完整藏文原文 · 德格版页 当前仅加载第 87 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟོ་འཕྱེ་ཆེན་པོ་དང་མི་དང་མི་མ་ཡིན་པ་དེ་དག་སྣང་བ་དེས་སྣང་བར་བྱས་པས་ཕྱོགས་བཞིར་རྣམ་པར་བལྟས་པ་དང་སྟེང་གི་བར་སྣང་ལ་དཔག་ཚད་འབུམ་ཕྲག་དྲུག་ཅུ་རྩ་བརྒྱད་ན་མེའི་ཕུང་པོ་ཆེན་པོ་ལྟར་འབར་བའི་ཉི་མ་སྟོང་ལྟར་ལྷམ་མེར་རྣམ་པར་མཛེས་པར་མཐོང་
D496.087.0020a01.01ངོ་། །མཐོང་ནས་ཀྱང་ཡ་མཚན་དུ་གྱུར་པའི་སྙིང་གིས་ཕན་ཚུན་རྣམ་པར་བལྟས་ནས་ཅང་མི་སྨྲ་བར་འཁོད་པར་གྱུར་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་གཟུངས་ཐོབ་པ་དང་། བཟོད་པ་ཐོབ་པ་དང་། སྟོབས་ཐོབ་པ་དེ་དག་གིས་ཀྱང་རྣམ་པར་བལྟས་
D496.087.0020a02.01ན་མེའི་ཕུང་པོ་ཆེན་པོ་ལྟར་འབར་བ་ཉི་མ་སྟོང་ལྟར་ལྷམ་མེར་རྣམ་པར་མཛེས་པར་མཐོང་ནས་དེ་དག་ཀྱང་ཡ་མཚན་དུ་གྱུར་པའི་སྙིང་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཞུས་པ། བཅོམ་ལྡན་འདས་འདི་ནས་
D496.087.0020a03.01དཔག་ཚད་འབུམ་ཕྲག་དྲུག་ཅུ་རྩ་བརྒྱད་ཀྱི་སྟེང་གི་བར་སྣང་ལ་ལྷམ་མེ་ལྷན་ནེ་ལྷང་ངེར་གདའ་ཞིང་བཅོམ་ལྡན་འདས་རྟོགས་པར་དཀའ་བ་བརྗོད་པར་དཀའ་བ་འདི་ནི་ཅི་ལགས་དེ་སྐད་ཅེས་གསོལ་བ་དང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
D496.087.0020a04.01སངས་རྒྱས་ཤཱཀྱ་ཐུབ་པས། བྱང་ཆུབ་སེམས་དཔའ་དེ་དག་དང་ལྷའི་འཁོར་ཆེན་པོ་དེ་དག་ལ་བཀའ་སྩལ་པ། རིགས་ཀྱི་བུ་དག་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ཞེས་བྱ་བ་དེ་ང་ལ་བལྟ་བ་དང་། ཕྱག་བྱ་བ་དང་། མཆོད་པ་བྱ་བ་དང་། བསྙེན་
D496.087.0020a05.01བཀུར་བྱ་བ་དང་། ཆོས་མཉན་པའི་ཕྱིར་འོངས་ཏེ། ང་ལ་མཆོད་པའི་ཕྱིར་རྣམ་པར་སྣང་མཛད་ཀྱི་རྒྱན་བཀོད་པ་ཞེས་བྱ་བའི་ཁང་པ་བརྩེགས་པ་མངོན་པར་སྤྲུལ་པ་དེ་བཞིན་གཤེགས་པ་ཐམས་ཅད་ཀྱི་སྤྱོད་པ་བསྟན་པའི་ཆོ་འཕྲུལ་སྔོན་གྱི་སྤྱོད་པ་བསྒྲུབ་པའི་རྒྱུ་མཐུན་པ་སྟེ་འདི་ནི་
D496.087.0020a06.01ཆོས་གང་གི་ཡོན་ཏན་བསྐལ་པ་བརྒྱར་ཡང་མཐའ་རྟོགས་པར་མི་ནུས་པ་དེའི་འོད་ལྷམ་མེ་ལྷན་ནེ་ལྷང་ངེར་འདུག་པའོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོ་དེ་ཡང་ཐེག་པ་ཆེན་པོ་ལ་འཇུག་པའི་སྒོ་རྣམ་པར་དག་པའི་གནས་ཞེས་བྱ་བའི་ཆོས་ཀྱི་རྣམ་གྲངས་ཀུན་དུ་
D496.087.0020a07.01