完整藏文原文 · 德格版页 当前仅加载第 87 函德格 72a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་དག་གི་སྤྱིའི་དངོས་གྲུབ་བསྒྲུབ་པ་ནི་འདི་ཡིན་ཏེ། རིའམ། ནགས་ཚལ་ལམ། ཁང་སྟོང་ངམ། ཕུག་གམ། དུར་ཁྲོད་དམ། ཆུ་ཀླུང་ངམ། དབེན་པ་གང་ཡང་རུང་བ་དེར་གནས་ལ། སློང་མོའི་ཟས་ཟ་ཡང་རུང་། བསླངས་པ་མ་ཡིན་པའི་
D496.087.0072a01.01ཟས་ཟ་ཡང་རུང་། གཙང་མར་བྱས་ཤིང་གོས་གཙང་མ་བགོས་ལ། དུས་གསུམ་དུ་ཁྲུས་བྱས་ཤིང་གོས་ལན་གསུམ་བརྗེས་ཏེ་སྙིང་པོ་གང་ཡང་རུང་བ་ཞིག་ལན་སུམ་འབུམ་བཟླས་བརྗོད་བྱའོ། །དེ་ནས་ལྡོང་རོས་སམ་ལིག་བུ་མིག་གམ། གི་ཝང་ངམ། བའི་རྣམ་ལྔས་
D496.087.0072a02.01བཀྲུས་ཀྱང་རུང་། བ་ལང་གི་ལྕི་བའི་ཕུང་པོའི་སྟེང་དུ་གཞག་ཀྱང་རུང་སྟེ་ཟླ་བ་ཡར་གྱི་ངོ་ཚེས་ནས་བཟུང་སྟེ་ཉའི་བར་དུ་གཞག་གོ། །བདག་གི་ལྷ་དང་བདག་གི་གཟུགས་ཐ་མི་དད་པར་བྱས་ལ་མཚན་མ་བྱུང་གི་བར་དུ་བཟླས་བརྗོད་བྱའོ། །དེ་ལ་མཚན་མ་ནི་འདི་དག་ཡིན་ཏེ་སྔོན་
D496.087.0072a03.01མ་བྱུང་བའི་ཆོས་ཐོས་པར་འགྱུར་བ་དང་། སྣང་བ་མཐོང་བར་འགྱུར་བ་དང་། ཡིད་དུ་འོང་བའི་སྒྲ་ཐོས་པར་འགྱུར་བ་དང་། དེ་བཞིན་གཤེགས་པའི་ཕུན་སུམ་ཚོགས་པ་མྱོང་པ་སྙམ་དུ་ཤེས་པ་དང་། བདག་ཉིད་ལ་ཡིད་ཆེས་པར་འགྱུར་བ་ལ་སོགས་པའི་མཚན་མ་འབྱུང་བར་
D496.087.0072a04.01འགྱུར་རོ། །དེ་ནས་ཟླ་བ་ཉ་ལ་ཅི་འབྱོར་པས་མཆོད་དེ་རྫས་དེ་ལག་པའི་སྙིམ་པར་བཅུག་ལ་མཚན་ཐོག་ཐག་བཟླས་བརྗོད་བྱས་ན་ནམ་ཕྱེད་དམ་ཉི་མ་འཆར་ཀར་རྫས་དེ་འབར་བའམ་དུ་བ་འཐུལ་བའམ་དྲོ་བར་འགྱུར་རོ། །འབར་ན་ནི་ལུས་ལ་བསྐུས་ན་རིག་སྔགས་འཆང་དུ་འགྱུར་ཏེ།
D496.087.0072a05.01ཉི་མ་ཤར་བ་ལྟ་བུའི་མདོག་ཅན་དང་། བསྐལ་པར་གནས་པ་དང་། ཐོགས་པ་མེད་པར་འགྲོ་བ་དང་། འཇིག་རྟེན་གྱི་ཁམས་གཞན་ཐམས་ཅད་དུ་རྒྱུ་བ་དང་འདོད་ན་མཆི་བར་འགྱུར་རོ། །དུ་བ་འཐུལ་ན་སུམ་རིས་བྱས་ན་མི་སྣང་བར་འགྱུར་རོ། །དྲོ་བར་གྱུར་ན་འགྲོ་བ་ཐམས་ཅད་
D496.087.0072a06.01ལ་དབང་བྱེད་པར་འགྱུར་རོ། །མ་གྲུབ་ན་ལས་སུ་རུང་བ་དང་བློན་པོ་ཆེན་པོའི་སྲིད་ཐོབ་པར་འགྱུར་རོ། །ཟླ་བ་གཅིག་སངས་རྒྱས་རྗེས་སུ་དྲན་པར་བགྱིད་ཅིང་སྙིང་པོ་གང་ཡང་རུང་བ་ཞིག་བཅོམ་ལྡན་འདས་ཀྱི་སྤྱན་སྔར་ཅི་འབྱོར་པས་མཆོད་ལ། སངས་རྒྱས་ཀྱི་གཟུགས་ལ་བལྟ་
D496.087.0072a07.01