完整藏文原文 · 德格版页 当前仅加载第 87 函德格 58b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱི་དོན་ཐམས་ཅད་གྲུབ་པ་མཆོག་འབུལ་ལོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཀུ་རུ་ཙུ་རུ་མུ་རུ་ཛཾ་བྷ་ཛ་ལོད་བྷ་བ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་བདག་གི་སྙིང་པོ་འདི་རྟག་ཏུ་བཟླས་བརྗོད་བགྱིད་པ་དེ་ལ་ཅི་འཚལ་བ་དེ་བསྒྲུབ་པར་བགྱིའོ། །ཅི་སྟེ་བསྒྲུབ་པར་འཚལ་ན་
D496.087.0058b01.01ཉི་མ་འགྱུར་བའི་ཚེ་རིའི་རྩེ་མོར་མཆིས་ལ་ལན་ས་ཡ་བཟླས་བརྗོད་བགྱིས་ན་རྒྱལ་སྲིད་དམ་གཏེར་ཆེན་པོ་སྩོལ་ཏོ། །གི་ཝང་ལ་ལན་ཅིག་བསྔགས་ཏེ་མིག་བསྐུས་ན་གང་ལ་བལྟས་བ་དེ་དབང་དུ་འགྱུར་རོ། །མཚན་མོ་གདོང་ལ་བསྔགས་ཏེ་བསམས་ནས་ཉལ་ན་ཅི་བསམས་པ་དེ་རྨི་ལམ་དུ་མཐོང་ངོ་། །
D496.087.0058b02.01གོས་འདོད་ན་མེ་ཏོག་ཁ་དོག་ཅི་འདྲ་བ་ཆུར་བོར་བ་ཁ་དོག་དེ་འདྲ་བའི་གོས་དེ་དག་རྙེད་པར་འགྱུར་རོ། །ཕྱུགས་ཆུང་འདོད་ན་ཞག་བདུན་གསུམ་དུ་ཉི་མའི་གཟུགས་བརྙན་ལ་སྔགས་ལན་ཅིག་བཏབ་པའི་མེ་ཏོག་ཕོག་པར་བོར་ན་རྙེད་པར་འགྱུར་རོ། །རྟག་ཏུ་བཟླས་བརྗོད་བྱས་ན་དཔལ་ཆེ་བར་འགྱུར་རོ། །
D496.087.0058b03.01དེ་ནས་ལག་བརྒྱད་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་འདི་ལྟ་སྟེ། འདོད་པ་ཐམས་ཅད་ཡོངས་སུ་བསྐང་བའི་སླད་དུ་བདག་ཀྱང་དཀྱིལ་འཁོར་ཆེན་པོ་མང་པོ་འདིར་རང་གི་སྙིང་པོ་དབུལ་བར་བགྱིའོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་
D496.087.0058b04.01བྷྱཿ སརྦ་ཐཱ་ཙ་ཀྲ་དྭ་དྭ་བཱ་ཧུ་རཱ་ཛ་སྭཱ་ཧཱ། བཅོམ་ལྡན་འདས་གང་ལ་ལ་ཞིག་བདག་གི་སྙིང་པོ་འདི་བསྒྲུབ་པར་བགྱིད་པ་དེས་བསྲུང་བར་བགྱིས་ལ་སྐྱེད་མོས་ཚལ་གྱི་ཕྱོགས་གཙང་མར་ཤིང་མྱ་ངན་འཚང་གི་འོག་ཏུ་ལན་སུམ་འབུམ་བཟླས་བརྗོད་བགྱིའོ། །ཐ་མར་གཞོན་ནུ་ལ་ཅི་འབྱོར་བས་མཆོད་དེ་
D496.087.0058b05.01མཚན་ཐོག་ཐག་ཨ་ཀ་རུའི་བདུག་པ་བསྲེགས་ལ་བཟླས་བརྗོད་བགྱིས་ན་ནམ་ཕྱེད་དམ་ནང་པར་དེ་ལ་བདག་བསྟན་པར་བགྱིའོ། །དམ་པ་གང་འཚལ་བ་སྩོལ་ཏེ། ཟས་མི་ཟ་བར་ལན་འབུམ་བཟླས་བརྗོད་བགྱིས་ན་དེ་ཉིད་དུ་གནོད་སྦྱིན་མོ་མཆིའོ། །གང་འཚལ་བ་དེ་སྩོལ་ཏོ། །ཅི་སྟེ་མི་མཆི་ན་
D496.087.0058b06.01འགུམ་པར་འགྱུར་རོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ལྔས་རྩེན་གྱིས་བཏུད་ནས། བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་ཀྱང་སྒྲུབ་པ་པོ་གསང་སྔགས་བསྒྲུབ་པ་ལ་བརྩོན་པ་རྣམས་ལ་བསྲུང་བ་དང་། བསྐྱབ་པ་དང་། སྦ་བའི་སླད་
D496.087.0058b07.01