完整藏文原文 · 德格版页 当前仅加载第 87 函德格 147b 版页；藏文 NFD、目录标记与异常页序保留在来源切片中，重复版页行以稳定序号区分。
གི་ལག་ན་འཆང་བའམ་གང་གི་ཕྱིར་འདྲི་བའམ། གང་ཞིག་ཉིན་གཅིག་བཞིན་དུ་ནང་པར་ལངས་ནས་ལན་རེ་ཀློག་པ་དེ་ལ་འཇིགས་པ་རྣམས་མི་འབྱུང་ངོ་། །དེ་བཞིན་གཤེགས་པ་ཐམས་ཅད་ཀྱང་དེ་ལ་ཉིན་གཅིག་བཞིན་དུ་གཟིགས་པར་འགྱུར་རོ། །འཆི་ཀར་ཡང་དེ་ལ་དེ་བཞིན་གཤེགས་པ་
D496.087.0147b01.01ཐམས་ཅད་སྐུ་སྟོན་པར་མཛད་དོ། །འཇམ་དཔལ་ལྟོས་དང་ས་ལ་གནས་པའི་ཤིང་དང་ནགས་ཚལ་ཐམས་ཅད་ནི་ས་མེད་ན་དེ་དག་ཀྱང་མེད་དོ། །འཇམ་དཔལ་དེ་བཞིན་དུ་དེ་བཞིན་གཤེགས་པ་ཐམས་ཅད་དང་བྱང་ཆུབ་སེམས་དཔའ་ཆེན་པོ་སེམས་ལ་དབང་ཐོབ་པ་རྣམས་ཀྱང་གཟུངས་
D496.087.0147b02.01སྔགས་འདི་དག་ལ་གནས་ཏེ། འདི་དག་གིས་བྱིན་གྱིས་བརླབས་པས་ཐམས་ཅད་མཁྱེན་པ་ཉིད་ཀྱི་གོ་འཕང་རྙེད་དོ། །བདུད་ལས་རྣམ་པར་རྒྱལ་བར་བྱེད་དོ། །ཆོས་ཀྱི་འཁོར་ལོ་སྐོར་བར་བྱེད་དོ། །བྱང་ཆུབ་ཏུ་མངོན་པར་རྫོགས་པར་འཚང་རྒྱའོ། །དེ་ནས་སེམས་ཅན་གྱི་དོན་རྣམ་པ་སྣ་
D496.087.0147b03.01ཚོགས་ཀྱང་བྱེད་དེ། འདི་དག་ཐམས་ཅད་གཟུངས་སྔགས་འདི་དག་གི་མཐུ་ཡིན་ནོ། །འཇམ་དཔལ་དེ་ལྟ་བས་ན་ཁྱོད་ཀྱིས་ཀྱང་ཆོངས་ཤིག །ལྷོགས་ཤིག །ཡིད་ལ་བྱོས་ཤིག །གཞན་དག་ལ་རྒྱ་ཆེར་ཡང་དག་པར་སྟོན་ཅིག་དང་། དེས་སེམས་ཅན་ཐམས་ཅད་ལ་ཕན་པ་དང་བདེ་
D496.087.0147b04.01བར་འགྱུར་རོ། །འཇམ་དཔལ་ས་ཕྱོགས་གང་ན་ཡེ་ཤེས་ཆེན་པོར་དབང་བསྐུར་བའི་གཟུངས་སྔགས་ཆེན་པོའི་དཀྱིལ་འཁོར་འདི་བྱེད་པའི་ས་ཕྱོགས་དེ་མཆོད་རྟེན་ལྟ་བུར་འགྱུར་རོ། །གང་གི་ལག་ན་འཆང་བའི་སྔགས་པ་དེ་ལ་ཡང་སྟོན་པའི་འདུ་ཤེས་བསྐྱེད་པར་བྱའོ། །འཇམ་དཔལ་སྔགས་
D496.087.0147b05.01པ་དེ་ལ་ནཾ་དེ་བཞིན་གཤེགས་པ་ཐམས་ཅད་རྟག་ཏུ་བྱིན་གྱིས་རློབ་པར་འགྱུར་རོ། །སྔགས་པ་དེས་ཀྱང་གཟུངས་སྔགས་ཆེན་པོའི་དཀྱིལ་འཁོར་འདི་རིན་པོ་ཆེའི་ཟ་མ་ཏོག་བཞིན་དུ་རྟག་ཏུ་བསྲུང་བར་བགྱིའོ། །དེ་ཅིའི་ཕྱིར་ཞེ་ན། འཇམ་དཔལ་སེམས་ཅན་གང་སངས་རྒྱས་དང་བྱང་ཆུབ་སེམས་
D496.087.0147b06.01དཔའ་རྣམས་ལ་གུས་པ་མེད་པའི་རང་བཞིན་ཅན་དང་སློབ་དཔོན་གྱི་སྐྱོན་འདྲུ་བ་དག་ཡོད་པའི་ཕྱིར་ཏེ། འཇམ་དཔལ་དེ་དག་ལ་ནི་ཆུང་ངུ་ན་གཏམ་དུ་ཡང་བཟླས་པར་མི་བྱ། གླེགས་བམ་ཡང་བསྟན་པར་མི་བྱ་ན། ནན་གྱིས་དཀྱིལ་འཁོར་དུ་ཡང་དབང་བསྐུར་བ་དང་ཀློག་ཏུ་གཞུག་པ་དང་བལྟར་
D496.087.0147b07.01