完整藏文原文 · 德格版页 当前仅加载第 87 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་མངའ་མ་ལགས། །ཡུལ་རྣམས་དང་ནི་དེ་བྲལ་ཡང་། །སེམས་ཅན་རྣམས་ཀྱི་ཡུལ་དུ་གྱུར། །གསུང་ནི་དེ་བཞིན་སེམས་ཅན་དེ། །དེ་བཞིན་སྐུ་དང་དེ་བཞིན་ཐུགས། །མཚན་ཉིད་གཅིག་དང་རབ་ལྡན་ཞིང་། །སྨྲ་བའི་ནང་ན་མཆོག་ཏུ་སྣང་། །
D496.087.0009a01.01སྐྱེ་བ་མེད་ལས་གྲོལ་བ་ཡི། །དེ་བཞིན་གཤེགས་པ་ཡོད་མིན་པས། །གང་དག་སྐྱེ་བ་མེད་ཤེས་པ། །དེ་དག་འདྲེན་པ་རྣམ་པར་ཤེས། །མགོན་པོ་རྟག་ཏུ་མཉམ་གཞག་ཅིང་། །ལུས་དང་ངག་དང་ཡིད་བྲལ་ཡང་། །རྟག་པར་ལུས་ངག་སྤྱོད་ཡུལ་དུ། །ཐུབ་པ་
D496.087.0009a02.01རྒྱུན་དུ་རབ་ཏུ་སྣང་། །བྱང་ཆུབ་སེམས་དཔའ་ཆེ་བ་ཉིད། །ཤིན་ཏུ་དཀའ་བ་བྱེད་པ་དག །སངས་རྒྱས་ཡེ་ཤེས་ཆེ་འབར་བ། །འདི་འདྲ་ཡོངས་སུ་ཚོལ་བར་བྱེད། །དེ་ལ་མིག་ནི་མི་སྣང་ཞིང་། །རྣ་བ་དང་ནི་སྣ་ཡང་མིན། །ལྕེ་དང་ལུས་དང་ཡིད་ཀྱང་ནི། །དེ་ཕྱིར་
D496.087.0009a03.01དེ་ཡི་ཡུལ་མ་ཡིན། །གཟུགས་མིན་སྒྲ་ཡང་མ་ཡིན་ཏེ། །དྲི་དང་རོ་དང་རེག་མ་ཡིན། །དབང་པོ་མ་ཡིན་རྣམ་ཤེས་མིན། །ཐམས་ཅད་དུ་ནི་རྟག་ཏུ་ཞི། །ཡུལ་ཅན་དང་ནི་ཡུལ་དེ་དག །རྣམ་པར་བརྟགས་པས་ཡོད་མ་ཡིན། །ཡུལ་ཅན་ཡོད་པ་མ་ཡིན་པས། །
D496.087.0009a04.01ཡུལ་རྣམས་སྲིད་པ་མ་ཡིན་ནོ། །བྱིས་པས་ཇི་ལྟར་བརྟགས་པ་བཞིན། །དེ་ལྟར་གང་ཚེ་ཡོད་མིན་པ། །དེ་ཚེ་མགོན་པོ་ཡོད་འགྱུར་ཏེ། །རྣམ་པར་མ་བརྟགས་ཚུལ་དུའོ། །དེ་ནི་ཀུན་ཏུ་ཐམས་ཅད་ལ། །བསམ་པ་ཇི་བཞིན་རྫོགས་མཛད་པ། །སྟོན་པ་ཡིད་
D496.087.0009a05.01བཞིན་ནོར་བུ་ལྟར། །ཀུན་གྱི་མདུན་ན་བཞུགས་པ་ཡིན། །གཟུགས་བརྙན་འབྱུང་བའི་ཚུལ་གྱིས་སུ། །ཏིང་འཛིན་དབང་སྒྱུར་རྣམས་ལ་ནི། །ལྟ་སྨྲ་འབེལ་གཏམ་ཐམས་ཅད་ཀྱིས། །ཀུན་གྱི་ལོངས་སྤྱོད་འོས་སུ་འགྱུར། །རྣམ་པར་སྣང་མཛད་མགོན་མཐོང་ནས། །
D496.087.0009a06.01དེ་ཚེ་ཀུན་གྱིས་ཏིང་འཛིན་དང་། །གཟུངས་དང་རིག་དང་རྣམ་པར་ཐར། །བསམ་གྱིས་མི་ཁྱབ་ཐམས་ཅད་ཐོབ། །གཟུངས་ལ་དབང་ནི་ཐོབ་གྱུར་ཅིང་། །སངས་རྒྱས་ཡེ་ཤེས་ཚོལ་བྱེད་པ། །བདག་ཅག་རྣམས་ནི་ཐམས་ཅད་ཀྱང་། །ཕྱོགས་བཅུ་དག་ནས་ལགས་པ་ཡིན།
D496.087.0009a07.01