完整藏文原文 · 德格版页 当前仅加载第 87 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
རྗེ་ལ་འདི་སྐད་ཅེས་བཀའ་སྩལ་ཏོ། །སེམས་དཔའ་ཆེན་པོ་ལེགས་སོ་ལེགས། །རྡོ་རྗེ་ཡེ་ཤེས་རྫོགས་བྱེད་པ། །ཁྱེད་ནི་སངས་རྒྱས་བྱས་པ་གཟོ། །སངས་རྒྱས་སྲས་པོ་རྫུ་འཕྲུལ་ཆེ། །ཐམས་ཅད་མཁྱེན་པའི་ཡེ་ཤེས་མཆོག །དམ་པ་གསང་བ་ཁྱོད་ཀྱིས་ཤོད། །
D496.087.0142a01.01གཟུངས་སྔགས་ཚུལ་དུ་དགོད་བྱོས་ལ། །གང་དུ་ཞུགས་མ་ཐག་ཏུ་ནི། །སྡིག་པ་ཐམས་ཅད་མེད་གྱུར་པ། །དཀྱིལ་འཁོར་འདིར་ནི་བཤད་པར་གྱིས། །དེ་ནས་དེ་བཞིན་གཤེགས་པ་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་ཀྱི་རྡུལ་སྙེད་དེ་དག་ཐམས་ཅད་ཕྱག་སླར་བསྐུམས་སོ། །དེ་ནས་ལག་
D496.087.0142a02.01ན་རྡོ་རྗེ་ཏིང་ངེ་འཛིན་དེ་ལས་ལངས་ཏེ། དེ་བཞིན་གཤེགས་པ་ཐམས་ཅད་སྐྱེད་མ། སྡིག་པ་ཐམས་ཅད་བྱང་བར་བྱེད་མ། ནད་ཐམས་ཅད་རབ་ཏུ་ཞི་བར་བྱེད་མ། བགེགས་ཐམས་ཅད་རྣམ་པར་འཇིག་པར་བྱེད་མ། ཕུན་སུམ་ཚོགས་པ་ཐམས་ཅད་སྐྱེད་མ། གཟུངས་སྔགས་ཆེན་མོའི་
D496.087.0142a03.01མཆོག་འདི་སྨྲས་སོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་ཧེ་བུད་དྷ་མ་ཏི་རི། སརྦ་བཱ་པ་ནི་ཥ་ཎི། གརྫ་གརྫ། བྷཉྫ་བྷཉྫ། མརྡ་མརྡ། གམྦྷཱི་རི། གམྦྷཱིར། ཧ་ས་ཧ་ས། ད་མ་ད་མ། མ་ཐ་མ་ཐ། བི་དྷྭ་ནས་ཡ་བིདྷྭ་ན་ས་ཡ། སརྦ་ཤ་ཏྲཱུཾ་ཏ་ར་མ་ཏི། བི་མ་ལེ། པཱུར་ཡ་པཱུར་ཡ།
D496.087.0142a04.01པྲ་ཏི་ཛྙཱ་ན། སརྦ་བྷཱུ་ཏ། རཱུ་པ་སི་ཏེ། བྷ་ག་བ་ཏི། ག་ན་ག་ན། ཛ་ཧི་ཛ་ཧི། བི་མ་ལ་ས་ནི། ཀྲ་མ་ཎི། ཧ་ད་བ་ནི། ར་མ་ཎི། མ་ཏཾ་གི་ཀེ་སྭཱ་ཧཱ། ལག་ན་རྡོ་རྗེས་གཟུངས་སྔགས་གསང་བ་འདི་སྨྲས་མ་ཐག་ཏུ་དེ་ནས་དེའི་མོད་ལ་ས་ཆེན་པོ་འདི་འགུལ་ལོ། །འུར་འུར་རབ་ཏུ་འུར་འུར་རོ། །ལྡེག་རབ་ཏུ་ལྡེག་
D496.087.0142a05.01གོ །ལྷོ་ཕྱོགས་མཐོ་ན་ནུབ་ཕྱོགས་དམའོ། །བྱང་ཕྱོགས་མཐོ་ན་ཤར་ཕྱོགས་དམའོ། །ཉི་མ་དང་ཟླ་བ་ཡང་ས་ལ་ལྷུང་ངོ་། །རིག་སྔགས་འཆང་རྣམས་ཀྱང་ལྷུང་ངོ་། །བྱང་ཆུབ་སེམས་དཔའ་གང་དག་གཟུངས་ཐམས་ཅད་ལ་དབང་ཐོབ་པ་དེ་དག་ཀྱང་མོག་མོག་པོར་གྱུར་ཏོ། །ཐམས་ཅད་
D496.087.0142a06.01དང་ལྡན་པའི་འཁོར་དེ་ཡང་བློང་བློང་པོར་གྱུར་ཏེ། འཇམ་དཔལ་གཞོན་ནུར་གྱུར་པ་ལ་ཡིད་ཀྱིས་ཕྱག་འཚལ་ཞིང་གནས་པར་གྱུར་ཏོ། །དེ་ནས་འཇམ་དཔལ་གཞོན་ནུར་གྱུར་པས་འཁོར་དེ་བླང་བླང་པོར་གྱུར་པ་མཐོང་ནས་དེ་དག་ལ་འདི་སྐད་ཅེས་སྨྲས་སོ། །ཀྱེ་གྲོགས་པོ་དག་ཁྱོད་ཀྱིས་ཡེ་ཤེས་
D496.087.0142a07.01