完整藏文原文 · 德格版页 当前仅加载第 87 函德格 38b 版页；藏文 NFD、目录标记与异常页序保留在来源切片中，重复版页行以稳定序号区分。
གཞག་བྱ་བ། །དེ་བཞིན་གཤེགས་པའི་གསང་བ་ཡིན། །སྡོང་པོ་བཀོད་པའི་ཚུལ་ཆེན་ནི། །ལྷོ་ཕྱོགས་ལོགས་སུ་ཤེས་པར་བྱ། །དཀྱིལ་འཁོར་ལྷ་རྣམས་ཅི་ལྟ་བར། །དེ་དག་ལ་ཡང་གུས་པར་མཆོད། །དམ་པའི་ཆོས་ནི་བཀླག་པ་འདི། །བསྲུང་བ་རྣམས་ཀྱི་དམ་པ་ཡིན། །
D496.087.0038b01.01དེ་ནས་ལྷ་རྣམས་ཐམས་ཅད་ཀྱང་། །དེ་ཡི་ཚེ་ན་དགྱེས་པར་འགྱུར། །གང་དག་འཇིག་རྟེན་མི་སྲུན་པ། །དེ་དག་ཕྱོགས་ཕྱོགས་ཕྱོགས་འགྲོ་བར་འགྱུར། །དེ་ལྟ་བས་ན་རྣམ་ཀུན་དུ། །དེ་ཚེ་དམ་ཆོས་བཀླག་པར་བྱ། །སློབ་མ་ཐམས་ཅད་བོས་ནས་སུ། །དེ་དག་ལ་ནི་སྐྱབས་གསུམ་
D496.087.0038b02.01སྦྱིན། །སྡིག་པ་མི་བྱ་བརྗོད་པར་བྱ། །སྡོམ་པ་དག་ཀྱང་འཛིན་དུ་གཞུག །མཁས་པས་ཆོ་ག་འདི་བཞིན་དུ། །བྱང་ཆུབ་སེམས་ཀྱང་བསྐྱེད་དུ་གཞུག །རྡོ་རྗེ་དྲག་པོའི་སྔགས་ཆུ་ཡིས། །དེ་ནས་ཀུན་ལ་བསང་གཏོར་བྱ། །དམ་ཚིག་ཡོངས་སུ་བརྗོད་བྱས་ལ། །མཁས་པ་ནང་
D496.087.0038b03.01དུ་ཞུགས་ནས་སུ། །གོས་རྣམས་ཡོངས་སུ་བརྗེ་བྱ་སྟེ། །སྔགས་ཀྱིས་མངོན་དུ་གདབ་པར་བྱ། །དེ་ཚེ་སྙིང་རྗེ་ལྡན་པ་ཡིས། །སློབ་མ་དེ་དག་གདོང་བཀབ་ལ། །འཁོར་ལོས་སྒྱུར་བའི་དམ་ཚིག་གི། །ཕྱག་རྒྱ་སྔགས་པས་འཆིང་བཅུག་སྟེ། །ལག་ཏུ་མེ་ཏོག་བྱིན་བྱས་ནས། །དེ་
D496.087.0038b04.01ཚེ་སྙིང་གར་ཡི་གེ་བསམ། །སྩོབ་པ་ཀུན་གྱི་སྤྱན་སྔར་ནི། །མེ་ཏོག་དེ་དག་དོར་དུ་གཞུག །བློ་དང་ལྡན་པས་སློབ་མ་ཡི། །རྣ་གཡས་རྡོ་རྗེ་དྲིལ་བུ་བཞག །རྡོ་རྗེ་རྔ་ཞེས་བྱ་བ་ཡི། །ལྷ་མོ་ཆེན་མོ་གཡོན་པར་རོ། །མེ་ཏོག་རྣམས་ནི་གར་བབ་པ། །ལྷ་དེ་དེ་ཡི་ཡིན་པར་འདོད། །
D496.087.0038b05.01དེ་ལྟར་སློབ་མ་བཅུག་བྱས་ནས། །དེ་ཚེ་དམ་ཚིག་བསྟན་པར་བྱ། །མཁས་པས་ཞི་བར་བྱ་བའི་ཕྱིར། །འདི་ལྟར་སྦྱིན་སྲེག་རབ་ཏུ་བྱ། །དེ་ནས་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ཞི་བ་དང་ནི་རྒྱས་པ་དང་། །དབང་
D496.087.0038b06.01དང་དེ་བཞིན་དྲག་ཤུལ་སྤྱོད། །སྦྱིན་སྲེག་ལས་ནི་མདོར་བསྡུས་པ། །སེམས་དཔའ་ཆེན་པོས་བརྗོད་པར་མཛོད། །ཆོ་ག་ཐམས་ཅད་རྒྱས་པ་དང་། །དེ་བཞིན་ཐ་དད་ལས་ཀྱང་གསུངས། །སེམས་དཔའ་ཆེན་པོའི་གནས་གང་དུ། །མེ་ཡི་ཐབ་ཀྱི་ཁུང་བུ་བགྱི། །ཡམ་སྲེག་
D496.087.0038b07.01