完整藏文原文 · 德格版页 当前仅加载第 87 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བའི་འོད་ཟེར་ཕྱུང་ངོ་། །འོད་ཟེར་དེ་དག་ཕྱུང་ནས་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་སྣང་བར་བྱས་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོའི་སྤྱི་གཙུག་དུ་ཞུགས་སོ། །དེ་བཞིན་གཤེགས་པའི་འོད་ཟེར་དེ་དག་ཞུགས་མ་ཐག་ཏུ་བྱང་ཆུབ་
D496.087.0025b01.01སེམས་དཔའ་སེམས་དཔའ་ཆེན་པོ་ཀུན་དུ་བཟང་པོ་དགའ་ཞིང་མགུ་ནས་རབ་ཏུ་དགའ་སྟེ་ཐོགས་པ་མེད་པའི་སྟོབས་ཞེས་བྱ་བའི་སྙིང་པོ་སྨྲས་པ། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཨ་པྲ་ཏི་ཧ་ཏ་བ་ལ། མ་ཧཱ་བཛྲ་ཨཱ་ཛྙཱ་ཀ་ར་ཎ། ན་མོ་སྟུ་ཏེ་སྭ་ཧཱ། དེ་ནས་
D496.087.0025b02.01ཐོགས་པ་མེད་པའི་སྟོབས་རྡོ་རྗེའི་སྙིང་པོ་སྨྲས་མ་ཐག་ཏུ་དེ་བཞིན་གཤེགས་པ་དེ་དག་གིས་ཏིང་ངེ་འཛིན་དང་། གཟུངས་དང་། སྟོབས་དང་། བྱང་ཆུབ་ཀྱི་ཡན་ལག་དང་། ལམ་དང་འཕགས་པའི་བདེན་པ་དང་སྟོང་པ་ཉིད་དང་སངས་རྒྱས་ཀྱི་ཆོས་མ་འདྲེས་པ་དང་། སྟོང་
D496.087.0025b03.01པ་ཉིད་ཆེན་པོའི་མཐའ་ལས་བྱས་པ་སྦྱིན་པ་དང་། དུལ་བ་དང་ཡང་དག་པར་སྡོམ་པ་དང་། དེས་པ་ལ་སོགས་པ་ཕ་རོལ་ཏུ་ཕྱིན་པ་དྲུག་གིས་རྣམ་པར་བསྐྱེད་པའི་གཟུགས་ཅན་གྱི་རྡོ་རྗེ་བྱིན་གྱིས་བརླབས་ཏེ་བྱང་ཆུབ་སེམས་དཔའ་ཀུན་དུ་བཟང་པོའི་ལག་ཏུ་བྱིན་ནོ། །དེ་བཞིན་
D496.087.0025b04.01གཤེགས་པ་དེ་དག་གིས་ཀུན་དུ་བཟང་པོའི་ལག་ཏུ་རྡོ་རྗེ་བྱིན་མ་ཐག་ཏུ། དེ་ནས་ཕྱོགས་བཅུའི་འཇིག་རྟེན་གྱི་ཁམས་རབ་འབྱམ་རྣམས་དང་སངས་རྒྱས་ཀྱི་འཁོར་གྱི་དཀྱིལ་འཁོར་ཐམས་ཅད་དུ་དེ་བཞིན་གཤེགས་པ་ཐམས་ཅད་དང་བྱང་ཆུབ་སེམས་དཔའ་ཐམས་ཅད་དང་།
D496.087.0025b05.01ཉན་ཐོས་ཐམས་ཅད་དང་། རང་སངས་རྒྱས་ཐམས་ཅད་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་ཐམས་ཅད་ཀྱིས་མགྲིན་གཅིག་ཏུ།
D496.087.0025b06.01ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་འདི་ནི་ལག་ན་རྡོ་རྗེའོ་ལག་ན་རྡོ་རྗེའོ་ཞེས་བརྗོད་དོ།། །།འཕགས་པ་ལག་ན་རྡོ་རྗེ་དབང་བསྐུར་བ། བམ་པོ་གསུམ་པ། དེ་བཞིན་གཤེགས་པ་དེ་དག་གིས་དམ་ཚིག་འདི་བྱིན་གྱིས་བརླབས་ནས་ཡང་
D496.087.0025b07.01