完整藏文原文 · 德格版页 当前仅加载第 87 函德格 127b 版页；藏文 NFD、目录标记与异常页序保留在来源切片中，重复版页行以稳定序号区分。
མི་འདུག་ན། །མེ་ཏོག་ཐལ་མོ་མཆོད་ཡོན་གྱིས། །སངས་རྒྱས་ལ་སོགས་རབ་བསྐུལ་ལ། །དེ་ལ་ཆད་པས་གཅད་པར་བྱ། །དྲག་པོ་ཤིན་ཏུ་སྡང་སེམས་ཅན། །བཀའ་ལུང་ལས་ནི་འགལ་བྱེད་ཅིང་། །སྲོག་ཀྱང་ཤིན་ཏུ་འཕྲོག་བྱེད་ལ། །སངས་རྒྱས་རྣམས་ཀྱང་མི་གཡོལ་བ། །
D496.087.0127b01.01དེ་ལ་ཕན་པར་ཤེས་ནས་སུ། །བསྐལ་པ་བྱེ་བ་དུ་མར་ནི། །སེམས་དམྱལ་རྣམས་སུ་སྐྱེ་བ་ཡི། །སྡུག་བསྔལ་མང་པོ་འདིར་འགྱུར་ཞེས། །ཇི་ལྟར་སྨན་པས་སེམས་ཅན་གྱི། །ནད་རྣམས་གསོ་བར་བྱེད་པ་བཞིན། །གཟིར་བས་བདག་ལ་ཉེས་པ་མེད། །མཁས་པས་རྣམ་པར་སྤངས་མ་
D496.087.0127b02.01ཡིན། །དེ་ལྟར་སེམས་ནི་མཉམ་བཞག་ཅིང་། །སྙིང་རྗེ་ཡིད་དང་ལྡན་པ་ཡིས། །བྱང་ཆུབ་སེམས་ནི་བརྟན་བྱས་ཏེ། །དེ་ལ་ཆད་པས་བཅད་པ་བརྩམ། །ཇི་ལྟར་སྨན་པ་མཁས་པ་ཡིས། །ཉེས་ཏེ་ཡལ་བར་མི་འདོར་བཞིན། །ཐབས་དང་ཤེས་རབ་མཁས་པ་ཡང་། །མི་
D496.087.0127b03.01བྱེད་མཁས་ནའང་ཉེས་དང་བཅས། །ཇི་ལྟར་སྨན་པ་མི་མཁས་པ། །ཐབས་དང་ཤེས་རབ་བྲལ་བ་ཡིས། །ནད་པ་ཡལ་བར་འདོར་བྱེད་ཅིང་། །གསོ་བའི་ཆོ་ག་མི་བྱེད་པ། །དེ་བཞིན་ཤེས་དང་བྲལ་བ་ཡིས། །གལ་ཏེ་གསོ་བར་བརྩོན་ན་ཡང་། །ཐབས་དང་ཤེས་རབ་བྲལ་བ་
D496.087.0127b04.01ལ། །སངས་རྒྱས་རྣམས་ནི་བསྔགས་མི་མཛད། །ནད་པ་ནད་པ་རྣམས་ལ་ནི། །སྨན་པ་ཇི་ལྟར་སྨན་བྱིན་ན། །ཚ་དང་ཁ་དང་བསྐ་བ་ཡང་། །འཇིག་རྟེན་སྨོད་པར་མི་བྱེད་པ། །དེ་བཞིན་འདུལ་བའི་བྱེ་བྲག་གིས། །ཅི་རིགས་པ་ནི་གསོ་བར་བྱ། །སྡང་བའི་སེམས་ཅན་
D496.087.0127b05.01རྣམས་ལ་ནི། །འཕྱས་ཏེ་སངས་རྒྱས་རྣམས་མི་སྨོད། །འདས་པའི་དུས་ན་སྔོན་བྱུང་བ། །ཤིན་ཏུ་རྨད་བྱུང་རྒྱལ་བ་བྱུང་། །དེ་བཞིན་གཤེགས་པའི་གསུང་རབ་ལས། །འགྲོ་བའི་ཆོས་ནི་འདི་འདྲ་སྟེ། །ཤིན་ཏུ་སྡང་སེམས་དྲག་པོ་ཡི། །སེམས་ཅན་ཐམས་ཅད་དེ་ཚེ་
D496.087.0127b06.01བྱུང་། །ཤིན་ཏུ་དྲག་པོ་མཐོང་ནས་ནི། །འཇམ་པོ་ཉིད་དུ་མི་སྦྱོར་རོ། །ཤེས་རབ་ཐབས་ཀྱི་སྙིང་སྟོབས་ཅན། །རྡོ་རྗེ་སེམས་དཔའ་དེ་བཞིན་གཤེགས། །སྙིང་རྗེའི་སྙིང་སྟོབས་ཁྲོས་གྱུར་པ། །སེམས་ཅན་རྣམས་ལ་ཕན་བྱེད་པས། །དེ་ནས་ཕ་རོལ་གནོན་པ་ཡིས། །སེམས་
D496.087.0127b07.01