完整藏文原文 · 德格版页 当前仅加载第 87 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཙནྡྲ་ཀཱ་ན་ཏི་བི་ཤུད་དྷ་ཧཾ་ག་སྭཱ་ཧཱ། བཅོམ་ལྡན་འདས་བདག་ཅག་གི་སྙིང་པོ་འདི་ནི་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པ་རྣམས་ཀྱི་གདུང་བ་ཐམས་ཅད་རབ་ཏུ་ཞི་བར་བགྱིད་པ་ལགས་སོ། །རྟག་ཏུ་བཟླས་བརྗོད་བགྱིས་ན་བཀྲ་མི་ཤིས་པ་
D496.087.0061b01.01རྣམས་སེལ་ཏོ། །དཔལ་སྐྱེད་དོ། །རྟག་ཏུ་སྐལ་བ་བཟང་པོ་སྩོལ་ཏོ། །ཅི་སྟེ་བསྒྲུབ་པར་འཚལ་ན་དེས་ཟས་སུ་འོ་མ་འཐུང་ཞིང་པདྨའི་རྫིང་དུ་ཞུགས་ལ་སྙིང་པོ་འདི་ལན་འབུམ་བཟླས་བརྗོད་བགྱིའོ། །ཐ་མར་ཟླ་བ་ཉལ་ཤེལ་ལམ་མར་སར་ལས་ཟླ་བ་བགྱིས་ལ་པདྨའི་འདབ་མའི་ཕྲག་ཏུ་སྩོལ་ཏེ་མཚན་ཐོག་
D496.087.0061b02.01ཐག་བཟླས་བརྗོད་བགྱིས་ན་ནམ་ཕྱེད་དམ་ཉི་མ་འཆར་བའི་ཚེ་འོད་ཟེར་འབྱུང་སྟེ་བྱུང་ནས་ཀྱང་སྒྲུབ་པ་པོའི་ཁར་འཇུག་གོ། །དེ་ནས་འཁོར་ལོ་བཞིན་དུ་འཁོར་འཁོར་ནས་ཀུན་ནས་འཁོད་པར་གྱུར་ཏེ་འདུག་གོ། །དེ་ནས་གྲུབ་པར་འགྱུར་ཏེ་གདུང་བ་མ་མཆིས་པ་དང་ནམ་མཁའ་ལ་མཆི་བར་འགྱུར་ཏེ། བདག་
D496.087.0061b03.01གི་གཞལ་མེད་ཁང་དུ་བསྐལ་པར་གནས་ཤིང་ལྷའི་བདེ་བ་དང་ལྡན་པར་གནས་པར་འགྱུར་རོ། །དཔལ་ཡང་མཆིས་པར་འགྱུར་ཏེ་རྒྱལ་སྲིད་ལ་སོགས་པ་གང་འདོད་པ་སྩོལ་ཏོ། །དེ་ནས་ཉི་མ་ལ་སོགས་པ་གཟའ་ཐམས་ཅད་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་
D496.087.0061b04.01ལྡན་འདས་བདག་ཅག་གི་སྙིང་པོ་གཟི་བརྗིད་དང་སྟོབས་ཐམས་ཅད་པ་ཞེས་བགྱི་བ་མཆིས་ཏེ། སྒྲུབ་པ་པོ་རྣམས་ལ་ཕན་པ་དང་བདེ་བ་དང་ཚེ་རིང་བ་དང་ནད་མེད་པར་བགྱི་བའི་སླད་དུ་དེ་དཀྱིལ་འཁོར་ཆེན་པོ་འདིར་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་སིདྡྷ་བེདྱོ་ད་ན་སྭཱ་ཧཱ།
D496.087.0061b05.01བཅོམ་ལྡན་འདས་སྒྲུབ་པ་པོ་གང་ལ་ལས་སྙིང་པོ་འདི་བཟླས་བརྗོད་བགྱིས་ན་དེ་ལ་ནད་ཐམས་ཅད་མི་འབྱུང་ངོ་། །རྟག་ཏུ་བཟླས་བརྗོད་བགྱིས་ན་གཟི་བརྗིད་ཅན་དུ་འགྱུར་རོ། །ཅི་སྟེ་བསྒྲུབ་པར་འཚལ་ན་དེས་འབབ་ཆུའི་འགྲམ་གྱི་བྱེ་མ་ལ་མར་མེ་ཁ་ལྔ་བུས་ལ་སྙིང་པོ་འདི་ལན་འབུམ་བཟླས་བརྗོད་བགྱིའོ།།
D496.087.0061b06.01དེ་ནས་མེར་སྦྱིན་སྲེག་བགྱིས་ལ་ཉི་མ་ནུབ་ཀྱི་བར་དུ་བཟླས་བརྗོད་བགྱིའོ། །དེ་ནས་ཉི་མ་གང་ཡང་རུང་བ་ཞིག་མཆི་བར་འགྱུར་ཏེ། དེ་ལ་མཆོད་ཡོན་ལ་སོགས་པ་འཚལ་ལ་གང་འདོད་པ་དེ་བླངས་ལ་དེ་བཞིན་དུ་གྱུར་ཅིག་ཅེས་སྨྲས་ནས་མཆི་བར་འགྱུར་ཏེ་གང་འདོད་པ་དེ་བགྱིད་དོ། །གཞལ་མེད་ཁང་
D496.087.0061b07.01