གི་རེ་བ་ཐོབ་ཅིང་དད་པ་ཐོབ་ནས་རང་རང་གི་གསང་སྔགས་ཀྱི་སྙིང་པོ་འབུལ་བར་གྱུར་ཏོ། །དེ་སྐད་ཅེས་
D496.087.0056a05.01སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་འཇམ་དཔལ་གཞོན་ནུར་གྱུར་པ་ལ་སྨྲས་པ་ཏིང་ངེ་འཛིན་ལ་དབང་ཐོབ་ཅིང་། །ནམ་མཁའ་ལྟ་བུར་ཆགས་མེད་ལ། །ཀུན་དུ་སངས་རྒྱས་ཐམས་ཅད་ཀྱི། །སྨོན་ལམ་རྟག་ཏུ་རྫོགས་བྱེད་པ། །
D496.087.0056a06.01གསང་སྔགས་ཀུན་གྱི་སྤྱོད་པ་དང་། །དེ་བཞིན་གསང་སྔགས་བསྒྲུབ་པ་དང་། །བརྟུལ་ཞུགས་དང་ནི་རྟགས་དང་གཟུགས། །དུས་དང་ཡུལ་དང་ཆོ་ག་ཤོད། །དེའི་ཚེ་རྡོ་རྗེ་དེ་རྡོ་རྗེ་མཆོག་གི་སྟོབས་ཀྱི་གཟུངས་དང་ལྷན་ཅིག་ཏུ་འཇམ་དཔལ་གཞོན་ནུར་གྱུར་པ་ལ་བྱིན་ནོ། །
D496.087.0056a07.01