完整藏文原文 · 德格版页 当前仅加载第 87 函德格 118b 版页；藏文 NFD、目录标记与异常页序保留在来源切片中，重复版页行以稳定序号区分。
པར་འཛིན་པའི་སྐལ་བ་ཡོད་པ་དག་གོ། །དེ་ནས་ཐམས་ཅད་དང་ལྡན་པའི་འཁོར་དེས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་རིགས་ཀྱི་བུ་གང་དག་ཡིད་རྣམ་པར་དག་པའི་སྒོའི་ཆོས་ཀྱི་རྣམ་གྲངས་འདི་ལ་མངོན་པར་བརྩོན་པ་དེ་དག་ནི་ཕྱག་བགྱི་བ་ལགས་
D496.087.0118b01.01ཏེ། བདག་ཅག་ཐམས་ཅད་གཡོག་དང་བཅས་འཁོར་དང་བཅས་པར་འདུས་ནས་གོས་དང་ཟས་རྣམས་ཀྱིས་དེ་དག་ལ་བསྟི་སྟང་དུ་བགྱི། བླ་མར་བགྱི། རི་མོར་བགྱི། མཆོད་པར་བགྱིའོ། །གྲོང་ན་གནས་ཀྱང་རུང་། དགོན་པར་གནས་ཀྱང་རུང་སྟེ་གནོད་པ་ཐམས་ཅད་ཀྱང་བཟློག་པར་
D496.087.0118b02.01བགྱིའོ། །ཕན་པ་རྣམས་ཉེ་བར་བསྒྲུབ་པར་བགྱིའོ། །རིགས་ཀྱི་བུའམ་རིགས་ཀྱི་བུ་མོ་རྟག་ཏུ་རྒྱུན་མི་འཆད་པར་མངོན་པར་བརྩོན་པ་དེ་དག་གི་རེ་བ་ཐམས་ཅད་ཇི་ཙམ་དུ་ཡོངས་སུ་རྫོགས་པར་མ་བགྱིས་པ་དེ་སྲིད་དུ་བདག་ཅག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་
D496.087.0118b03.01པར་སངས་རྒྱས་པར་མི་བགྱིའོ། །དེ་ནས་བྱང་ཆུབ་སེམས་དཔའ་ལག་ན་རྡོ་རྗེས་ཐམས་ཅད་དང་ལྡན་པའི་འཁོར་དེ་ལ་འདི་སྐད་ཅེས་སྨྲས་སོ། །ལེགས་སོ་ལེགས་སོ། །གྲོགས་པོ་དག་འདི་ལྟ་སྟེ། གང་གི་ལག་ན་ཡིད་རྣམ་པར་དག་པའི་སྒོ་གནས་པ་དེ་ནི་དེ་བཞིན་གཤེགས་པ་
D496.087.0118b04.01རྣམས་ཀྱི་བྱང་ཆུབ་བོ། །འདི་ལྟ་སྟེ་གསང་སྔགས་ཀྱི་སྒོ་སྤྱོད་པ་མངོན་པར་རྫོགས་པར་བྱང་ཆུབ་པ་འཛིན་པ་ལ་བསྟི་སྟང་དུ་བྱ་རི་མོར་བྱ་སྟེ་འདི་ཉིད་བྱ་བའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་དེའི་ཚེ། བྱང་ཆུབ་སེམས་དཔའི་སྤྱད་པ་གསང་སྔགས་
D496.087.0118b05.01ཀྱི་སྒོ་སྤྱོད་པ་རྣམས་བསྲུང་བའི་ཕྱིར། རྣམ་པར་དག་པ་མཐའ་ཡས་པའི་གནས་ཀྱི་གསང་སྔགས་ཀྱི་ཚིག་རྣམས་སྨྲས་པ། ན་མཿསརྦ་ཏ་ཐཱ་ག་ཏེ་བྷྱཿ། སརྦ་མུ་ཁེ་བྷྱཿ། སརྦ་བྷ་ཡ་བྷི་ཁ་ཏེ་བྷྱཿ། སརྦ་ཐཱ་ཧཱུྃ་ཙ་པ་ལི་ནི་ཀ །ཀེ་ཀ་རཀྵ་རཀྵ་དཱ་ཀེ་བྷྱ་དཪྨ། ཥ་ཏཱྃ་གི་ཙཎྜོ་ལི་
D496.087.0118b06.01ཥ་པ་དོ་ལི་ཏིརཏྣ་ཧ་མ་བ་ཡི་ནི་མ་ནི་སམ་མ་མ་ཧཱ་ཡ་ན་སི་སྭཱ་ཧཱ། ཆོས་སྨྲ་བ་གང་ལ་ལ་ཞིག་གིས་ཉིན་ལན་གསུམ་མཚན་ལན་གསུམ་དྲན་པར་བྱས་ན། དེ་ལ་འཇིགས་པ་དང་གནོད་པ་ཐམས་ཅད་མི་འབྱུང་ངོ་། །དེ་བཞིན་དུ་ལག་པ་གཉིས་སྦྱར་ཏེ་གུང་མོ་གཉིས་བཀུག་ལ་ནང་དུ་བཅུག་
D496.087.0118b07.01