完整藏文原文 · 德格版页 当前仅加载第 87 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ཉིད་ལས་མཛུབ་མོ་གཉིས་བརྐྱང་བ་ནི་རྡོ་རྗེ་མཚམས་ཀྱི་ཕྱག་རྒྱའོ། །ཕྱག་རྒྱ་འདི་ཉིད་ལས་གུང་མོ་དང་མཛུབ་མོ་གཉིས་གཤིབས་ཏེ་བསྒྲེང་བ་ནི་རྡོ་རྗེ་རལ་གྲིའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེ་བོ་གཉིས་ཀྱི་དྲུང་དུ་བཅར་ལ་ལྷག་མ་སྔ་མ་བཞིན་གཞག་པ་ནི་རྡོ་རྗེ་ཕོ་ཉ་མོ་རྣམས་ཀྱི་ཕྱག་རྒྱའོ། །
D496.087.0108b01.01དེ་བཞིན་དུ་ལག་པ་གཉིས་ཁུ་ཚུར་བཅངས་ལ་ཁུ་ཚུར་གཡོན་པ་བརྡེག་པར་གཟས་པ་ལྟར་བྱ་ཞིང་། ཁུ་ཚུར་གཡས་པ་བྲང་ལ་བཅར་ཏེ་མཛུབ་མོས་བསྡིགས་པ་ནི་མངོན་དུ་གྱུར་པའི་ཕྱག་རྒྱའོ། །ལག་པ་གཉིས་ཀ་བསྐོར་བའི་ཚུལ་དུ་ཁུ་ཚུར་བཅངས་ལ་རྐང་པ་བརྐྱང་ལ་ཁུ་ཚུར་བསྣུན་ཐབས་
D496.087.0108b02.01སུ་གྱེན་དུ་བསྟོད་པ་ནི་ཐུབ་དཀའི་ཕྱག་རྒྱའོ། །དེ་བཞིན་དུ་ལག་པ་གཉིས་སྙིམ་པར་སྦྱར་ལ། མཐེའུ་ཆུང་གཉིས་དང་མཐེ་བོ་གཉིས་ནང་དུ་བཀུག་པ་ནི་རྣམ་ཐོས་བུའི་དབྱུག་ཐོའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་གཉིས་ཞགས་མིག་གི་ཚུལ་དུ་བྱས་པ་ནི་ཞགས་པ་སྟེ་ནོར་རྒྱས་ཀྱི་བུའི་ཕྱག་
D496.087.0108b03.01རྒྱའོ། །དེ་བཞིན་དུ་ལག་པ་གཉིས་སྙིམ་པར་སྦྱར་ཏེ་མཛུབ་མོ་གཉིས་ཀྱིས་སོར་མོ་ཐམས་ཅད་འཁྱུད་པ་ནི་སའི་སྙིང་པོའི་ཡིད་བཞིན་གྱི་ནོར་བུའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཛུབ་མོ་གཉིས་རལ་གྲིའི་ཚུལ་དུ་སྦྱར་བ་ནི་ནམ་མཁའི་སྙིང་པོའི་རལ་གྲིའི་ཕྱག་རྒྱའོ། །རལ་གྲིའི་ཕྱག་
D496.087.0108b04.01རྒྱ་ལས་སྲིན་ལག་གཉིས་ནང་དུ་བཀུག་པ་ནི་སྒྲིབ་པ་ཐམས་ཅད་རྣམ་པར་སེལ་བའི་ཕྱག་རྒྱའོ། །རལ་གྲིའི་ཕྱག་རྒྱ་དེ་ལས་མཐེ་བོ་གཉིས་ནང་དུ་བཀུག་པ་ནི་ཞི་བའི་བློ་གྲོས་ཀྱི་རྒྱལ་བའི་ཕྱག་རྒྱའོ། །དེ་བཞིན་དུ་ལག་པ་གཉིས་ཐལ་མོ་བཀན་ཏེ་སྲིན་ལག་གཉིས་བསྒྲེང་བ་ནི་མེ་ཏོག་གི་
D496.087.0108b05.01ཕྱག་རྒྱའོ། །ཕྱག་རྒྱ་འདི་ཉིད་ལས་གུང་མོ་གཉིས་མཐིལ་དུ་བཅར་བ་ནི་བྱུག་སྤོས་ཀྱི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེ་བོ་གཉིས་གུང་མོ་གཉིས་ལ་བཅར་བ་ནི་བདུག་པའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེ་བོ་གཉིས་མཐེའུ་ཆུང་གཉིས་ཀྱིས་འཁྱུད་པ་ནི་མཆོད་ཡོན་གྱི་
D496.087.0108b06.01ཕྱག་རྒྱའོ། །མཐེ་བོ་གཉིས་བརྐྱང་བ་ནི་མར་མེའི་ཕྱག་རྒྱའོ། །མཐེ་བོ་སྦས་ཏེ་མཛུབ་མོ་བསྐུམ་པ་ནི་གཏོར་མ་སྦྱིན་པའི་ཕྱག་རྒྱའོ། །དེ་བཞིན་དུ་ལག་པ་གཉིས་ཀ་གཅིག་ཏུ་སྦྱར་ལ་མཐེ་བོ་དང་མཛུབ་མོ་གཅིག་ཏུ་སྦྱར་ཏེ་སྲིན་ལག་གཉིས་བརྐྱང་བ་ནི་རྡོ་རྗེ་དབྱངས་ཅན་གྱི་ཕྱག་རྒྱའོ། །
D496.087.0108b07.01