完整藏文原文 · 德格版页 当前仅加载第 87 函德格 30b 版页；藏文 NFD、目录标记与异常页序保留在来源切片中，重复版页行以稳定序号区分。
དམའོ། །མཐའ་མཐོ་ན་དབུས་དམའོ། །སྣང་བ་ཆེན་པོ་ཡང་འཇིག་རྟེན་དུ་བྱུང་བར་གྱུར་ཏོ། །གང་དག་འཇིག་རྟེན་གྱི་བར་མུན་པ་མུན་ནག་སྨག་ཏུ་གྱུར་པ་ན་འཁོད་པ་དེ་དག་ཀྱང་འོད་དེས་སྣང་བར་བྱས་ནས་སེམས་ཅན་གང་དག་དེར་སྐྱེས་པ་དེ་དག་ཕན་ཚུན་བལྟ་ཞིང་གཅིག་གིས་
D496.087.0030b01.01གཅིག་མཐོང་ནས་སེམས་ཅན་གཞན་དག་གཅིག་འདིར་སྐྱེས་པ་བལྟ་སེམས་ཅན་གཞན་དག་གཅིག་འདིར་སྐྱེས་པ་བལྟའོ་སྙམ་མོ། །དེ་དག་གིས་བལྟས་པ་དང་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་རྡོ་རྗེའི་ཡི་གེའི་སྙིང་པོའི་གཟུངས་ཀྱི་ཆོས་སྟོན་ཏོ། །དེ་དག་གིས་ཆོས་
D496.087.0030b02.01དེ་ཐོས་ནས་དད་པ་རྙེད་དེ་ཤི་འཕོས་ནས་ལྷའི་ནང་དུ་སྐྱེས་ཏེ་ཤིང་སཱ་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་ག་ལ་བ་དེར་ལག་ན་རྡོ་རྗེ་དབང་བསྐུར་བ་ཆེན་པོས་དབང་བསྐུར་བའི་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་ལ་བལྟ་བ་དང་ཕྱག་བྱ་བ་དང་མཆོད་པ་
D496.087.0030b03.01བྱ་བའི་ཕྱིར་དོང་ངོ་། །ཚ་བའི་སེམས་ཅན་དམྱལ་བ་གང་ཡིན་པ་དེ་དག་ཀྱང་སྐད་ཅིག་དེ་དང་ཡུད་ཙམ་དེ་དང་ཐང་ཅིག་དེ་ལ་ཆད་པར་གྱུར་ཏོ། །དེའི་ཚེ་དུད་འགྲོའི་སྐྱེ་གནས་ཀྱི་མིང་ཡང་མི་གྲག་པར་གྱུར་ཏོ། །{ཡི་དགས་,ཡི་དྭགས་}ཀྱི་གནས་ཐམས་ཅད་ཀྱང་རིན་པོ་ཆེ་སྣ་བདུན་གྱི་ར་བས་ཀུན་དུ་
D496.087.0030b04.01བསྐོར་བ་དང་། ལྷའི་ཟས་དང་། སྐོམ་དང་། ཡོ་བྱད་ཡོངས་སུ་རྫོགས་པ་དང་ལྷའི་ལུས་དང་ལྡན་པར་གྱུར་ཏོ། །ཤིང་སཱ་ལ་སྣ་ཚོགས་ཀྱི་རྒྱལ་མཚན་བཀོད་པའི་ནགས་ཚལ་སྟུག་པོ་འདི་ཐམས་ཅད་ཀྱང་སྣང་བ་ཆེན་པོས་སྣང་བར་གྱུར་ཏོ། །ལྷའི་བུ་ཉི་མ་དང་ཟླ་བ་རྫུ་འཕྲུལ་ཆེ་བ་མཐུ་ཆེ་བ་
D496.087.0030b05.01གཉིས་ཀྱང་ལྷན་ནེ་མ་ཡིན་ལྷང་ངེར་མ་ཡིན་ཏེ་དེ་བཞིན་གཤེགས་པའི་འོད་དང་ས་བཅུ་ཐོབ་པའི་བྱང་ཆུབ་སེམས་དཔའི་འོད་མ་གཏོགས་པར་འོད་གཞན་ཐམས་ཅད་མོག་མོག་པོར་གྱུར་ཏོ། །བྱང་ཆུབ་སེམས་དཔའ་ལག་ན་རྡོ་རྗེས་ཏིང་ངེ་འཛིན་འདི་ཉིད་ལ་སྙོམས་
D496.087.0030b06.01པར་གཞག་མ་ཐག་ཏུ་དེའི་ཚེ་སྒུའི་བུ་ག་ཐམས་ཅད་ནས་ཁྲོ་བོའི་རྒྱལ་པོ་དག་བྱུང་ནས་ཧཱུྃ་ཞེས་བྱ་བའི་སྒྲ་ཆེན་པོ་ནི་བསྒྲགས། ལག་ན་རྡོ་རྗེ་ནི་ཐོགས། གདོང་གི་དཔྲལ་བའི་ཁྲོ་གཉེར་ནི་བསྙེར། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་དབྱངས་གཅིག་གིས་གོ་
D496.087.0030b07.01