完整藏文原文 · 德格版页 当前仅加载第 87 函德格 126a 版页；藏文 NFD、目录标记与异常页序保留在来源切片中，重复版页行以稳定序号区分。
བས་བརྒྱ་ལ་གྱུར་ནས། །རྡོ་རྗེའི་དམ་པ་ལྡན་པ་ལ། །ཐུགས་ལ་ཅི་དགོངས་བླང་མཛོད་དང་། །གལ་ཏེ་རྒྱལ་སྲིད་བཞེད་གྱུར་ཏམ། །དེ་བཞིན་མི་དང་ལྷ་བཞེད་དམ། །ལྷ་ཡི་བུ་མོ་བསྙེམས་པ་དང་། །ལྷ་ཡི་བདེ་བ་ཡིད་མཐུན་བཞེད། །ཐུགས་ལ་གང་བཞེད་དེ་དག་
D496.087.0126a01.01རྣམས། །དེ་དག་དབུལ་བར་བགྱིད་པར་འགྱུར། །དེ་ནས་ལྷ་མང་རྫུ་འཕྲུལ་ཆེ། །དེ་དག་ཡིད་ནི་རབ་དགའ་ནས། །རྡོ་རྗེ་འབར་བས་གཟིར་བ་དག །སྒྲུབ་པ་པོ་ལ་མྱུར་དུ་དབུལ། །དེ་ནས་བྱམས་པའི་སེམས་ཀྱིས་ནི། །སྔགས་པས་བལྟས་ནས་གཏང་བར་བྱ། །གཞན་དུ་ན་ནི་གཟིར་དེ་དག །
D496.087.0126a02.01གླགས་རྙེད་གནོད་པ་བྱེད་པར་འགྱུར། །རྡོ་རྗེ་འབྱུང་བར་ཡང་འདུག་སྟེ། །རྡོ་རྗེ་གར་ནི་རབ་ཏུ་བྱ། །མཚོག་མར་ཐལ་མོ་སྦྱར་ནས་སུ། །ཕྱོགས་རྣམས་ཀུན་དུ་རྒྱས་པར་བྱ། །རྐང་པ་སྤོ་བའི་ཚུལ་གྱིས་སུ། །གཡས་པ་བཏེག་ཅིང་དེ་བཞིན་གཡོན། །རྡོ་རྗེ་ཁུ་ཚུར་ཚུལ་གྱིས་ནི། །གཡས་
D496.087.0126a03.01པ་གྱེན་དུ་བསྒྲེང་བར་བྱ། །གཡོན་པ་སྙིང་གར་བཞག་ནས་སུ། །སྨིན་མ་དགུག་ཅིང་བསྒུལ་བསྐྱོད་དེ། །མིག་གིས་བགེགས་ལ་བལྟས་བྱས་ན། །ཧཱུཾ་དང་བཅས་པས་རང་བསྐུལ་ན། །གལ་ཏེ་ཚངས་པ་ཉིད་གྱུར་ཏམ། །གལ་ཏེ་ཁྱབ་འཇུག་ཉིད་གྱུར་ཏམ། །དྲག་པོ་བརྒྱ་བྱིན་
D496.087.0126a04.01ཉིད་གྱུར་ཡང་། །བལྟས་པས་མྱུར་དུ་འཇིགས་པར་འགྱུར། །ཅི་སྟེ་ཁྱབ་འཇུག་དྲག་པོ་རྣམས། །བདག་གི་དབང་དུ་གྱུར་འདོད་པས། །ཀུན་དུ་བསྐྱོད་པའི་ཚུལ་གྱིས་སུ། །རྡོ་རྗེ་ཉི་མའི་མིག་ཅན་གྱིས། །རྐང་པ་ཐབས་སྦྱར་ཚུལ་གྱིས་སུ། །རྡོ་རྗེ་ཕྱག་རྒྱས་བསྣུན་པར་བྱ། །རྡོ་
D496.087.0126a05.01རྗེ་ཕྱག་རྒྱས་བསྣུན་པས་ན། །ས་རྣམས་ཐམས་ཅད་རབ་ཏུ་གཡོ། །དེ་ནས་བརྒྱ་བྱིན་ལྷ་རྣམས་དང་། །ལྷ་མིན་སྲིན་པོ་གསང་བ་པ། །སྟན་ལས་ཉམས་པར་བདག་ཉིད་ཀྱིས། །མ་ཤེས་ཤིག་ནི་བརྒྱལ་བར་འགྱུར། །དེ་ནས་ཁྱབ་འཇུག་དྲག་པོ་རྣམས། །ཡིད་ནི་བློང་ཞེས་
D496.087.0126a06.01གྱུར་ནས་སུ། །རྡོ་རྗེ་རྣལ་འབྱོར་ཆེར་ལྡན་པ། །ག་ལ་བ་དེར་ཐལ་སྦྱར་དོང་། །བདག་ཅག་ནོངས་པ་མ་མཆིས་པར། །སྔགས་ཀྱིས་བདག་ཅག་ཤིན་ཏུ་གཟིར། །གཟིར་བའི་ལྷ་རྣམས་དེ་དག་ཀུན། །སྟན་ལས་སེམས་ནི་ཉམས་པར་འགྱུར། །ཅི་ལྟར་ཅི་བགྱི་བཀའ་སྩོལ་
D496.087.0126a07.01