完整藏文原文 · 德格版页 当前仅加载第 87 函德格 40b 版页；藏文 NFD、目录标记与异常页序保留在来源切片中，重复版页行以稳定序号区分。
ནུབ་ཕྱོགས་ངོས་ཀྱི་ཐིག་གདབ་བོ། །དེ་བཞིན་རླུང་གི་ཕྱོགས་སྤངས་ཏེ། །བདེན་བྲལ་ཕྱོགས་སུ་འདུག་བྱས་ནས། །དེ་ནས་ཤར་ཕྱོགས་མངོན་བལྟས་ཏེ། །སྔགས་པས་གསང་སྔགས་རྗེས་དྲན་ཞིང་། །མེ་ཡི་ཕྱོགས་ཀྱི་བར་དུ་ནི། །ལྷོ་ཕྱོགས་ངོས་ཀྱི་ཐིག་གདབ་བོ། །
D496.087.0040b01.01ཆོ་ག་འདི་བཞིན་ཐམས་ཅད་ཀྱང་། །གྲུ་བཞི་ལྷམ་པར་རབ་ཏུ་བྱ། །མཁས་པས་ཐོག་མ་ཉིད་དུ་ནི། །ནང་རིམ་ཆ་བརྒྱད་བྱས་ནས་སུ། །འཁོར་ལོའི་དཀྱིལ་འཁོར་ཚུལ་བཞིན་དུ། །མཁས་པས་རིམ་པ་གཉིས་པ་བྱ། །དབུས་ཀྱི་པདྨ་མདོར་བརྗོད་ན། །འདབ་བརྒྱད་
D496.087.0040b02.01ཟེ་བར་བཅས་པ་སྟེ། །འདབ་མའི་བར་བར་ཐམས་ཅད་དུ། །རྡོ་རྗེ་དག་ནི་བྲི་བར་བྱ། །དེ་དག་ལ་ཡང་སྙིང་པོ་བྲི། །རང་གི་སྙིང་པོས་བསྐུལ་ནས་ནི། །ཕྱོགས་སྐྱོང་བརྒྱད་པོ་དེ་དག་ཀྱང་། །ཅི་བཞིན་གནས་སུ་རྣམ་པར་དགོད། །དེ་ལ་ནང་རོལ་གྲྭ་རྣམས་སུ། །འཇིག་
D496.087.0040b03.01རྟེན་སྐྱོང་བ་རྣམ་པར་དགོད། །བགེགས་ཀུན་ཞི་བར་བྱ་བའི་ཕྱིར། །སྒོར་ནི་བདུད་རྩི་ཐབ་སྦྱོར་གཞག །དཀྱིལ་འཁོར་ལྷ་ལ་ཅི་ལྟ་བར། །དེར་ཡང་མཆོད་པ་རབ་ཏུ་བྱ། །རས་དང་བླ་རེ་དྲིལ་བུ་དང་། །གདུགས་དང་མེ་ཏོག་རྣམས་ཀྱང་དབུལ། །མུ་ཏིག་ཕྲེང་སོགས་མེ་
D496.087.0040b04.01ཏོག་ཕྲེང་། །ཅི་ནུས་ཅི་འབྱོར་དབུལ་བར་བྱ། །དེ་ལ་དབུས་སུ་ནི་ཕྱོགས་བཅུ་རྒྱས་པར་འགེངས་པའི་རྡོ་རྗེའི་གཟུགས་བརྙན་བྲིའོ། །རིན་པོ་ཆེ་སྣ་བཞིའི་བུམ་པ་རིན་པོ་ཆེ་དང་། སྨན་ཐམས་ཅད་ཀྱིས་བཀང་བ། རིན་པོ་ཆེ་མེ་ཏོག་དང་། མེ་ཏོག་ཀུན་དུ་རྒྱས་པ་དང་། འོད་དཔག་མེད་
D496.087.0040b05.01དང་། །མི་འཁྲུགས་པ་དང་། ཀུན་དུ་བཟང་པོ་དང་། སྒྲིབ་པ་ཐམས་ཅད་རྣམ་པར་སེལ་བ་དང་། བྱམས་པ་དང་། སའི་སྙིང་པོས་བྱིན་གྱིས་བརླབས་པ་དག་གིས་སྤྱི་བོར་དབང་བསྐུར་རོ། །སྔགས་པ་པདྨ་དམ་པ་དེར། །རབ་ཏུ་བཞག་ནས་བདག་ཉིད་ཀྱིས། །མེ་ཏོག་སྤོས་ཀྱིས་
D496.087.0040b06.01མཆོད་བྱས་ལ། །མར་མེ་མཆོད་ཡོན་དབུལ་བར་བྱ། །གདུགས་དང་རྒྱལ་མཚན་བ་དན་དང་། །སིལ་སྙན་སྒྲ་རྣམས་ཕྱུང་བ་དང་། །རོལ་མོའི་སྒྲ་སིལ་སྙན་མང་གིས། །ཡང་དག་མངོན་དུ་དགའ་བྱས་ལ། །སྐྱོབ་པ་ཀུན་གྱི་མངོན་སུམ་དུ། །བསྒྲིམས་ཏེ་དེ་ནི་དབང་བསྐུར་རོ། །
D496.087.0040b07.01