完整藏文原文 · 德格版页 当前仅加载第 87 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཆེན་པོ་འགོད་པའོ། །བཅོམ་ལྡན་འདས་འདི་ལས་རིག་བྱེད་རྣམས་འབྱུང་སྔགས་རྣམས་དང་མཆོད་སྦྱིན་ལ་སོགས་པའི་ལས་རྣམས་འབྱུང་སྟེ། རྒྱ་མཚོ་ཆེན་པོ་བཞིན་དུ་ཆོས་ཐམས་ཅད་ཀྱི་གཞིར་གྱུར་པའོ། །ལག་ན་རྡོ་རྗེས་སྨྲས་པ། རྡོ་རྗེ་སེམས་དཔའ་རྡོ་རྗེ་ཆེ། །རྡོ་
D496.087.0057a01.01རྗེ་ཨོཾ་ཞེས་བྱ་བ་སྟེ། །བྱམས་དང་ཏིང་ངེ་འཛིན་ལས་སྐྱེས། །ང་རྒྱལ་རྣམ་པར་སྤངས་པ་ལེགས། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་བདག་གི་སྙིང་པོ་རྒྱལ་སྲིད་ཐམས་ཅད་ལ་དབང་སྦྱིན་པར་
D496.087.0057a02.01བགྱིད་པ་འདི་བཞེས་སུ་གསོལ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་བི་ད་རཱ་ཡ། མཽ་ལི་མཽ་ལི། པི་ཧུ་བི་ཧུ་སྭཱ་ཧཱ། བཅོམ་ལྡན་འདས་སྙིང་པོ་འདིས་བདག་ལྷ་རྣམས་ཀྱི་བདག་པོ་བགྱིད་དོ། །བཅོམ་ལྡན་འདས་གང་ལ་ལ་ཞིག་རྡོ་རྗེའི་འཁོར་ལོའི་དཀྱིལ་འཁོར་
D496.087.0057a03.01ཆེན་པོ་འདིར་ཞུགས་པར་གྱུར་པ་དེར་བདག་གི་སྙིང་པོ་འདི་བསྒྲུབ་པར་འཚལ་ན། དེས་དང་པོར་ལག་ན་རྡོ་རྗེའི་མདུན་དུ་ལན་སུམ་འབུམ་བཟླས་བརྗོད་བགྱིའོ། །ཐ་མར་ཐང་ཤིང་གི་ཡམ་སྲེག་ཤིང་མར་དང་སྦྲང་རྩི་དང་ལྷན་ཅིག་ཏུ་ལན་ཁྲི་སྦྱིན་སྲེག་བགྱིའོ། །བཅོམ་ལྡན་
D496.087.0057a04.01འདས་བདག་གིས་དེ་ཐམས་ཅད་བསྒྲུབ་པར་བགྱིའོ། །ཤི་འཕོས་ནས་ཀྱང་མཐོ་རིས་སུ་སྐྱེ་བར་འགྱུར་རོ། །རྟག་ཏུ་བཟླས་བརྗོད་བགྱིས་ན་རྒྱས་པར་འགྱུར་རོ། ལག་ན་རྡོ་རྗེ་ལ་བལྟ་ཞིང་ཟས་མི་འཚལ་བར་ལན་འབུམ་བཟླས་བརྗོད་བགྱིས་ན་རྒྱལ་སྲིད་འཐོབ་སྟེ་དམ་ཚིག་ཉམས་
D496.087.0057a05.01པ་ནི་མ་གཏོགས་ཏེ་མི་འགྲུབ་བོ། །དེ་ནས་ཀླུའི་རྒྱལ་པོ་དེ་དག་ཐམས་ཅད་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་ཀླུའི་སྙིང་པོ་མཆིས་ཏེ་དེས་ན་བདག་ཅག་ཐམས་ཅད་དབང་དུ་མཆིའོ། །དངོས་གྲུབ་སྩལ་བར་བགྱིའོ། །བསྲུང་
D496.087.0057a06.01བར་བགྱིའོ། །དུག་བསལ་བར་བགྱིའོ། །ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་ཐཱ་རེ་རེ་རཱ་ཏིཾ་ནཱ་ག་ལེ་ལི་རི། ཕུད་ཏ་རི་ཛི་ཧེ་སྭཱ་ཧཱ། སྙིང་པོ་འདི་བསྒྲུབ་པ་ལགས་ཏེ་རྒྱ་མཚོར་འབབ་པའི་ཆུ་ཀླུང་ངམ། མཚོ་ཆེན་པོར་ཞུགས་ཏེ་ལན་ཁྲི་བཟླས་བརྗོད་བགྱིའོ། །དེ་
D496.087.0057a07.01