完整藏文原文 · 德格版页 当前仅加载第 87 函德格 32a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལ་ལས་བརྩམས་ན་ཤིས་པར་འགྱུར་རོ། །དམར་དང་སེར་དང་དཀར་དང་ནག །འདྲེན་མ་པ་ནི་ལྔ་པ་ཡིན། །གང་ཡང་རུང་བའི་ས་དེར་ནི། །མཁས་པས་ཁྲུ་གང་ཙམ་བརྐོས་ནས། །སྔགས་པ་ཡིས་ནི་བརྐོས་པ་དེ། །ས་དེ་ཉིད་ཀྱིས་དགང་བར་བྱ། །
D496.087.0032a01.01ལྷག་ན་རྣམ་པ་ཀུན་དུ་མཆོག །ཁ་ད་ཆད་ནི་འབྲིང་དུ་བརྗོད། །གང་བར་མ་གྱུར་ས་དེ་སྤང་། །མཁས་པས་དེར་ནི་བརྩམ་མི་བྱ། །དཀར་པོ་དག་ནི་ཞི་བར་བསྟན། །དམར་པོ་དབང་གི་དོན་དུ་འདོད། །སེར་པོ་རྒྱས་པར་ཤེས་པར་བྱ། །ནག་པོ་དྲག་ཤུལ་སྤྱོད་པར་ཤེས། །དེར་
D496.087.0032a02.01ནི་མཆོད་ཡོན་གཏོར་མ་དང་། །མར་མེ་སྤོས་དང་བདུག་པ་དག །བསྒྲིམས་ཏེ་བྱིན་ནས་བསྲུང་བྱ་སྟེ། །མཉམ་པར་གཞག་ནས་ས་ལ་བརྗོད། །དེ་ཡི་ནུབ་མོ་ས་དེར་ནི། །ཀུ་ཤ་བཏིང་བའི་སྟེང་དུ་ཉལ། །གལ་ཏེ་ས་དེ་རུང་གྱུར་ན། །དེར་ནི་བསྒྲིམས་ཏེ་བྲི་བར་བྱ། །སྔོན་གྱི་
D496.087.0032a03.01སངས་རྒྱས་མི་མཆོག་གིས། །དེ་ནི་བགེགས་མེད་ཡིན་ཞེས་བརྗོད། །གཞན་དུ་ན་ནི་དེར་མི་བྲི། །བགེགས་དང་བཅས་པས་ཕུང་བར་འགྱུར། །དེ་ནས་སྔགས་པ་ལངས་ནས་ནི། །དེ་ཡི་ཉིན་མོ་མཁས་པ་ཡིས། །ས་ནི་ཤིན་ཏུ་ཡོངས་བཟུང་ཕྱིར། །སྦྱིན་སྲེག་བྱ་བ་འདི་བྱས་ཏེ། །
D496.087.0032a04.01སྦྲང་རྩི་དང་ནི་འོ་མ་དང་། །མར་བསྲེས་སྦྱིན་སྲེག་མཆོག་ཏུ་འགྱུར། །ཞི་བའི་སེམས་ཀྱིས་སྦྱིན་བླུགས་ནི། །ཉི་ཤུ་རྩ་གཅིག་སྦྱིན་སྲེག་བྱ། །དེ་ནས་སྔགས་པས་ས་བརྐོས་ལ། །ས་དེ་ཉིད་ཀྱིས་སླར་དགང་ངོ་། །ཡང་ན་དཀྱིལ་འཁོར་ལས་ཀྱི་ཚེ། །སྔགས་པས་སྤོས་ཀྱིས་ས་དགང་
D496.087.0032a05.01ངོ་། །ལེགས་པར་བརྡུང་ཞིང་མཉམ་འཇམ་བྱ། །ཕྱོགས་ཆ་དག་དང་སྒོ་ཡི་རྣམས། །ཀུན་ཀྱང་རྣམ་པ་ཐམས་ཅད་དུ། །རིན་ཆེན་སྣ་ལྔས་རབ་མཛེས་བྱ། །བྱེ་བྲག་ཏུ་ནི་ས་དབུས་སུ། །རིན་ཆེན་སྣ་ལྔ་གཞག་པར་བྱ། །དེ་ནས་ཡོན་ཏན་ལྡན་པ་ཡི། །སློབ་མ་དག་ནི་གདམས་ཏེ་
D496.087.0032a06.01གཟུང་། །བཟླས་བརྗོད་སྦྱིན་སྲེག་རྣམས་ཀུན་གྱིས། །བསྒྲིམས་ཏེ་དེ་དག་བསྲུང་བར་བྱ། །མཆོག་སྦྱིན་རྡོ་རྗེ་བློ་ལྡན་གྱི། །གསང་སྔགས་འདི་ནི་ཟློས་པ་ནི། །སྐྱོན་དང་ཡོན་ཏན་རྣམ་དཔྱད་པས། །དེ་དག་ཐོག་མར་བརྟག་པར་བྱ། །ཡོན་ཏན་འདི་དག་ལྡན་པ་ནི། །ཤིན་ཏུ་བརྟགས་
D496.087.0032a07.01