完整藏文原文 · 德格版页 当前仅加载第 87 函德格 146b 版页；藏文 NFD、目录标记与异常页序保留在来源切片中，重复版页行以稳定序号区分。
ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །གསང་བ་པའི་བདག་པོ་སུ་དཀྱིལ་འཁོར་གྱི་རྒྱལ་པོ་འདི་བྲིས་ནས་དེར་ཞུགས་པར་གྱུར་ན། དེའི་བསོད་ནམས་ཀྱི་ཕུང་པོ་ཇི་ཙམ་དུ་འགྱུར། ལག་ན་རྡོ་རྗེས་སྨྲས་པ། འཇམ་དཔལ་ཁོ་བོས་ནི་དེའི་བསོད་ནམས་ཀྱི་ཕུང་པོའི་ཚད་བསྟན་པར་མི་ནུས་མོད་
D496.087.0146b01.01ཀྱི། འོན་ཀྱང་འཇམ་དཔལ་རིགས་ཀྱི་བུའམ་རིགས་ཀྱི་བུ་མོ་དེའི་བསོད་ནམས་ཀྱི་ཕུང་པོ་ནི་སའི་རྡུལ་ཇི་སྙེད་ཡོད་པ་དེ་དེ་སྙེད་དུ་རིག་པར་བྱའོ། །འཇམ་དཔལ་མ་འོངས་པའི་དུས་ན་སེམས་ཅན་སྡིག་ཅན་གང་ཚུལ་འདི་ལ་ཡིད་མི་ཆེས་པ་དག་ཡོད་དེ། འཇམ་དཔལ་ཐེ་ཚོམ་མང་བ་དང་། རྣམ་
D496.087.0146b02.01པར་རྟོག་པ་སྣ་ཚོགས་ཀྱི་རང་བཞིན་ཅན་དང་། མི་དགེ་བའི་བཤེས་གཉེན་གྱིས་ཡོངས་སུ་ཟིན་པ་དང་། ཕ་ལ་མ་གུས་པ་དང་། མ་ལ་མ་གུས་པ་དང་། སློབ་དཔོན་དང་བླ་མ་ལ་སྨོད་པ་དང་། བླ་མའི་སྐྱོན་འདྲུ་བའི་སེམས་ཅན་དེ་དག་ལ་ནི་ཡེ་ཤེས་ཆེན་པོར་དབང་བསྐུར་བའི་གཟུངས་སྔགས་
D496.087.0146b03.01ཀྱི་དཀྱིལ་འཁོར་འདི་ལག་ཏུ་འཆང་དུ་མི་གཞུག་གོ། །རྣ་ལམ་དུ་ཡང་གྲག་པར་མི་བྱའོ། །འཇམ་དཔལ་དེ་དག་གི་མདུན་དུ་ནི་གཏམ་ཡང་མི་བྱའོ། །གླེགས་བམ་དུ་བྲིས་པ་ཡང་དེ་དག་གི་མདུན་དུ་དབྱེ་བར་མི་བྱ་སྟེ། སེམས་ཅན་སྡིག་ཅན་དེ་དག་གིས་སྤོང་བ་ཅུང་ཟད་བྱས་པས་ཀྱང་ངན་སོང་སེམས་
D496.087.0146b04.01ཅན་དམྱལ་བར་འགྲོ་བར་མྱུར་དུ་འོང་ངོ་། །འདི་སྐད་དུ་འདི་ནི་སངས་རྒྱས་ཀྱིས་གསུངས་པ་མ་ཡིན་ནོ་ཞེས་ཟེར་ཏེ། དེ་དག་ནི་བདག་ཀྱང་ཕུང་ལ་གཞན་དག་ཀྱང་ཕུང་བར་བྱེད་དོ། །དེ་ལྟར་བྱེད་པའི་སེམས་ཅན་དེ་དག་ལ་ནི་གསང་སྔགས་ཀྱི་དངོས་གྲུབ་མེད་དོ་ཞེས་ཁོ་བོ་སྨྲའོ། །སངས་རྒྱས་དང་
D496.087.0146b05.01བྱང་ཆུབ་སེམས་དཔའ་རྣམས་ཀྱང་རྟག་ཏུ་རྒྱབ་ཀྱིས་ཕྱོགས་པར་འགྱུར་ཏེ། དེ་དག་རྒྱབ་ཀྱིས་ཕྱོགས་པར་གྱུར་ནས་ངེས་པར་འབྱིན་པ་དང་གསང་སྔགས་ཀྱི་དངོས་གྲུབ་གཏན་མེད་དོ། །དེ་སྐད་ཅེས་སྨྲས་པ་དང་། འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་
D496.087.0146b06.01ཅེས་སྨྲས་སོ། །གསང་སྔགས་ཀྱི་ཚུལ་འདི་ལ་དད་པ་གང་ཡིན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ནི་ཤིན་ཏུ་དཀའ་བ་བྱེད་པ་ཡིན་ནོ། །འཇམ་དཔལ་ཁྱོད་ཀྱིས་ཇི་སྐད་སྨྲས་པ་བཞིན་ཏེ། །དེ་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པ་ཡིན་ཏེ། དེ་དག་ལ་ནི་
D496.087.0146b07.01