完整藏文原文 · 德格版页 当前仅加载第 87 函德格 39b 版页；藏文 NFD、目录标记与异常页序保留在来源切片中，重复版页行以稳定序号区分。
འོ་མ་སྦྲང་རྩིའོ། །རྒྱས་ལ་ཞོ་དང་འབྲས་ཆན་དང་། །གང་དག་གཞན་ནས་གསུངས་པའོ། །དྲག་ཤུལ་སྤྱོད་པ་ཚེར་མར་གསུངས། །དབང་བྱར་སྔ་མ་ཅི་བཞིན་དུ། །ལས་འདོད་འཇིགས་པ་མེད་རྣམས་ཀྱིས། །ཅི་རིགས་པར་ནི་སྦྱིན་སྲེག་བྱ། །ཅི་ལྟར་རིགས་
D496.087.0039b01.01པ་སོ་སོ་ལས། །དེ་དག་ལ་ནི་ཡོན་དགུག་གོ། །ཡང་ན་ཡིད་ལ་གང་འདོད་པ། །དེ་ནི་ཅི་བདེར་སྦྱིན་པར་གྱིས། །དེ་ཡི་ཚེ་ན་སློབ་དཔོན་ལ། །སློབ་མ་རྣམས་ཀྱིས་ཡོན་དབུལ་ལོ། །མ་བྱིན་ན་ནི་དམ་ཚིག་ཉམས། །དངོས་གྲུབ་ཐོབ་པར་མི་འགྱུར་རོ། །དཔེར་ན་ཉི་
D496.087.0039b02.01མ་ཟླ་བ་གཉིས། །འཇིག་རྟེན་མིག་ཏུ་མཁས་པས་འདོད། །དེ་བཞིན་སྐྱེ་བོ་འདི་ལ་ཡང་། །སློབ་དཔོན་དེ་ནི་མིག་འདྲར་འདོད། །དཔེར་ན་མེ་ཡི་ཁམས་དེས་ནི། །བུད་ཤིང་ཐམས་ཅད་སྲེག་པར་བྱེད། །དེ་བཞིན་སློབ་དཔོན་ཤེས་པར་བྱ། །མི་ཤེས་བུད་ཤིང་སྲེག་པར་
D496.087.0039b03.01བྱེད། །དཔེར་ན་ཆུ་ཡི་ཁམས་དེ་ནི། །འཇིག་རྟེན་གདུང་བ་ཐམས་ཅད་གཅོད། །དེ་བཞིན་དུ་ནི་སློབ་དཔོན་ཡང་། །གདུང་བ་ཀུན་གཅོད་ཤེས་པར་བྱ། །དཔེར་ན་རླུང་གི་ཁམས་དེ་ནི། །འཇིག་རྟེན་ཐམས་ཅད་རྟག་ཏུ་བསྒྲུབ། །དེ་བཞིན་སློབ་དཔོན་སློབ་མ་ལ། །དགེ་བ་
D496.087.0039b04.01རྣམ་པར་སྒྲུབ་པར་བྱེད། །དཔེར་ན་ལུས་ཅན་ཐམས་ཅད་ལ། །ས་ནི་རྟེན་དུ་གྲགས་པ་ཡིན། །དེ་བཞིན་དུ་ནི་སློབ་དཔོན་ཡང་། །ཆོས་ཀྱི་རྟེན་དུ་འདོད་པ་ཡིན། །དཔེར་ན་བཅོམ་ལྡན་རྣམ་སྣང་མཛད། །ཆོས་ཀུན་རྟོགས་པར་ཁོང་དུ་ཆུད། །དེ་བཞིན་སློབ་དཔོན་ཤེས་པར་
D496.087.0039b05.01བྱ། །དཔེར་ན་དཔལ་ལྡན་རྡོ་རྗེ་འཆང་། །གསང་བ་ཐམས་ཅད་མཐུན་པར་འཛིན། །དེ་བཞིན་དུ་ནི་སློབ་དཔོན་ཡང་། །འདིར་ནི་སྔགས་ཀྱི་གསང་བ་འཛིན། །དཀོན་མཆོག་གསུམ་གྱི་བསྔགས་པ་རྣམས། །དེ་ནི་རྟག་ཏུ་རྗོད་པར་བྱེད། །བྱང་ཆུབ་སེམས་དཔའ་ཐམས་ཅད་ཀྱི། །
D496.087.0039b06.01བསྔགས་པ་ཆེན་པོའང་རྗོད་པར་བྱེད། །དཔེར་ན་སངས་རྒྱས་མིག་འདྲ་སྟེ། །ཡང་དག་ལམ་ནི་སྟོན་མཛད་པ། །དེ་བཞིན་སྔགས་པ་འཇིགས་མེད་ཀྱང་། །ཐེག་ཆེན་གནས་འདི་སྟོན་པ་ཡིན། །བདག་ལྟར་སྔགས་པ་དེ་བཞིན་ཏེ། །སློབ་དཔོན་ཅི་བཞིན་རྒྱལ་དེ་བཞིན། །
D496.087.0039b07.01