完整藏文原文 · 德格版页 当前仅加载第 87 函德格 101b 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་ཅིག་འདུག་ཅིག་ཅེས་བརྗོད་པར་བྱའོ། །དེ་དམ་པ་རྣམ་པ་གསུམ་ལས་གཅིག་སྦྱིན་པར་བྱེད་དེ། མའམ་སྲིང་མོའམ་ཆུང་མར་འགྱུར་རོ། །མར་གྱུར་ན་ནི་བུ་བཞིན་དུ་དགོས་པ་ཐམས་ཅད་བྱེད་དེ། སྲིང་མོར་གྱུར་ན་ནི་ཉིན་གཅིག་བཞིན་དུ་ཏི་ནར་རེ་རེ་སྦྱིན་པར་བྱེད་དོ། །ཆུང་མར་
D496.087.0101b01.01གྱུར་ན་ནི་དེ་དང་ལྷན་ཅིག་རྩེའོ། །ལོ་ལྔ་བརྒྱ་ཐུབ་པར་འགྱུར་རོ། །དེ་ནས་རིག་སྔགས་འཆང་གིས་འཁོར་ལོ་དེ་བསྒྲུབ་པ་ཡིན་ཏེ། སྔར་སྤྱད་པ་བྱས་པས་མགར་བ་གཙང་མ་གསོ་སྦྱོང་བཟུང་བ། ཡན་ལག་མ་ཚང་བ་མེད་པ་ལ་ཨུར་མོའི་འཁོར་ལོ་བྱེད་དུ་བཅུག་ལ་སོར་བརྒྱད་པ་
D496.087.0101b02.01མེ་ལྕེ་འབར་བས་བསྐོར་བར་བྱའོ། །དེ་ནས་རིག་སྔགས་འཆང་གིས་འཁོར་ལོ་དེ་བའི་སྣ་ལྔའི་ནང་དུ་བཅུག་སྟེ་ཞག་གཅིག་གཞག་གོ། །དེ་ནས་ཕྱུང་ལ་བཀྲུས་ཏེ་བསྐུས་ལ། རས་གཙང་མས་དཀྲིས་ཏེ་དེའི་འོག་ཏུ་མདུན་དུ་གཞག་ལ་མཆོད་པ་དང་གཏོར་མ་བྱས་ཏེ། མཆོད་ཡོན་གྱི་
D496.087.0101b03.01སྣོད་བླངས་ལ་རྩ་བའི་སྔགས་ཀྱིས་ལྷ་ཐམས་ཅད་སྤྱན་དྲང་ངོ་། །དེ་དག་ལ་ཡང་མཆོད་ཡོན་ཕུལ་ལ་ཡང་རྩ་བའི་སྔགས་ཀྱིས་སླར་གཤེགས་པར་བྱའོ། །ཐལ་བ་ལ་ལན་བདུན་བ་སྔགས་བཏབ་པས་ཐལ་བའི་ར་བར་འགྱུར་རོ། །རྩྭའི་མེ་ལ་ལན་བདུན་བསྔགས་པས་མེའི་
D496.087.0101b04.01ར་བར་འགྱུར་རོ། །དེ་ནས་ཆོ་ག་བཞིན་བསྲུང་བ་བྱས་ཏེ། ཡུངས་ཀར་ལ་ལན་བདུན་བསྔགས་པས་ས་བཅིང་ངོ་། །ཆུ་ལ་ལན་བདུན་བསྔགས་པས་ནམ་མཁའ་བཅིང་ངོ་། །དེ་ནས་སྔགས་པས་མཆོད་ཡོན་གྱི་སྣོད་སྤོས་ཆུས་བཀང་སྟེ། མེ་ཏོག་དཀར་པོ་བཅུག་པས་རྩ་བའི་
D496.087.0101b05.01སྔགས་ཀྱིས་རང་གི་ལྷ་སྤྱན་དྲངས་ལ་མཆོད་ཡོན་ཕུལ་ཏེ་སྟན་ལ་གཞག་ལ་ཡོངས་སུ་རྒྱས་པར་བྱས་ཏེ་མར་དང་སྦྲང་རྩི་དང་འོ་མའི་སྲེག་བླུགས་ཐོག་མར་ལན་བདུན་སྦྱིན་སྲེག་བྱའོ། །དེ་ནས་སྔགས་པས་འཁོར་ལོ་ལག་པ་གཉིས་ཀས་བླངས་ལ་འབར་གྱི་བར་དུ་བཟླས་བརྗོད་བྱའོ། །
D496.087.0101b06.01དེ་ནས་རྔ་སྒྲ་གྲག་པར་འགྱུར་རོ། །འབྲུག་ནི་དི་རི་རི་ཟེར་རོ། །མར་མེའི་མེ་ལྕེ་རིང་པོར་འགྱུར་རོ། །འཁོར་ལོ་ཡང་འགུལ་ལོ། །ནམ་མཁའ་ལས་ཀྱང་རིགས་ཀྱི་བུ་ལེགས་སོ་ལེགས་སོ། །ཁྱོད་འཁོར་ལོ་འདི་གྲུབ་པ་དང་། །ཁྱོད་བྱང་ཆུབ་ཀྱི་ལམ་དུ་ཞུགས་པ་དང་། ཁྱོད་སྲིད་
D496.087.0101b07.01