完整藏文原文 · 德格版页 当前仅加载第 87 函德格 130b 版页；藏文 NFD、目录标记与异常页序保留在来源切片中，重复版页行以稳定序号区分。
མོ་སྦྱར་ནས་སུ། །ཕྱོགས་རྣམས་ཀུན་དུ་རྒྱས་བྱས་ཏེ། །མི་མཐུན་རྐང་སྟབས་བྱས་ནས་སུ། །བསྣོལ་ཏེ་ཁུ་ཚུར་བཅངས་བྱས་ལ། །མཐེ་བོ་གཉིས་ནི་གཤིབས་ཏེ་བསྒྲེང་། །གུང་མོ་གཉིས་ནི་གཤིབས་བྱས་ལ། །མཛུབ་མོ་དབུ་མའི་ཚིགས་བཀུག་སྟེ། །གུང་མོ་གཉིས་
D496.087.0130b01.01ལ་སྦྱར་བར་བྱ། །རྡོ་རྗེ་ཁ་ནི་བྱས་པས་ན། །སྡང་བ་ཐམས་ཅད་ཞི་བར་འགྱུར། །ཁ་ཡི་ཐད་ཀར་བཞག་ན་ནི། །རྡོ་རྗེ་སྒྲ་ཡང་འབྱུང་བར་འགྱུར། །བདག་ནི་རྡོ་རྗེ་ཆེན་པོ་ཅན། །རྡོ་རྗེ་ཡེ་ཤེས་སྟོབས་དང་ལྡན། །ཧྲི་ཧ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ། །རྡོ་རྗེའི་གོམ་སྟབས་ཚུལ་གྱིས་ནི། །
D496.087.0130b02.01རྡོ་རྗེ་གནོན་པོའི་གོམ་པ་ཡིས། །བཞག་དང་འདེགས་པས་འགྲོ་བྱེད་ཅིང་། །ཕྱོགས་རྣམས་བཞི་པོར་བརྗོད་པར་བྱ། །རྡོ་རྗེ་སྒྲ་འབྱུང་བསྐུལ་བས་ན། །བགེགས་ཆེན་རྣམས་དང་གྲགས་རྣམས་དང་། །རྫུ་འཕྲུལ་ཆེན་པོའི་ལྷ་རྣམས་ཀྱང་། །དེ་ཡི་མདུན་དུ་འགྲོ་བར་བྱེད། །རྡོ་རྗེ་
D496.087.0130b03.01སྒྲ་ཡིས་བདག་ཅག་ཚིག །རྡོ་རྗེ་སྒྲ་ཡིས་བསྐུལ་བས་ན། །བདག་ཅག་རང་གི་གནས་ནས་གཡོས། །རྡོ་རྗེ་དབང་པོ་བཀའ་མྱུར་སྩོལ། །གལ་ཏེ་དཔལ་གྱི་སྒོ་བཞེད་དམ། །རྒྱལ་སྲིད་དངུལ་ཆུ་མིག་བསྐུ་དང་། །ཀུན་ནས་གཏེར་རྣམས་གཟིགས་བཞེད་དམ། །བཀའ་
D496.087.0130b04.01སྩོལ་ཅིག་ཅེས་དེ་སྐད་སྨྲ། །དགའ་བས་བྱིན་ནས་སྒྲུབ་པོ་ལ། །ཕྱག་འཚལ་མཆོད་པ་བྱས་ནས་དོང་། །རྡོ་རྗེའི་ཚུལ་གྱིས་དེ་ནས་ཡང་། །རྡོ་རྗེ་སློབ་དཔོན་མཐུ་ཆེན་གྱིས། །རྡོ་རྗེའི་གར་ནི་རབ་བྱས་ལ། །རྡོ་རྗེ་ཅན་གྱིས་ཕྱག་རྒྱ་བཅིང་། །རྐང་པ་པུས་མོར་བཙུགས་ནས་སུ། །ལག་
D496.087.0130b05.01པ་གཉིས་ནི་ཁུ་ཚུར་བཅང་། །གུང་མོ་གཉིས་ནི་བསྒྲེང་ནས་སུ། །མཛུབ་མོ་གཉིས་ནི་ངོས་ལ་སྦྱར། །གཡས་བརྐྱང་གོམ་སྟབས་བྱས་ནས་སུ། །མྱུར་དུ་རྡོ་རྗེའི་གོམ་སྟབས་ཀྱིས། །འཁྲུལ་འཁོར་ཀུན་ལས་བསྣུན་བྱས་ལ། །སྒོ་རྣམས་ཐམས་ཅད་དབྱེ་བར་བྱ། །ལྷ་མིན་གནོད་
D496.087.0130b06.01སྦྱིན་རྒྱལ་པོ་དང་། །སྲིན་པོ་རྫུ་འཕྲུལ་ཆེ་རྣམས་ཀྱང་། །ཐམས་ཅད་རང་གི་གནས་ནས་གཡོས། །བསྐལ་པ་ཟད་དམ་ཇི་སྙམ་སེམས། །རྡོ་རྗེའི་ཕྱག་རྒྱས་བསྣུན་པས་ན། །སེམས་ནི་བློང་ཞེས་གྱུར་ནས་སུ། །རྡོ་རྗེ་ཡེ་ཤེས་ཆེར་ལྡན་པ། །ག་ལ་བ་དེར་ཉེ་བར་དོང་། །
D496.087.0130b07.01