完整藏文原文 · 德格版页 当前仅加载第 87 函德格 146a 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་ཕྱག་རྒྱ་རལ་གྲི་བྲི་བར་བྱའོ། །ནུབ་ཕྱོགས་སུ་ནི་སའི་སྙིང་པོའི་ཕྱག་རྒྱ་པདྨ་བྲི་བར་བྱའོ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ལག་ན་རྡོ་རྗེ་ལེགས་སོ་ལེགས་སོ། །ལག་ན་རྡོ་རྗེ་ཁྱོད་ཀྱིས་སེམས་
D496.087.0146a01.01ཅན་ཐམས་ཅད་ལ་ཕན་པ་དང་བདེ་བའི་ཕྱིར་ཡེ་ཤེས་ཆེན་པོས་དབང་བསྐུར་བའི་གཟུངས་སྔགས་ཆེན་པོའི་དཀྱིལ་འཁོར་བརྗོད་པ་ཁྱོད་ཡང་ལེགས་སོ། །དེ་སྐད་ཅེས་སྨྲས་པ་དང་། ལག་ན་རྡོ་རྗེས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ཡེ་ཤེས་ཆེན་པོར་དབང་
D496.087.0146a02.01སྐུར་བའི་དཀྱིལ་འཁོར་ཆེན་པོ་འདི་སུའི་ལག་ན་གནས་པ་དེ་ཉོན་མོངས་པ་དང་བྲལ་བར་འགྱུར་རོ། །འཇིགས་པ་དང་དགྲ་དང་བྲལ་བར་འགྱུར་རོ། །གལ་ཏེ་ཆོམ་རྐུན་གྱི་ནང་ན་འདུག་གམ། སྲིན་པོའི་ནང་ན་འདུག་གམ། དགྲའི་ནང་ན་འདུག་གམ། འཐབ་པའི་ནང་ན་འདུག་ཀྱང་རུང་
D496.087.0146a03.01སྟེ། དེའི་ལུས་ལ་མཚོན་གྱིས་མི་ཚུགས་པར་འགྱུར་རོ། །ཆོམ་རྐུན་གྱིས་འཇོམས་པར་མི་འགྱུར། སྲིན་པོ་ལ་སོགས་པས་གཙེ་བར་མི་འགྱུར་རོ། །དེ་ལ་དུས་མ་ཡིན་པར་འཆི་བའི་འཇིགས་པ་མི་འབྱུང་། རྟག་ཏུ་དཔལ་དང་ལྡན་པར་འགྱུར། སྡིག་པ་ཐམས་ཅད་ཡོངས་སུ་བྱང་
D496.087.0146a04.01བར་འགྱུར། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ལ་དགེ་བའི་རྩ་བ་བསགས་པ་ཡང་དེ་ལ་ཉིན་གཅིག་བཞིན་མངོན་དུ་འགྱུར། འཆི་བའི་དུས་ཀྱི་ཚེ་ན་ཡང་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་ཡོངས་སུ་གཟིགས་པར་འགྱུར། ཤི་ནས་ཀྱང་བདེ་བ་ཅན་དུ་སྐྱེ་བར་འགྱུར་ན།
D496.087.0146a05.01གང་དུ་འཛིན་པ་དང་ཀློག་པ་དང་ཡིད་ལ་བྱེད་པ་དང་མིང་ཙམ་ཡང་འཛིན་པ་ལྟ་ཅི་སྨོས་ཏེ་དེའི་སྒྲིབ་པ་ཐམས་ཅད་འབྱང་བར་འགྱུར་རོ། །དེས་ངན་སོང་གི་སྒོ་རྣམས་གཅད་པར་འགྱུར། དེས་ངན་སོང་དང་ངན་འགྲོ་རྣམས་རྒྱང་རིང་དུ་འགྱུར་རོ། །གང་ཞིག་ནང་པར་ལངས་ནས་སུ། །ལན་ཅིག་ཀློག་
D496.087.0146a06.01པར་བྱེད་པའི་མི། །སྲིད་པའི་ཉམ་ངར་བྱས་པ་ཡི། །སྡིག་ལས་གྲོལ་བར་དེ་འགྱུར་རོ།། །།འཕགས་པ་ལག་ན་རྡོ་རྗེ་དབང་བསྐུར་བ། བམ་པོ་བཅུ་གཉིས་པ་སྟེ་ཐ་མ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་
D496.087.0146a07.01