完整藏文原文 · 德格版页 当前仅加载第 87 函德格 108a 版页；藏文 NFD、目录标记与异常页序保留在来源切片中，重复版页行以稳定序号区分。
མཐེ་བོ་གཉིས་ནང་དུ་བཀུག་ལ་སྲིན་ལག་བསྒྲེང་སྟེ། ཚིགས་གསུམ་པ་བཀུག་པ་དགུག་པ་ནི་གཞོན་ནུ་ལག་བཟང་གི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་གཉིས་གཤིབས་ལ་ཚིགས་གསུམ་པ་བཀུག་པ་ནི་གཞོན་ནུ་རྡོ་རྗེ་སྡེའི་ཕྱག་རྒྱའོ། །ཕྱག་རྒྱ་འདི་ཉིད་ལས་
D496.087.0108a01.01གུང་མོ་གཉིས་གཤིབས་ཏེ་བསྒྲེང་ལ་ལྷག་མ་སྔ་མ་བཞིན་དུ་གཞག་པ་ནི་གཞོན་ནུ་རྡོ་རྗེ་སྤྱི་གཙུག་གི་ཕྱག་རྒྱའོ། །ཕྱག་རྒྱ་འདི་ཉིད་ལས་མཛུབ་མོ་གཡོན་པ་ནང་དུ་བཀུག་པ་ནི་གཞོན་ནུ་རྡོ་རྗེ་དབུ་རྒྱན་རྩེ་བྲན་གྱི་ཕྱག་རྒྱའོ། །དེ་བཞིན་དུ་ལག་པ་གཉིས་ཐལ་མོ་བཀན་ལ་སྲིན་ལག་གཉིས་དང་མཐེ་བོ་གཉིས་
D496.087.0108a02.01བསྒྲེང་གུང་མོ་གཉིས་དབུས་སུ་རྩེ་མོ་དགུག་པ་ནི་ནད་ཀུ་བེ་རའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེའུ་ཆུང་གཉིས་ནང་དུ་བཀུག་ལ་སྲིན་ལག་གཉིས་ཐད་ཀར་བརྐྱང་བ་ནི་ཁྲོ་བོ་ཟླ་བའི་ཐིག་ལེའི་ཕྱག་རྒྱའོ། །ལག་པ་གཡས་པ་ཁུ་ཚུར་བཅངས་ལ་སྨིན་མཚམས་སུ་བཞག་སྟེ། མཛུབ་མོ་དང་
D496.087.0108a03.01གུང་མོ་མིག་གི་ཚུལ་དུ་དཔྲལ་བར་སྦྱར་བ་ནི་རྡོ་རྗེ་འཇིགས་འཇིགས་ལྟའི་ཕྱག་རྒྱའོ། །དེ་བཞིན་དུ་ལག་པ་གཉིས་སྙིམ་པ་སྦྱར་ལ་མཛུབ་མོ་གཉིས་ཀྱིས་གུང་མོ་གཉིས་གཤིབས་པ་ལ་འཁྱུད་པ་ནི་ཀུན་དུ་བཟང་པོ་ལ་སོགས་པ་ཡིད་བཞིན་གྱི་ནོར་བུའི་ཕྱག་རྒྱའོ། །ལག་པ་གཉིས་གདུ་བུའི་
D496.087.0108a04.01ཚུལ་དུ་ཁུ་ཚུར་བཅངས་ལ་མཛུབ་མོ་གཉིས་བརྐྱང་སྟེ་ཡིད་ཙམ་བཀུག་པ་ནི་སྟོབས་པོ་ཆེ་བེ་ཅོན་གྱི་ཕྱག་རྒྱའོ། །དེ་ཉིད་ལས་མཛུབ་མོ་གཉིས་རྩེ་སྤྲད་དེ་ཟླུམ་པོར་བྱས་པ་ནི་རྡོ་རྗེ་ཞགས་པའི་ཕྱག་རྒྱའོ། །མཛུབ་མོ་དེ་ཉིད་བསྣོལ་ཏེ་སྦྱར་བ་ནི་རྡོ་རྗེ་གདུ་བུའི་ཕྱག་རྒྱའོ། །དེ་ཉིད་ལས་མཛུབ་མོ་
D496.087.0108a05.01གཡོན་པ་ཡིད་ཙམ་དགུག་པ་ནི་རྡོ་རྗེ་ཡུ་བའི་ཕྱག་རྒྱའོ། །དེ་བཞིན་དུ་ལག་པ་གཉིས་སྙིམ་པར་སྦྱར་ཏེ་མཛུབ་མོ་གཉིས་ལག་མཐིལ་དུ་བཀུག་ལ་གུང་མོ་གཉིས་ཚིགས་གསུམ་པ་བཀུག་སྟེ་ཐུར་དུ་བསྟན་པ་ནི་རྡོ་རྗེ་ཧཱུཾ་ཞེས་བྱ་བའི་ཕྱག་རྒྱའོ། །དེ་བཞིན་དུ་ལག་པ་གཉིས་སྙིམ་པར་སྦྱར་
D496.087.0108a06.01བ་ལ་སྲིན་ལག་གཉིས་དང་མཐེའུ་ཆུང་གཉིས་ནང་དུ་བཀུག་སྟེ། མཛུབ་མོ་གཉིས་མཐེ་བོ་གཉིས་ལ་འཁྱུད་པ་ནི་རྡོ་རྗེ་གཙུག་ཏོར་གྱི་ཕྱག་རྒྱའོ། །ལག་པ་གཡས་པའི་སོར་མོ་ཐམས་ཅད་བསྡུས་ལ་གུང་མོ་ཡིད་ཙམ་བརྐྱང་བ་ནི་རྡོ་རྗེ་གཙུག་ཏོར་ཐམས་ཅད་ཀྱི་ཕྱག་རྒྱའོ། །ཕྱག་རྒྱ་
D496.087.0108a07.01