完整藏文原文 · 德格版页 当前仅加载第 87 函德格 115b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་འཇིག་རྟེན་པ་མུ་སྟེགས་བྱེད་རྣམས་ཀྱིས་ཤེས་པའམ་རྣམ་པར་ཤེས་པ་ལྟ་ཅི་སྨོས་པ་བཤད་པར་བརྩམས་སོ། །དེ་ནས་རྡོ་རྗེ་འཆང་གིས་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་བྱམས་པ་ཆེན་པོ་དང་། སྙིང་རྗེ་ཆེན་པོའི་མིག་གཉིས་ཀྱིས་རྣམ་པར་བལྟས་ཏེ་རྡོ་རྗེ་དོན་ཡོད་པའི་
D496.087.0115b01.01དཀྱིལ་འཁོར་གྱི་བྱིན་གྱི་རླབས་ཀྱིས་བྱིན་གྱིས་བརླབས་ནས་སྨྲས་པ། རིགས་ཀྱི་བུ་དག་དེ་བཞིན་གཤེགས་པའི་ཟུར་ཙམ་གྱིས་གོ་བའི་ཡེ་ཤེས་ལས་བྱུང་བའི་ཕྱག་རྒྱའི་དཀྱིལ་འཁོར་རབ་འབྱམ་ཞེས་བྱས་པའི་ཆོས་ཀྱི་སྒོ་སེམས་ཅན་གྱི་ཁམས་མཐའ་ཡས་པ་སྒྲོལ་བར་བྱེད་པ་ཡོད་དོ་ཞེས་སྨྲས་
D496.087.0115b02.01ནས། །དེའི་ཚེ་སྨིན་མཚམས་ཀྱི་བར་ནས་འགྲོ་བ་ཐམས་ཅད་ཡོངས་སུ་སྐྱོབ་པ་ཞེས་བྱ་བའི་འོད་ཟེར་འཁོར་བརྒྱ་ཕྲག་དུ་མ་དང་ལྡན་པར་བྱུང་ངོ་། །དེ་བྱུང་ནས་ནམ་མཁའི་ཁམས་ཀྱིས་ཀླས་པའི་འཇིག་རྟེན་གྱི་ཁམས་རྒྱ་མཚོ་ཐམས་ཅད་དུ་སེམས་ཅན་ཐམས་ཅད་ཀྱི་བསམ་པ་འདུན་པར་
D496.087.0115b03.01བྱས་ནས། དཀོན་མཆོག་གསུམ་གྱི་རྡོ་རྗེའི་བྱིན་གྱི་རླབས་ཀྱིས་སེམས་ཅན་གྱི་ཁམས་བྱིན་གྱིས་བརླབས་ཏེ། སླར་ཡང་བྱང་ཆུབ་སེམས་དཔའ་ལག་ན་རྡོ་རྗེ་ལ་བསྐོར་བ་བྱས་ནས་མཛོད་སྤུ་ཉིད་དུ་ཞུགས་སོ། །དེ་ནས་ཐམས་ཅད་དང་ལྡན་པའི་འཁོར་དེས་མགྲིན་གཅིག་ཏུ་ཚིག་སྨྲས་པ། སེམས་
D496.087.0115b04.01དཔའ་ཆེན་པོ་འདི་ནི་དུས་སོ། །འདི་ནི་ཚོད་དོ། །དེས་ན་བདག་ཅག་གིས་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་རྣམས་ལ་དངོས་གྲུབ་སྩལ་བར་བགྱིའོ། །བསྲུང་བ་དང་གཟི་བརྗིད་ཕུན་སུམ་ཚོགས་པ་ལ་སོགས་པ་སྩལ་བར་བགྱིའོ། །དེ་ནས་རྡོ་རྗེ་འཆང་
D496.087.0115b05.01གིས་གསང་ཆེན་དང་བཅས་པའི་ཡན་ལག་གི་ཕྱག་རྒྱ་སྨྲས་པ། མཁས་པས་དམ་ཚིག་ཅེས་བྱ་བའི། །ཕྱག་རྒྱ་ཐོག་མར་བཅིངས་ནས་སུ། །སངས་རྒྱས་སྙིང་པོ་དྲན་བྱས་ལ། །ལག་པ་གཡས་པ་བསྒུལ་བར་བྱ། །ཨོཾ་རྫོགས་པའི་སངས་རྒྱས་རྣམས་ཀྱི་ཡེ་ཤེས་ཀྱི་ཕྱག་རྒྱ་ནི་མི་ཤེས་
D496.087.0115b06.01པའི་གྲོང་ཁྱེར་འཇིག་པར་བྱེད་པ་སྟེ། རྡོ་རྗེ་ཡེ་ཤེས་རྣམ་པར་དགོད་པའི་ཕྱག་རྒྱ་ཞེས་བྱའོ། །ལག་པ་གཡས་པ་བཏེག་ནས་སུ། །སྟེང་གི་ཕྱོགས་སུ་ཡོངས་བསྐྱོད་ན། །སྡང་བ་རྣམས་ནི་བསྐྲད་པར་འགྱུར། །སྐྱོད་བྱེད་རྣམས་ཀྱང་གཡོ་བར་འགྱུར། །བཙུམས་ཀྱི་ཚུལ་དུ་བྱས་ནས་སུ། །
D496.087.0115b07.01