完整藏文原文 · 德格版页 当前仅加载第 87 函德格 81a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །ལྷ་མ་ཡིན་གྱི་ཁུང་གི་སྒོར་སོང་ནས་ཁྲོས་ཏེ་ལན་ཁྲི་བཟླས་བརྗོད་བྱས་ཤིང་སྦྱིན་སྲེག་ཀྱང་སྔ་མ་བཞིན་དུ་བྱས་ན། ལྷ་མ་ཡིན་གྱི་གནས་ཐམས་ཅད་གཏན་མེད་པར་འགྱུར་ཏེ། ཅི་འདོད་པ་བཞིན་དུ་ཡོངས་སུ་སྤྱོད་ཅིང་འདོད་པ་བཞིན་དུ་རང་འབྱུང་བར་
D496.087.0081a01.01འགྱུར་རོ། །ལས་ཐམས་ཅད་བྱེད་དོ། །ཅི་སྟེ་གཏེར་ཆེན་པོ་འབྱུང་བར་འདོད་ན་ཟས་མི་བཟའ་བར་སྙིང་པོ་འདི་ལན་ཁྲི་བཟླས་བརྗོད་བྱས་ལ་ཐ་མར་ཤིང་ཀ་ར་བཱི་རའི་ལྕུག་མས་ལན་གསུམ་བསྣུན་ན་རང་འབྱུང་ངོ་། །རྟག་ཏུ་རྗེས་སུ་དྲན་པར་བྱེད་ན་སྐྱེ་བོ་ཐམས་ཅད་དགའ་བར་བྱེད་དོ། །
D496.087.0081a02.01ཁྲོས་པའི་མདུན་དུ་ཕྱག་རྒྱ་བཅིངས་ལ་ལན་ཉི་ཤུ་རྩ་གཅིག་བརྗོད་ན་དང་བར་འགྱུར་རོ། །བྱིས་པ་གདོན་གྱིས་ཟིན་པ་ཐམས་ཅད་ཀྱིས་མཐོང་བ་ཙམ་གྱིས་ཐར་བར་འགྱུར་རོ། །གདོན་ཆེན་པོ་ཐམས་ཅད་ལ་ནི་གཟུགས་བྱས་ལ་རྐང་པ་གཡོན་པས་མནན་ཏེ། ལན་བརྒྱ་རྩ་བརྒྱད་བཟླས་
D496.087.0081a03.01བརྗོད་བྱས་ན་གདོན་དེ་ཚིག་ཅིང་སྒྲ་འབྱིན་ཅིང་འབྲོས་པར་འགྱུར་རོ། །དྲིས་པ་མྱུར་དུ་སྨྲ་བར་འགྱུར་རོ། །ཅི་སྟེ་ཕ་རོལ་ལ་གནོད་པ་བྱེད་པར་འདོད་ན་བ་རུ་རའི་ཤིང་བུ་སོར་དྲུག་པ་དག་གཅིག་ལ་མིང་ནས་བརྗོད་ཅིང་སྔགས་ལན་བརྒྱ་རྩ་བརྒྱད་བསྔགས་ལ། ནམ་ཕྱེད་ན་ཁང་སྟེང་ངམ་སྒོའི་
D496.087.0081a04.01ནང་དུ་བཙུགས་ན་ཁྱིམ་དུ་གནོད་པ་ཆེན་པོ་འབྱུང་ངོ་། །ཡམས་ཀྱི་ནད་ཆེན་པོ་ཡང་འབྱུང་ངོ་། །ཡིད་ཀྱིས་ནི་ཞི་བར་བྱེད་དོ། །ཅི་སྟེ་རི་མོའི་སྐུ་གཟུགས་བསྒྲུབ་ན་རས་ལ་བཅོམ་ལྡན་འདས་ལག་ན་རྡོ་རྗེ་འོད་ཀྱི་ཁ་དོག་དབྱར་གྱི་སྤྲིན་འདྲ་བ། རྒྱན་མེད་པ། མིག་དམར་བ། ཁྲོས་པ།
D496.087.0081a05.01མ་མཆུ་སོས་མནན་པ། དཔྲལ་བ་ཁྲོ་གཉེར་གྱི་རིམ་པ་འཆས་པ། རྐང་པ་གཡོན་པས་ས་མནན་ཏེ་འདུག་པ། རྐང་པ་གཡས་པའི་རྡོག་པས་བསྣུན་པ་ལྟར་འདུག་པ། ལག་པ་གཡོན་པའི་མཛུབ་མོས་བསྡིགས་པ་ལྟར་བྱེད་པ། ལག་པ་གཡས་པ་ཁྲོ་བོའི་རྡོ་རྗེ་མི་བཟད་པ་འཕེན་པ་
D496.087.0081a06.01ལྟར་འདུག་པ་བྲི་བར་བྱ་སྟེ། བསྲུང་བ་བྱས་པ། རྡོ་རྗེ་གཙུག་ཏོར་གྱི་གཟུགས་སུ་བསྒྱུར་བ། རྟག་ཏུ་མཉམ་པར་གཞག་པ། སྙིང་རྗེ་དང་ལྡན་པ། བྱང་ཆུབ་ཀྱི་སེམས་དང་ལྡན་པའི་ཡིད་དུ་གྱུར་པས་ས་ཕྱོགས་དབེན་པ་དུགས་མེད་པར་མཆོད་པ་རྒྱ་ཆེར་བྱས་ལ་རི་མོ་མཁན་གསོ་
D496.087.0081a07.01