完整藏文原文 · 德格版页 当前仅加载第 87 函德格 82b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་དྲི་ཞིམ་པོས་བསྐུས་ཏེ་གོས་གཙང་མ་བགོས་ལ་ཟས་དཀར་གསུམ་ཟོས་ལ་དབང་པོ་གསལ་བ་དང་། ཉམས་ཐ་མལ་བར་གནས་པ་དང་། བྱང་ཆུབ་ཀྱི་སེམས་དང་ལྡན་པའི་ཡིད་དང་། སྙིང་རྗེ་དང་ལྡན་པའི་སློབ་དཔོན་བླ་ན་མེད་པའི་སྦྱིན་གནས་ལ་ཐལ་མོ་སྦྱོར་ཏེ་པུས་མོ་
D496.087.0082b01.01བཙུགས་ལ་གསོལ་བ་བཏབ་སྟེ། སློབ་དཔོན་བླ་ན་མེད་པའི་ཡེ་ཤེས་ཐོབ་པར་བགྱི་བའི་སླད་དུ་རིག་པའི་རྒྱལ་པོ་བདག་ལ་སྩལ་དུ་གསོལ། བྱང་ཆུབ་ཀྱི་སྙིང་པོ་ལ་གནས་ཀྱི་བར་དུ་བགྱིའོ་ཞེས་བརྗོད་པར་བྱའོ། །སློབ་དཔོན་གྱིས་ཀྱང་ཐམས་ཅད་དུ་སྙིང་རྗེ་བ་དང་སེར་སྣ་མེད་
D496.087.0082b02.01པར་བྱས་ལ་སློབ་མ་དེ་ལ་སྦྱིན་པར་བྱའོ། །དེ་ལྟར་རིག་སྔགས་དང་དམ་ཚིག་མནོས་ནས་ཅི་སྐད་བསྟན་པ་ལྟ་བུའི་ས་ཕྱོགས་རྣམས་སུ་དེ་དང་མཐུན་པའི་ཆ་བྱད་དུ་བསྒྱུར་ལ། རིའི་རྩེ་མོའམ། འབབ་ཆུའི་ངོགས་སམ། ནགས་ཁྲོད་དམ། ཆུ་མིག་གི་དངོའམ། ཡིད་དུ་འོང་བ་
D496.087.0082b03.01དབེན་པ་དེར། ཟས་དཀར་གསུམ་བཟའ་བའམ། འོ་མ་བཏུང་ཞིང་ལན་ས་ཡ་བཟླས་བརྗོད་བྱས་ན་སྔར་སྤྱད་པ་བྱས་པར་འགྱུར་རོ། །དེ་ནས་རལ་གྲིའམ། རྡོ་རྗེའམ། མདུང་ཐུང་ངམ། བེ་ཅོན་ནམ། མདུང་རྩེ་གསུམ་པའམ། ལྕགས་སྣ་གསུམ་གྱི་འཁོར་ལོ་
D496.087.0082b04.01བླངས་ལ། བའི་རྣམ་ལྔས་བསྐུས་ཏེ་བ་ལང་གི་ལྕི་བའི་ཕུང་པོའི་སྟེང་དུ་གཞག་ལ་རྡོ་རྗེ་དྲག་པོ་ཆེན་པོའི་སྙིང་པོས་བསྲུང་བར་བྱའོ། །དེ་ནས་ཟླ་བ་ཚེས་ནས་བཟུང་སྟེ་ཉའི་བར་དུ་བཟླས་བརྗོད་བྱའོ། །དེ་ནས་གང་ཡང་རུང་བ་ཞིག་བླངས་ལ་སྤོས་ཆུས་བཀྲུས་ཏེ། བ་ལང་གི་
D496.087.0082b05.01ལྕི་བ་ས་ལ་མ་ལྷུང་བས་དཀྱིལ་འཁོར་བསྐུས་ལ། སྔ་མ་བཞིན་དུ་དཀྱིལ་འཁོར་བྲིས་ཏེ་ཅི་འབྱོར་པས་མཆོད་ལ་ཤིང་ཨ་ཤྭཏྠའི་ལོ་མའི་སྟེང་དུ་གཞག་སྟེ་མཚན་ཐོག་ཐག་བཟླས་བརྗོད་བྱས་ན། ནམ་ཕྱེད་དམ་ཉི་མ་ཤར་ཀར་ངེས་པར་འབར་ཞིང་རིག་སྔགས་འཆང་ཐམས་ཅད་
D496.087.0082b06.01འདུས་ཏེ་དེ་དག་གི་བསོད་ནམས་ཇི་ལྟ་བ་བཞིན་དུ་དབང་བསྐུར་ནས་རིག་སྔགས་འཆང་དུ་འགྱུར་ཏེ། འདོད་པའི་གཟུགས་འཆང་བ་དང་། འཇིག་རྟེན་གྱི་ཁམས་དུ་མར་རྒྱུ་བ་དང་། དེ་བཞིན་གཤེགས་པ་ཐམས་ཅད་ལ་མཆོད་པ་བྱེད་པར་འགྱུར་རོ། །ཅི་སྟེ་མ་གྲུབ་ལ་བརྟུལ་
D496.087.0082b07.01