完整藏文原文 · 德格版页 当前仅加载第 87 函德格 72b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་མཚན་ཐོག་ཐག་བཟླས་བརྗོད་བྱས་ན་དེའི་གཟུགས་དེ་གྲུབ་པར་འགྱུར་རོ། །དེ་བཞིན་དུ་བྱང་ཆུབ་སེམས་དཔའ་གང་ཡང་རུང་བའི་མདུན་དུ་བསྒྲུབས་ན་ཡང་དེ་བཞིན་དུ་འགྲུབ་སྟེ་གང་འདོད་པ་དེ་བྱེད་དོ། །སྔར་སྤྱད་པ་མ་བྱས་ཀྱང་གདོན་མི་ཟ་བར་འགྲུབ་པར་འགྱུར་རོ། །དེ་ལ་དབུས་
D496.087.0072b01.01ཀྱི་ཡུལ་དུ་ནི་འཁོར་ལོས་སྒྱུར་བ་བཅོམ་ལྡན་འདས་དྲག་པོ་ཆེན་པོ་འགྲུབ་བོ། །ལྷོ་ཕྱོགས་ཀྱི་རྒྱུད་དུ་ནི་ལག་ན་རྡོ་རྗེ་དྲག་པོ་འགྲུབ་བོ། །འགྲོ་ལྡིང་བའི་ཡུལ་དུ་ནི་རིག་སྔགས་ཀྱི་རྒྱལ་པོ་འགྲོ་ལྡིང་འགྲུབ་བོ། །བྱང་ཕྱོགས་ཀྱི་རྒྱུད་དུ་ནི་བྱང་ཆུབ་སེམས་དཔའ་ལག་ན་པདྨ་འགྲུབ་བོ། །
D496.087.0072b02.01ཤར་ཕྱོགས་ཀྱི་ཡུལ་དུ་ནི་དམ་པ་སྦྱིན་པའི་རྡོ་རྗེ་འགྲུབ་བོ། །སྐྱེད་མོས་ཚལ་ཆེན་པོར་ནི་གནོད་སྦྱིན་གྱི་ཚོགས་དང་། གནོད་སྦྱིན་མོ་རྣམས་འགྲུབ་བོ། །ཁང་སྟོང་དུ་ནི་ཤ་ཟ་དང་ཤ་ཟ་མོ་རྣམས་འགྲུབ་བོ། །དུར་ཁྲོད་དུ་ནི་མ་མོ་རྣམས་དང་། མཁའ་འགྲོ་མ་དང་། སྲིན་པོ་
D496.087.0072b03.01དང་། སྲིན་མོ་ལ་སོགས་པ་འགྲུབ་བོ། །རི་རྣམས་སུ་ནི་རིག་སྔགས་འཆང་རྣམས་དང་མིའམ་ཅི་རྣམས་འགྲུབ་བོ། །དགོན་པ་ཆེན་པོ་རྣམས་སུ་ནི་དྲི་ཟ་རྣམས་འགྲུབ་བོ། །འབབ་ཆུ་རྣམས་སུ་ནི་ཀླུ་རྣམས་འགྲུབ་བོ། །ཁང་པ་ཆེན་པོ་དང་ཤིང་པ་ཏའི་དྲུང་དག་ཏུ་ནི་འབྱུང་
D496.087.0072b04.01པོ་རྣམས་འགྲུབ་བོ། །བྱང་ཕྱོགས་ཀྱི་རྒྱུད་དུ་ནི་གནོད་སྦྱིན་ཆེན་པོ་དང་ནད་ཀུ་བེ་ར་འགྲུབ་བོ། །རྒྱ་མཚོ་ཆེན་པོར་ནི་སྲིང་མོ་བཞི་དག་འགྲུབ་བོ། །རིགས་ཀྱི་བུ་དག་གཞན་ཡང་གྲོང་ཁྱེར་ཆེན་པོ་རྣམས་སུ་ནི་རིག་སྔགས་ཀྱི་རྒྱལ་མོ་སྒྲོལ་མ་དང་ཁྲོ་གཉེར་ཅན་འགྲུབ་བོ། །ཆུ་འདུས་
D496.087.0072b05.01སུ་ནི་ཚངས་པ་འགྲུབ་བོ། །དུར་ཁྲོད་དུ་ཝ་དང་བཅས་པར་ནི་དྲག་པོ་འགྲུབ་བོ། །སྐྱེས་བུ་ཆེན་པོའི་གནས་སུ་ནི་ཁྱབ་འཇུག་འགྲུབ་བོ། །བྱང་ཕྱོགས་ཀྱི་རྒྱུད་དུ་ནི་ཉི་མ་འགྲུབ་བོ། །གངས་རི་ལ་ནི་ཟླ་བ་འགྲུབ་བོ། །ལྷོ་ཕྱོགས་ཀྱི་རྒྱུད་དུ་ནི་སྨིན་དྲུག་གི་བུ་འགྲུབ་བོ། །རི་སུལ་
D496.087.0072b06.01དག་ཏུ་ནི་ལྷ་མ་ཡིན་རྣམས་འགྲུབ་བོ། །རིགས་ཀྱི་བུ་དག་རྒྱ་མཚོ་ཆེན་པོ་རྣམས་སུ་ནི་ལྟོ་འཕྱེ་ཆེན་པོ་རྣམས་འགྲུབ་བོ། །ཡུལ་མ་ག་དྷཱར་ནི་དྲང་སྲོང་ཆེན་པོ་རྣམས་འགྲུབ་བོ། །མྱ་ངམ་དག་ཏུ་ནི་{ཡི་དགས་,ཡི་དྭགས་}རྣམས་འགྲུབ་བོ། །རིགས་ཀྱི་བུ་དག་གཞན་ཡང་རི་རྣམས་སུ་ནི་རིན་
D496.087.0072b07.01