完整藏文原文 · 德格版页 当前仅加载第 87 函德格 44a 版页；藏文 NFD、目录标记与异常页序保留在来源切片中，重复版页行以稳定序号区分。
བྲལ་བ་དེ་མེད་པར་མ་གྱུར་ན་དེའི་ཚེ་གང་བསམས་པ་དེ་ཐམས་ཅད་འབྱུང་ངོ་། །འཇམ་དཔལ་དེ་བཞིན་དུ་སྔགས་ཀྱི་ཚུལ་ཡང་ཁོང་དུ་ཆུད་པར་བྱའོ། །འཇམ་དཔལ་གང་གི་ཚེ་རང་གི་གཟུགས་ཡོངས་སུ་སྤངས་ཏེ། ལྷའི་ང་རྒྱལ་ལ་ཐེ་ཙོམ་མེད་པ་ཐོབ་པ་དེའི་ཚེ་གསང་སྔགས་
D496.087.0044a01.01ཀྱི་ཆོས་ཉིད་དེས་ཆོས་ཉིད་སྟོན་ཏེ། དེའི་ཚེ་དེས་ཚིག་གིས་དེའི་རྣམ་པ་སྟོན་པ་ན་བྱ་བ་ནུས་པར་འགྱུར་རོ། །འཇམ་དཔལ་བརྟེན་པའི་ཆོས་ཉིད་ཅི་ལྟར་ལས་བྱེད་ནུས་པར་གྱུར་པ་ལ་ལྟོས། འཇམ་དཔལ་འདི་ལྟ་སྟེ་དཔེར་ན་རྒྱལ་བརྟེན་ནས་རྒྱའི་འབུར་འབྱུང་བར་འགྱུར་ཏེ། རྫས་མེད་ན་ཡང་རྒྱའི་
D496.087.0044a02.01འབུར་མི་འབྱུང་ལ་ཡོད་ཀྱང་བྱ་བ་དང་ལས་དང་བྲལ་ན་རྒྱའི་འབུར་མི་འབྱུང་སྟེ། འཇམ་དཔལ་གཉིས་ཀ་ཡང་ཕན་ཚུན་དུ་ལྟོས་པ་དང་བཅས་པའི་ཕྱིར་རོ། །མིས་རྩོལ་བ་བྱས་པ་དེ་ལས་ཅི་འདིར་རྫས་འབྱུང་བའམ། འོན་ཏེ་ལས་ཀྱི་བྱ་བ་དེ་འབྱུང་ངམ་གང་ཡིན་ཏེ། སྔ་ཕྱི་འགལ་བའི་ཕྱིར་བརྟེན་
D496.087.0044a03.01ནས་གསང་སྔགས་སམ། ཕྱག་རྒྱ་འབྱུང་བ་ཙམ་ལ་མ་གཏོགས་པར་འབྱུང་བ་མེད་དོ། །འཇམ་དཔལ་སེམས་ཅན་རྣམས་ཀྱི་ཉོན་མོངས་པ་ཅི་སྙེད་པར་བྱང་ཆུབ་སེམས་དཔའ་གཞན་གྱིས་མི་ཐུབ་པའི་སྦྱོར་བ་ཡང་དེ་སྙེད་དུ་བལྟའོ། །འདི་ལ་རྒྱལ་བར་བྱེད་ནུས་པ་སུ་ཡིན་ཞེ་ན། ཕྱག་རྒྱ་དང་།
D496.087.0044a04.01གསང་སྔགས་དང་ལྡན་པའི་ཆོས་ཀྱི་དབྱིངས་ཀྱིས་རྒྱལ་བར་བྱེད་དོ། །འཇམ་དཔལ་ཆོས་ཀྱི་དབྱིངས་ཉིད་ལ་རྣམ་པ་མང་པོར་བརྟགས་པའི་ཕྱིར་ཏེ། དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་འདི་ནི་གསང་སྔགས་སོ། །འདི་ནི་ཕྱག་རྒྱའོ། །འདི་ནི་ལྷའོ་ཞེས་
D496.087.0044a05.01རྣམ་པར་གཞག་པར་མཛད་དོ། །ཆོས་ཀྱི་དབྱིངས་དེ་ནི་གཟུགས་ཅན་མ་ཡིན་པ་བསྟན་དུ་མེད་པ། གཟུང་བ་མ་ཡིན་པ། དཀྲུག་པ་མ་ཡིན་པ་སྟེ། དེ་བཞིན་གཤེགས་པས་རྟེན་ཅིང་འབྲེལ་བར་འབྱུང་བར་རྣམ་པར་གཞག་པས་རྣམ་པར་བཞག་གོ། །རྟེན་ཅིང་འབྲེལ་བར་འབྱུང་བའི་
D496.087.0044a06.01ཕྱིར་བྱ་བ་ཐམས་ཅད་བྱེད་དོ། །འཇམ་དཔལ་གཞན་ཡང་ཅི་ལྟར་གཞན་གྱིས་ལས་བྱས་པ་ལ་ཅི་ལྟར་གཞན་སྤྱོད་ཅེས་གང་སྨྲ་བ་དེ་ནི། འཇམ་དཔལ་འདི་ལྟ་སྟེ་དཔེར་ན་ལྷའི་བུ་དབང་ཕྱུག་རང་གི་སེམས་ལ་དབང་ཐོབ་པ་དེ་འདོད་པ་བཞིན་དུ་ལོངས་སྤྱོད་སྣ་ཚོགས་ལ་ཡོངས་སུ་སྤྱོད་པར་བྱེད་
D496.087.0044a07.01